पक्राउ पर्लान त ३३ केजी सुनका मालीक ? अनुसन्धान को माथी तेर्सियो


Tuesday, 10 Jan, 2017 12:00 AM

काठमाडौं - सुरक्षाको सबै चरण पारे गरेर पिंगलास्थानको चोरबाटोमा ३३ किलो सुन कसरी पुग्यो भन्ने प्रश्नसँगै त्यसको मालिक को भन्ने विषयमा निकै ठूलो अनुसन्धान शुरू भएको छ । नेपाली नै मालिक हुन् भन्ने बारेमा प्रहरी विस्वस्त हँुदै गर्दा नेपालीसँग भारतीय व्यापारीले कसरी संगत गरे र त्यसलाई विमानस्थलको भन्सार र सुरक्षा दुवै अंगलाई कसरी प्रभाव पारे भन्ने विषयमा सिआइबीको अनुसन्धान अघि बढेको छ ।

विमानस्थलकोे भन्सारमा भएको एक्सरे मेसिनमा प्रहरीको पहँुच नभएपनि विमानस्थलमा खटिएको प्रहरीको नेतृत्वसँग समन्वय नै नगरी त्यो सामान आउन नसक्ने प्रश्नको निराकरणका लागि पनि सिआइवीले त्यहाँ रहेका सुरक्षाकर्मीहरूको ड्युटी प्रसंगसमेत यस विषयसँग जोडेर हेर्न थालेको छ । सूक्ष्म ढंगले शुरू गरिएको अनुसन्धानको प्रक्रिया भने नेपालको व्यापारिक घरनासँग पनि ठोक्किएको सिआइवी स्रोतले दावी गरेको छ ।

दुवईबाट आएका बाँकेका गोपालबहादुर शाहीको लगेजबाट सिआइबीले साँढे ३३ किलोभन्दा बढी सुन बरामद गरेको थियो । सुन लिन जोरपाटीमा बसिरहेका दिलबहादुर थापा र सन्तोष काप्mलेलाई पनि प्रहरीले पक्राउ गरेर अनुसन्धान अघि बढाएको छ । सिआइबी स्रोतका अनुसार पक्राउ परेका तीनै जनाले आफूहरू भरिया मात्र भएको र सुनका बास्तविक मालिक थाहा नभएको बताएका छन् । सुन तस्करहरू आफू अघि नपर्ने र सुन बोक्न अरूलाई भाडामा प्रयोग गर्ने पुरानै तरिका हो । यसमा उनीहरू पनि परेका अनुमान प्रहरीले गरेको छ । नेपालका पुराना सुन तस्कहरू पनि यसमा संलग्न रहेको दावी प्रहरी स्रोतको छ । यसअघि साढे ३ वर्षअघि पनि सिआइबीले काठमाडौंको कोटेश्वरबाट ३५ किलो सुन बरामद गरेको थियो ।

कन्टेनरमा लुकाइ ल्याएको अवस्थामा प्रहरीले ३५ किलो सुनसहित तातोपानीका ट्रक चालक निमा छिरिङ तामाङलाई पक्राउ गरेको थियो । पछि तामाङको बयानका आधारमा सुन मालिक बौद्धका ग्याम्जो लामा पक्राउ परे । मुद्दा धेरै समयसम्म लम्बियो । पछि चालक तामाङले बयान फेरे, सुन लामाको होइन भने । अदालतले लामालाई त्यतिकै छाडिदियो । चालक पनि केहीसमयपछि छुटे । ३५ किलोको सुनकाण्ड ढिसमिस भयो । सुराकी काण्डमा प्रहरी मुछिए अहिले त्यो मुद्धा अख्तियारमा चलिरहेको भएपनि त्यसलाई सामसुम पार्न खोजिएको छ ।

