You are here
Home > समाचार > बाघको छालासहित सशस्त्रका जवान पक्राउ

बाघको छालासहित सशस्त्रका जवान पक्राउ

२५ श्रावण २०७६, शनिबार ११:४१

दार्चुला-सशस्त्र प्रहरीका एक जवान बाघको छालासहित पक्राउ परेका छन् । प्रहरीले दार्चुलाको दुहुँ गाउँपालिका–३ तिमुरपाटा क्षेत्रबाट बाघको छालासहित उनलाई पक्राउ गरेको हो ।

शुक्रबार राति नियमित गस्तीमा खटिएको प्रहरी टोलीले दुहुँ–२ हिकिलाबाट खलङ्गा ल्याउँदै गरेको बाघको छालासहित सोही ठाउँका दीपकसिंह बडाललाई पक्राउ गरेको हो।

प्रहरी चौकी ब्रह्मदेवले चेकजाँचको क्रममा बडालबाट ३९ इञ्च लामो तथा १० इञ्च चौडा छाला बरामद गरेको प्रहरी निरीक्षक रवीन्द्र कठायतले जानकारी दिए। हिकिला–२ का बडाल दार्चुलास्थित सशस्त्र प्रहरी सुरक्षा गुल्म नम्बर ५० मा जवान पदमा कार्यरत छन्। झोलामा लुकाएर ल्याउँदै गरेको अवस्थामा छाला बरामद गरिएको हो।