You are here
Home > समाचार > प्रधानमन्त्री ओलीको स्वास्थ्यमा उल्लेख्य सुधार

प्रधानमन्त्री ओलीको स्वास्थ्यमा उल्लेख्य सुधार

१३ कार्तिक २०७५, मंगलवार १०:४४

काठमाडौं- प्रधानमन्त्री केपी शर्मा ओली तथा नेपाल कम्युनिष्ट पार्टी (नेकपा)का अध्यक्षको स्वास्थ्यमा उल्लेख्य सुधार आएको छ।

उनको उपचारमा संलग्न प्रा.डा.अरुण सायमीले प्रधानमन्त्री ओलीले आज बिहान सजिलैसँग खाजा खाएको र स्वास्थ्यमा उल्लेख्य सुधार रहेको जानकारी दिए।

प्रधानमन्त्री ओली सोमबार बिहान छातीमा संक्रमण भई श्वासप्रश्वासमा समस्या देखिएपछि महाराजगञ्जस्थित त्रिभुवन विश्वविद्यालय, चिकित्सा शास्त्र अध्ययन संस्थान मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना भएको थियो।

उपचारका क्रममा रगत परीक्षणको रिर्पोटअनुसार स्वास्थ्यमा निकै सुधार आएको सेन्टरका कार्यकारी निर्देशक प्रा। डा। उत्तमकृष्ण श्रेष्ठले जानकारी दिए।

प्रधानमन्त्री ओलीले स्वास्थ्य अवस्थाबारे जानकारी लिन आएका शुभेच्छुकसँग सजिलैसँग दोहोरो कुराकानी गरेको कार्यकारी निर्देशक श्रेष्ठले बताए। प्रधानमन्त्रीको उपचारमा डा.सायमीको संयोजकत्वमा प्रा. डा.दिव्यासिंह शाह तथा डा. सन्तकुमार दास सम्मिलित छन्।

  • 2
    Shares