You are here
Home > खेलकुद > म्यानचेष्टर युनाइटेडको लगातार तेस्रो हार

म्यानचेष्टर युनाइटेडको लगातार तेस्रो हार

५ आश्विन २०७३, बुधबार ०८:१३

२ असोज, काठमाडौं । वाटफोर्डले इंग्लिस प्रिमियर लिग फुटबलमा बलियो टोली म्यानचेष्टर युनाइटेडलाई पराजित गरेको छ ।

सिजनको सुरुवाती तीन खेल जितेको युनाइटेड डर्बी भिडन्तबाट ओरालो लागेको थियो । त्यो हारसँग जोजे माउरिन्होको टोलीले लगातार तीन हार व्यहोरेको छ । डर्बीपछि युरोपा लिगमा हारेको म्यानचेष्टर युनाइटेड आइतबार प्रिमियर लिगमा वाटफोर्डसँग ३-१ ले स्तब्ध भएको छ ।

घरेलु मैदानमा भएको खेलमा वाटफोर्डले ३४ औं मिनेटमा केपुको गोलबाट अग्रता लिएको थियो । पहिलो हाफमा थप गोल हुन सकेन । दोस्रो हाफमा युनाइटेड खेलमा फर्कियो र ६२ औं मिनेटमा रास्फोर्डले बराबरी गोल फर्काए ।

तर, वाटफोर्डले हार मानेन । ८३ औं मिनेटमा जुनिगाले गोल गरे । खेलको अन्तिम मिनेटमा वाटफोर्डले पेनाल्टी पायो र ड्यानीले गोल गर्दै आफ्नेा टिमलाई शानदार जित दिलाए ।