You are here
Home > Front News > डिएसपीसहित २ सय ८० प्रहरी विभागीय कार्बाहीमा

डिएसपीसहित २ सय ८० प्रहरी विभागीय कार्बाहीमा

२५ श्रावण २०७६, शनिबार ०९:२२

काठमाडौ-प्रदेश २ मा विभिन्न तहमा २ सय ८० जना प्रहरीलाई कारवाही गरेको छ।

आचरण र संगठन हितविपरीत काम गरेको भन्दै एक प्रहरी नायव उपरीक्षकसहित २ सय ८० प्रहरी विभागीय कार्बाहीमा परेका हुन् ।

राम्रो काम गर्नेलाई तत्काल पुरस्कार र नियमविपरीत काम गर्नेलाई दण्डित गर्ने नीतिअन्तर्गत २०७५–०७६ मा उनीहरुमाथि कार्बाही गरिएको प्रदेश प्रहरी कार्यालयका प्रवक्ता प्रहरी नायव उपरीक्षक ज्ञानकुमार महतोले जानकारी दिए।

मादक पदार्थ सेवन, संगठनप्रति गैरजिम्मेवार र कर्तव्य पूरा नगर्नुका साथै अमर्यादित क्रियाकलाप गरेको भन्दै अधिकांश तल्लो तहका प्रहरी विभागीय कार्बाहीमा परेको महतोको भनाइ छ ।

प्रदेश २ को आठ जिल्लाबाट एक प्रहरी नायव उपरीक्षक, चार प्रहरी निरीक्षक, १७ प्रहरी नायव निरीक्षक, ३७ प्रहरी सहायक निरीक्षक, ६३ प्रहरी हवल्दार र १ सय ५७ प्रहरी जवान कार्बाहीमा परेको उनले जानकारी दिए ।

यसैगरी, २४ प्रहरीको सुरुको स्केल घटाइएको, ११ जनाको बढुवा रोक्का गरिएको, १८ जनालाई सेवाबाट हटाइएको, ३१ जनालाई निलम्बन र ९ जनालाई स्वतः निलम्बन गरिएको प्रदेश प्रहरी कार्यालयका अधिकारीहरुले जनाएका छन ।

राम्रो काम गरेको भन्दै एक वरिष्ठ प्रहरी उपरीक्षक, २० प्रहरी निरीक्षक, ३० प्रहरी नायव निरीक्षक, ३५ प्रहरी सहायक निरीक्षक, ६२ हवल्दार, ९३ प्रहरी जवान र दुई प्रहरी कार्यालय सहयोगी पुरस्कृत भएको कार्यालयले जनाएको छ ।