You are here
Home > समाचार > मुख्य समाचार > प्रधानसेनापति थापा चीन प्रस्थान

प्रधानसेनापति थापा चीन प्रस्थान

१ असार २०७६, आईतवार १९:३४

काठमाडौं – नेपाली सेनाका प्रधानसेनापति पूर्णचन्द्र थापा चीन प्रस्थान गरेका छन् । चिनियां जनमुक्ति सेनाको औपचारिक निमन्त्रणामा सेनापति थापा ७ सदस्यीय भ्रमण दलसहित आईतवार दिउंसो चीनको छेन्दु प्रस्थान गरेका हुन् । 

प्रधानसेनापति थापालाई बलाधिकृतरथी शरद कुमार गिरीले त्रिभुवन अन्तर्रा्ष्ट्रिय विमानस्थलमा बिदाई गरेका थिए । उक्त अवसरमा नेपालस्थित चीनका महामहिम राजदूत, नेपाली सेनाका रथीबृन्द, रक्षा मन्त्रालयका सहसचिवलगायत नेपालस्थित चीनका सैनिक सहचारीको उपस्थिति रहेको थियो । यसअघि प्रधानसेनापतिलाई जंगी अड्डा परिसरमा नेपाली सेनाको एक टुकडीले सम्मान गारत अर्पण गरेको थियो।

प्रधानसेनापति थापाले चीन भ्रमणको क्रममा चीनका विभिन्न सैनिक संरचनाको भ्रमण, उच्चस्तरीय पदाधिकारीहरुसंग भेटघाटलगायत ऐतिहासिक स्थलहरुको भ्रमणसमेत गर्ने कार्यक्रम रहेको छ ।