You are here
Home > समाचार > २५ हजार घुससहित पाठ्यक्रम विकास केन्द्रका लेखापाल दाहाल अख्तियारको फन्दामा

२५ हजार घुससहित पाठ्यक्रम विकास केन्द्रका लेखापाल दाहाल अख्तियारको फन्दामा

१९ कार्तिक २०७५, सोमबार १३:४२

भक्तपुर- भक्तपुरको सानोठिमीस्थित पाठ्यक्रम विकास केन्द्रका लेखापाल(नायब सुब्बा) गुणराज दाहाल घुससहित पक्राउ परेका छन् ।

काठमाडौं महानगरपालिका वडा नं ५ गहना पोखरीस्थित भान्जा क्याफे अगाडिबाट अख्तियार दुरुपयोग अनुसन्धान आयोगको टोलीले उनलाई २५ हजार रुपैयाँ घुससहित सोमबार पक्राउ गरेको हो ।

कक्षा ६ को सामाजिक र विज्ञान विषयको पाठलाई सांकेतीकरण र दृश्य सामाग्री (डिभिडी) तयार गर्न पाठ्यक्रम विकास केन्द्रले राष्ट्रिय बहिरा महासंघ नेपालसँग सम्झौता गरेको थियो ।

उक्त काम पूरा गरी महासंघले बिल भुक्तानी माग गर्दा जम्मा भएको रकमको २५ प्रतिशत आन्तरिक लेखा परीक्षणका लागि आवश्यक पर्ने भनी बाहाना बनाई लेखापाल दाहालले घुस लिएको अख्तियारले जनाएको छ ।

  • 8
    Shares