यसपटक भने प्रहरी २०५४ सालतिरको सुनकाण्डमा फर्किएर अनुसन्धान शुरू गर्न थालिएको छ । त्यतिबेला भन्सार विभाग प्रमुख रहेका लोकमानसिंह कार्की, अधिकृत रहेका कृपाशुर शेर्पा तथा त्यतिबेलै सुन ओसारपसारमा लागेका दीपक मल्होत्रा प्रकाश टिवेटेवालाका सम्बन्धलाई पनि सिआइवीले छानवीनको आधार बनाएको छ । पक्राउ परेका अभियुक्त मध्ये केहीले यसअघि नेपालकै मोवाइल कम्पनीको मालिलको सहयोगमा ३ सय किलो सुन भारत लगेको बयान प्रहरीलाई दिएपछि सिआइवीको अनुसन्धानमा दिपक मल्होत्रा तानिएका हुन् । यद्यपि यो विषयलाई प्रहरीले कही कतै हल्ला गर्न चाहेको छैन । त्यसपछि प्रहरीले माओवादी द्वन्द्वकालमा भएको सुन तस्करी र पछिल्लो ०६७ पछिको तस्करीलाई पनि एकै स्थानमा राखेर अनुसनधान गर्न थालेको छ । र विमानस्थलको सुरक्षा जिम्मा लिएर बसेका गोविन्द निरौलालाई आन्तरिक रूपमै स्पष्किरण लिएर सुरक्षा कमजोरीको विषयमा सचेत समेत गराउदै प्रहरी प्रधानकार्यालय तान्ने तयारी गरेको स्रोतले जनाएको छ ।
जनप्रहार साप्ताहिकबाट

बिचार

आईजीपी नियुक्ती र विगतको विचौलीयाको हरकत

कसैको विरोध वा समर्थन होईन यर्थात अनुभूति हो, नागरिको वहुमतको भोटवाट जितेका नेता र सरकारले गरेको निर्णय विरुध्द गएन तर मेरो कमजोरी होईन र नामर्दी पन होईन । जन्म घर त मेरो पनि सुपक्षे हो ! आज कीन सुपक्षेको नाम गासीयो ? अचम्मै लाग्यो ! सुरक्षा सेवा देशको हो राजनैतिक लाभका अर्थ र चर्चाको पनि अनुसन्धान हुन पर्दछ । सक्षम र सवल भएकोले एआजी हुदा सम्म घुष खुवाउनु परेन, मिर्ठाइ र हुस्की लीएर चाही गए वढुवा पछि । सवैै नेता, सवै प्रहरी वदमास छैनन तर उत्तरदायी विधिको सुशासनको खडेरी छ।अदालत कीन गईएन त्यसको वारेमा चर्चा पछि गर्ने छु समय सन्दर्भमा । यर्थात पस्किन भाषा शव्द केलाउनु नपर्ने महशुस गरेर लेखको रचनाक्रम ख्याल नगरी प्रस्तुत गरे आफ्नै फेशवुकमा किनकी ठूला पत्रिका छपाउन समय, सम्वन्ध, स्रोत वढी लाग्ने हुदा र सेन्सर हुदो रहेछ । लेखाईएका खवर टिप्पिणी रातारात छापिन्छन । ईतिहास लेखि सकेको हुन्छ । यो आवेस वा कुण्ठा होईन ।

कांग्रेस सभापति शेरबहादुर देउवालाई खुल्लापत्र

अहिले तपाईंकै अहंकारका कारण नेपाल प्रहरीभित्र आईजीपी चयन प्रक्रिया रमिता जस्तो भएको छ । आईजीपी विवाद अहिले सर्वोच्च अदालतमा पुगेको छ । अपराधीलाई कानुनको कठघरामा पु¥याउने प्रहरी स्वयं नै न्याय माग्दै अदालतको ढोका ढक्ढकाउनु परेको अवस्था छ । नेपाल प्रहरीमा विगतदेखि नै राजनीतिकरणले विकृति निम्त्याएको थियो नै । यो पटक कांग्रेसका गृहमन्त्री रहेका विमलेन्द्र निधिले वरीयता र कार्यकुशलताका आधारमा निर्णय गरौँ भन्दा क्षेत्रीयतालाई काखी च्याप्ने तपाईंको निर्णयले गर्दा प्रहरीमा चेन अफ कमाण्ड कायम गर्ने गरिमा जुन नेपाली कांग्रेसले पाउने थियो त्यो पनि गुमेको छ । अझ सुरक्षा निकायमा अनावश्यक हस्तक्षेप र भागबण्डाको राजनीतिले जनतामा कांग्रेसको साख गिरेको छ ।

महत्वपूर्ण वेबसाइट

Top