You are here
Home > समाचार > पत्रकार पुडासैनी आत्महत्या प्रकरण : डोरी किनेको पसल भेटियो

पत्रकार पुडासैनी आत्महत्या प्रकरण : डोरी किनेको पसल भेटियो

२ भाद्र २०७६, सोमबार १५:१६

चितवन- पत्रकार शालिकराम पुडासैनीले आत्महत्या गर्न डोरी किनेको पसल प्रहरीले भेट्टाएको छ। प्रहरीले सिसिटिभी फुटेजमा शालिकराम एक्लै गएर बसपार्कस्थित श्रेष्ठ पसलबाट डोरी किनेको दृश्य देखिएको हो। पसलको सिसिटिभी फुटेज लिएर परीक्षणका लागि प्रहरी प्रधान कार्यालय काठमाडौं पठाइएको छ।

बसपार्कस्थित होटल कंगारुमा साउन २० गते पुगेका पुडासैनीले बाहिर निस्किएर डोरी किनेका फुटेजमा देख्‍न सकिने अनुसन्धानमा संलग्‍न प्रहरी अधिकारीले जानकारी दिए । प्रहरीका अनुसार पत्रकार पुडासैनीले लुगा सुकाउन भन्दै ५ मिटर डोरी मागेका खुलेको छ। दृश्यमा पसलका कामदारले डोरी नापेको र प्लाष्टिकको झोलामा डोरी लगेको देखिएको छ।