You are here
Home > समाचार > गोली प्रहारबाट एक जना घाइते

गोली प्रहारबाट एक जना घाइते

१९ भाद्र २०७५, मंगलवार १०:२४

जनकपुर— धनुषाको लक्ष्मीनियामा अज्ञात समूहको गोली प्रहारबाट एक जना घाइते भएका छन्। जिल्ला प्रशासन कार्यालय धनुषामा लेखपढी व्यवसाय गर्दै आएका लक्ष्मीनिया गाउँपालिका–६ का ३५ वर्षीय सञ्जय शर्मा गोली प्रहारबाट घाइते भएका हुन्।

जनकपुरबाट मोटरसाइकलमा घर जाँदै गर्दा सोमबार राति साढे ९ बजे शर्मामाथि लक्ष्मीनिया बजार नजिकै गोली प्रहार भएको हो। शर्माको पेटमा दायाँ तर्फबाट गोली लागेको छ।

मोटरसाइकलमा चढेर आएका २ जनाको समूहमा रहेका हतियारधारीले गोली प्रहार गरेको प्रहरीले जनाएको छ।

शर्मालाई जनकपुर अञ्चल अस्पतालमा प्राथमिक उपचार गरि थप उपचारकालागि काठमाडौं पठाइएको छ।