You are here
Home > समाचार > प्रहरी चौकीमा बम बिष्फोट, प्रहरी जवान घाइते

प्रहरी चौकीमा बम बिष्फोट, प्रहरी जवान घाइते

२६ कार्तिक २०७६, मंगलवार १९:१७

रौतहट– रौतहटको इशनाथ नगरपालिका–४ मठिया प्रहरी चौकीमा बम विष्फोट भएको छ ।

मंगलबार दिउँसो पौने १ बजे अज्ञात समूहले चौकीमा सुतली बम प्रहार गरेको २–नम्बर प्रदेश प्रहरी प्रमुख प्रहरी नायब महानिरीक्षक प्रद्युम्न कार्कीले जानकारी दिएका छन् । बम बिष्फोटबाट चौकीमा कुनै क्षति भएको छैन भने एक जना प्रहरी जवान घाइते रहेको कार्कीले बताएका छन् ।बिष्फोटमा संलग्न एक जना भारतीय नागरिक र उनी सवार मोटरसाइकललाई तत्कालै प्रहरीले नियन्त्रणमा लिएको छ ।

प्रहरीका अनुसार बिआर ०५ एच ६५०९ नम्बरको मोटरसाइकलमा आएका दुई जनाले प्रहरी चौकीमा सुतली बम प्रहार गरेका हुन् । बम प्रहार गरेर भागेकामध्ये भारत ढाका घर बताउने २५ वर्षीय चन्दनकुमारलाई प्रहरी चौकीबाट एक किलोमिटर टाढा नेपाल–भारत सिमाको दसगजाबाट पक्राउ गरिएको कार्कीले बताएका छन् ।