You are here
Home > समाचार > कर्णाली प्रदेश प्रहरीद्धारा लुकाईछिपाई राखेको अबैध काठ बरामद

कर्णाली प्रदेश प्रहरीद्धारा लुकाईछिपाई राखेको अबैध काठ बरामद

२७ भाद्र २०७५, बुधबार १९:२३

सुर्खेत- सुर्खेत भेरीगङ्गा नगरपालिका–२ स्थित सत्तरी भन्ने स्थानबाट प्रहरीले आज अवैध काठ बरामद गरेको छ। कर्णाली प्रदेश प्रहरी कार्यालयको ब्यूरो र इलाका प्रहरी छिन्चुबाट गएको संयुक्त टोलीले सत्तरी निवासी विरोध वलीको घरबाट अवैध काठ बरामद गरेको हो ।

वलीको घरमा छापा मार्दा लुकाई–छिपाई राखेको अवस्थामा ६३ थान (६६.८८) क्यूफिट काठ रितपूर्वक बरामद गरिएको जिल्ला प्रहरी कार्यालय सुर्खेतका प्रवक्ता प्रहरी नायब उपरीक्षक श्यामसिंह चौधरीले जानकारी दिए ।

प्रहरीले बरामद गरिएको सालको काठ र वलीलाई सवडिभिजन वन कार्यालय छिन्चु सुर्खेतमा बुझाइएको प्रवक्ता चौधरीले जानकारी दिए। त्यसैगरी, आज प्रहरीलाई नगद दिने व्यक्तिलाई पनि कारवाही गरिएको उनले बताए ।

“बराहताल गाउँपालिका–७ सुर्खेतका इन्द्रबहादुर मगरले मोटरसाइकलमा तीनजना चढाएर ट्राफिक नियम उल्लङ्घन गरेका थिए,” उनले भने, “वीरेन्द्रनगरस्थित नेताचोकमा प्रहरी निरीक्षक शङ्कर श्रेष्ठले जाँच गर्दा उनले रु ७२५ दिएर प्रलोभन पार्न खोजे देखियो ।”

  • 21
    Shares