You are here
Home > Front News > प्रहरीमा रोकिएको बढुवा खुल्यो, ७३ सईको बढुवा सिफारिस ,पुरा बिवरण हेर्नुस

प्रहरीमा रोकिएको बढुवा खुल्यो, ७३ सईको बढुवा सिफारिस ,पुरा बिवरण हेर्नुस

७ बैशाख २०७५, शुक्रबार २०:५८

मदन कुमार गाैतम , काठमाण्डाै 

बैशाख ७, लामो समयदेखि रोकिएको नेपाल प्रहरीको सईको बढुवा भएको छ।बढुवा सिफारिस समितिले ७३ जना सईहरुको इन्सपेक्टरमा बढुवाका लागि सिफारिस गरेको छ।

 

२०६० सालमा भर्ना भएका सईहरुको बढुवा भएको प्रहरी प्रधान कार्यालयले जनाएको छ।६० सालमा भर्ना भएका १ हजार ६१ जनामध्ये उत्कृष्ट ७३ जनालाई बढुवाका लागि सिफारिस गरिएको उच्च प्रहरी स्रोतले जानकारी दियो।बढुवा सिफारिस समितिले आजै जवानबाट हवल्दारका लागि ४०० जनाको नाम टुंगो लगाएको छ।

केही दिनभित्रै इन्सपेक्टरबाट डिएसपीको पनि बढुवा हुने प्रहरी प्रधान कार्यालयले जनाएको छ।सर्वेन्द्र खनाल आइजिपीमा नियुक्त भएपछि उनले तल्लो दर्जाको बढुवा जाम खुलाएका हुन्।

खनालले सबैभन्दा बढी योजना चाहिने भनेकै प्रहरी जवान र हबल्दार लागि हो, भनेका छन्।नेतृत्व तहमा रहेर माथिमाथिको मात्र नहेरी तल काम गर्ने ती प्रहरीमा केन्द्रित रहने खनालले बताएका छन्।बुट बजारेर परिवार नभनि दिनरात खट्ने समूह प्रहरीमा ठूलो भएको भन्दै खनालले त्यसलाई मुटुमा राखेर काम गर्ने बताएका छन्।

  • 137
    Shares