You are here
Home > समाचार > ज्वाइँले ससुरालीमै आएर खुकुरी प्रहार गर्दा सासु, सालो र श्रीमती गम्भीर घाइते

ज्वाइँले ससुरालीमै आएर खुकुरी प्रहार गर्दा सासु, सालो र श्रीमती गम्भीर घाइते

२८ श्रावण २०७६, मंगलवार १३:५०

अर्घाखाँची- भूमिकास्थान नगरपालिकाको नुवाकोटमा आफ्नै ज्वाइँको खुकुरी प्रहारबाट तीनजना गम्भीर घाइते भएका छन्।

खुकुरी प्रहारबाट सासू, सालो र श्रीमतीघाइते भएका छन्।  भूमिकास्थान नगरपालिका-६ खमारीबासका २७ वर्षीय चिरन घर्तीले सोमबार राति भूमिकास्थान नगरपालिका-८ लम्चीमा  ससुराली आएर खुकुरी प्रहार गरेका हुन्।

खुकुरी प्रहारबाट ४३ वर्षीया भुमकला क्षेत्री, सालो ११ वर्षीय अर्जुन क्षेत्री र श्रीमती १८ वर्षीया गीता घर्ती गम्भीर घाइते भएको जिल्ला प्रहरी कार्यालयका प्रहरी नायव उपरीक्षक प्रकाश विष्टले बताए। खुकुरी प्रहार गरेर तीनैजनालाई घाइते बनाएपछि उनी फरार छन्।

घाइते तीनैजनाको जिल्ला अस्पताल सन्धिखर्कमा उपचार हुन नसकेपछि लुम्बिनी अञ्चल अस्पताल बुटवल पठाइएको छ। बुटवलमा पनि उपचार हुन नसकेपछि तीनैजनालाई चितवनको पुरानो मेडिकल कलेजमा पठाइएको प्रहरीले जनाएको छ।