You are here
Home > समाचार > सुडानमा विद्रोही समूहद्वारा नेपाली सेनाका जवानमाथि गोली प्रहार, स्वास्थ्य अवस्था खतरामुक्त

सुडानमा विद्रोही समूहद्वारा नेपाली सेनाका जवानमाथि गोली प्रहार, स्वास्थ्य अवस्था खतरामुक्त

१ आश्विन २०७५, सोमबार १२:०५

काठमाडौं –संयुक्त राष्ट्र सङ्घको आह्वानमा शान्ति स्थापनार्थ दक्षिण सुडानमा तैनाथ सिद्धिबक्स गण (शा. से.) चौथो डफ्फामा कार्यरत एक सैनिक जवान गोली लागेर घाइते भएका छन् ।

आइतबार बिहान दक्षिण सुडानको पिपुल्स लिवरेशन आर्मी (एसपिएलए)का तर्फबाट चलाइएको गोली लागि घाइते भएका जवानको स्वास्थ्य अवस्था खतरामुक्त रहेको सैनिक जनसम्पर्क तथा सूचना निर्देशनालयले जनाएको छ ।

उनको राजधानी जुवास्थित अस्पतालमा उपचार भइरहेको नेपाली सेनाले जानकारी दिएको छ । यई भन्ने स्थानमा तैनाथ नेपाली सेनाको कम्पनी अपरेटिङ वेशबाट दैनिकरुपमा पानी ढुवानी गर्न खटिएको टोलीमाथि फर्कने क्रममा गोली प्रहार हुँदा सैनिक जवान घाइते भएको बताइएको छ। ती घाइते सैनिकको नाम भने नेपाली सेनाले उल्लेख गरेको छैन ।

सन् १९५८ देखि द्वन्द्वग्रस्त मुलुकमा विश्व शान्ति स्थापनाका लागि खटिएको नेपाली सेनाले ४२ वटा देशमा शान्ति स्थापनाका लागि योगदान पर्याइ सकेको छ।

  • 7
    Shares