You are here
Home > प्रशासन > कम्पनी रजिष्टार कार्यालय त्रिपुरेश्वरकी सहायक रजिष्टार पन्थी एक लाख घुससहित पक्राउ

कम्पनी रजिष्टार कार्यालय त्रिपुरेश्वरकी सहायक रजिष्टार पन्थी एक लाख घुससहित पक्राउ

१ माघ २०७५, मंगलवार १२:१७

काठमाडौं –कम्पनी रजिष्टार कार्यालय त्रिपुरेश्वरकी सहायक रजिष्टार गीता पन्थी एक लाख घुससहित पक्राउ परेकी छन्।

अख्तियार दुरुपयोग अनुसन्धान आयोगको कार्यालय टङ्गालबाट खटिएको टोलीले पन्थीलाई एक लाख घुस रकमसहित सोमबार नियन्त्रणमा लिएको हो।

रजिष्टारको कार्यालयमा दर्ता रहेको विद्यालयको कर तिर्न जाँदा राजश्व रकम कम गरिदिने भन्दै सेवाग्राहीसँग घुस मागेको सूचनाका आधारमा अख्तियारको टोलीले पन्थीलाई पक्राउ गरेको हो।

पन्थीले सेवाग्राहीसँग घुस लिएर छोरी पोषण पन्थीलाई राख्न दिएको अवस्थामा काठमाडौँ १४ स्थित एनएमबी बैंकको पार्किङबाट दुवै जनालाई पक्राउ गरिएको अख्तियार दुरुपयोग अनुसन्धान आयोगका प्रवक्ता रामेश्वर दंगालले जानकारी दिए।

पक्राउ परेका दुवैजनालाई हिरासतमा लिइ आवश्यक अनुसन्धान अगाडि बढाइएको अख्तियारले जनाएको छ।