You are here
Home > राजनीति > मेयर र उपमेयर समूहबीच झडप,प्रहरीको लाठी चार्जबाट ६ जना घाइते

मेयर र उपमेयर समूहबीच झडप,प्रहरीको लाठी चार्जबाट ६ जना घाइते

२१ श्रावण २०७६, मंगलवार १७:१२

काठमाडौं-धनुषाको हंसपुर नगरपालिकामा मेयर रामज्ञान मण्डल र उपमेयर रेणु झा समूहबीच झडप भएको छ।

झडपपछि ठूलो संख्यामा सुरक्षाकर्मी परिचालन गरिएका छन्। अहिले पनि अवस्था तनावग्रस्त छ। मेयर मण्डल पक्षका व्यक्तिहरूले कार्यालय सार्ने भन्दै समान लिन ट्याक्टर लिएर नगरपालिका पुगेपछि उपमेयर झा पक्षका व्यक्तिहरूले रोक्ने प्रयास गर्दा झडप भएको हो।

झडपपछि मेयर पक्षका व्यक्तिहरूसँगै नगरपालिका पुगेका प्रहरीको लाठी चार्जबाट ६ जना भन्दा धेरै घाइते भएका छन्। उपमेयर झालाई समेत चोट लागेको छ। यस्तै वडा २ का अध्यक्ष उदय साह, तपेश्वर मण्डल, फेकन कापड सहितका व्यक्ति प्रहरीको लाठीबाट घाइते भएका छन्। हंसपुर नगरपालिकाको कार्यालय सरकारले बघचौडामा तोकेको छ।

तर मेयर मण्डलले आफ्नो गाउँ बेल्ही चोकमा कार्यालय संचालन गरेका छन्।उपमेयर पक्षले भने बघचौरामै कार्यालय राख्नुपर्ने भन्दै कार्यालयबाट समान लग्न राकेपछि झडप भएको स्थानीयले बताए।