You are here
Home > समाचार > किशोरीको बलात्कार गरी फरार रहेका आरोपी पक्राउ

किशोरीको बलात्कार गरी फरार रहेका आरोपी पक्राउ

१८ भाद्र २०७५, सोमबार १०:२८

कञ्चनपुर- कञ्चनपुरको बेलडाँडी गाउँपालिका–१ का १६ वर्षीया किशोरीमाथि बलात्कार गरी फरार रहेका अभियुक्त जनक खड्कालाई प्रहरीले पक्राउ गरेको छ।

अभियुक्त खड्कालाई बेलडाँडी क्षेत्रबाटै आइतबार साँझ पक्राउ गरेको जिल्ला प्रहरी कार्यालय कञ्चनपुरका प्रहरी नायब उपरीक्षक कृष्णराज ओझाले जानकारी दिए।

शनिबार किशोरी बलात्कारमा संलग्न रहेको आरोपमा प्रहरीले मानबहादुर विष्टलाई पक्राउ गरेको थियो। शुक्रबार राति घरमा पूजा भइरहेका बेला मोटरसाइकलमा लगि किशोरीलाई बलात्कार गरिएको थियो। पक्राउ परेका दुवै जनाविरुद्ध मुद्दा दर्ता भई अनुसन्धान प्रक्रिया अगाडि बढाइएको जिल्ला प्रहरी कार्यालय कञ्चनपुरले जनाएको छ।