You are here
Home > समाचार > ब्राउन सुगरसहित सेनाका मेजर पक्राउ

ब्राउन सुगरसहित सेनाका मेजर पक्राउ

२५ श्रावण २०७६, शनिबार २१:४७

काठमाडौं- सुनसरीको इटहरीबाट लागूऔषध ब्राउन सुगरसहित नेपाली सेनाका एकजना मेजर पक्राउ परेका छन्। लागू औषध नियन्त्रण ब्यूरो विराटनगरको टोलीले नेपाली सेनाका मेजर अजितकुमार सिंहसहित दुईजनालाई लागूऔषध ब्राउन सुगरसहित शनिबार पक्राउ गरेको हो।

विराटनगरस्थित ब्यूरोको टोलीले मेजर अजितप्रतापसिंहसहित अर्का एकजनालाई पनि पक्राउ गरेको लागूऔषध नियन्त्रण ब्यूरोका एसएसपी वसन्त लामाले जानकारी दिएका छन्।। पक्राउ परेका मेजर सिंहसहित दुवैलाई ब्युरोको टोलीले इलाका प्रहरी कार्यालय इटहरीको जिम्मा लगाएको छ।

उनीहरूको साथबाट डेढ ग्राम ब्राउन सुगर बरामद भएको काठमाडौंस्थित लागू औषध नियन्त्रण ब्यूरोले जानकारी दिएको छ। पक्राउ परेका व्यक्ति ब्राउन सुगर सेवनकर्ता भए नभएको प्रहरीले अनुसन्धान गरिरहेको छ। मेजर सिंह नेपाली सेनाको पूर्वी पृतना कार्यालय इटहरीमा कार्यरत रहेको प्रहरीेले जानकारी दिएको छ।