You are here
Home > समाचार > काठमाडौंको रिङरोडमा आजदेखि बिजुली बस सञ्चालन आउँदै

काठमाडौंको रिङरोडमा आजदेखि बिजुली बस सञ्चालन आउँदै

२३ भाद्र २०७६, सोमबार ०८:५०

काठमाडौं– आज (सोमबार) देखि काठमाडौंको रिङरोडमा बिजुली बस सञ्चालन हुँदैछ।
सुन्दर यातायातले चिनियाँ कम्पनी ‘बिएके’ ले निर्माण गरेको बिजुली बस सञ्चालनमा ल्याउन लागेको हो ।

आज एक औपचारिक कार्यक्रममार्फत उपप्रधान तथा रक्षामन्त्री इश्वर पोखरेलले बिजुली बस शुभारम्भ गर्ने सुन्दर यातायातका सञ्चालक सुरेश पोखरेलले जानकारी दिएका छन् ।

हालका लागि रिङ्गरोडमा र पछि अरु थपिएपछि रिङ्गरोड बाहेका सडकमा पनि बिजुली बस सञ्चालनमा ल्याइने उनले जानकारी दिएका छन् । सुन्दरले शुरुवाती चरणमा ४० सिट र ३० जना उभिएर यात्रा गर्न मिल्ने दुई वटा बस र ३० सिट तथा २० जना उभिएर यात्रा गर्न मिल्ने दुई वटा बस सञ्चालन गर्ने तयारी गरेको छ ।

नगदरहीत भुक्तानीका लागि सुन्दर यातायातले ‘काठमाडौ सुन्दर कार्ड’ प्रयोगमा ल्याउँदैछ । यो कार्ड २१५ रुपैयाँमा खरिद गर्न सकिने जनाइएको छ । त्यसमा २६५ रुपैयाँ व्यालेन्स हुनेछ । यो बाहेक विद्यार्थी, अपाङ्ग, बृद्धको लागि पनि छुट कार्ड हुने सुन्दर यातायातले जनाएको छ ।