You are here
Home > राजनीति > विशेषाधिकार प्रयोग गरी विधेयक पेश गर्न सभामुखलाई आग्रह-डा. गोविन्द केसी

विशेषाधिकार प्रयोग गरी विधेयक पेश गर्न सभामुखलाई आग्रह-डा. गोविन्द केसी

२६ आश्विन २०७४, बिहीबार १५:३१

काठमाडौं ।

आमरण अनसनरत डा. केसीले विशेष अधिकार प्रयोग गरेर भएपनि भोलिको बैठकमा विधेयक पेश गर्न सभामुखलाई आग्रह गरेको छ । केसीले सरकारले ल्याएको संशोधनसहित चिकित्सा शिक्षा विधेयक पास गर्न पनि आहृवान गरेका छन् ।

सरकारले डा. केसीको माग सम्बोधन गर्ने गरी संशोधन दर्ता गराएको छ । तर, एमाले र माओवादीले संसदीय समितिको प्रतिवेदनमा संशोधन आएको भन्दै रोकेका छन् । उनीहरुले कि समितिमा पठाउन वा पुरानै विधेयक पास गर्नु पर्ने अडान लिएका छन् ।

डा. केसीले बिहीबार पत्रकार सम्मेलन गरी माफियामुखी ऐन ल्याउन चाहनेहरुले संसदलाई बन्धक बनाएको आरोप लगाएका छन् । उनले भने, ‘उनीहरुकै कारण अहिलेको संसदबाट विधेयक पारित नभई निस्कृय भएर जाने र यो क्षेत्र सुधारका लागि हामीले लामो समयदेखि गरेको प्रयास खेर जाने देखिएको छ ।’ उनले भने, ‘त्यसो नभएर संसदलाई कसैको स्वार्थको बन्धक बनाउन दिएमा संसदको गरिमाका साथै सभामुखको पदीय मर्यादा र कार्यकुशलतामाथि समेत प्रश्न उठ्ने अवस्था आउनेछ ।’