सुन तस्करी प्रकरण :- सशस्त्र मुख्यालयले लियो एकसन, विमानस्थलमा सशस्त्रको नयाँ टोली


Sunday, 13 Aug, 2017 12:00 AM

शम्भु कट्टेल
काठमाडौं
-त्रिभुवन अन्तर्राष्ट्रिय विमानस्थलमा खटिएका सशस्त्र प्रहरी नायब निरीक्षक (सइ) सञ्जीव मानन्धर सुन तस्करीमा संलग्न भएको खुलेपछि सशस्त्र मुख्यालयले विमानस्थलमा डीएसपीको कमान्डमा नयाँ टोली पठाएको छ । सशस्त्रले त्रिभुवन अन्तर्राष्ट्रिय विमानस्थलमा खटिएका इन्स्पेक्टर दामोदर धोडारीको टोलीलाई फिर्ता बोलाई डीएसपी कृष्ण कर्माचार्यलाई खटाएको हो ।

कर्माचार्य सशस्त्र प्रहरी सुरक्षा महाशाखाअन्तर्गत खटिएका हुन् । गलत काम गर्ने व्यक्ति र निकायको सुराकी गर्ने जिम्मेवारी पाएका मानन्धर स्वयं सुन तस्करीमा मुछिएपछि अन्य सुरक्षाकर्मीमाथि पनि प्रश्न उठ्न थालेको छ । विगतमा त्रिभुवन विमानस्थलमा सेटिङमा काम गरेको आरोपमा तत्कालीन डीआईजी गोपाल भण्डारी, एसएसपीद्वय रविराज श्रेष्ठ र श्याम खत्रीसमेत निलम्बनमा परेका थिए । सुन तस्करीमा संलग्न भएको भनिएका सशस्त्रका सई मानन्धरविरुद्ध मुद्दा चलिरहेको छ ।

सुन तस्करी प्रकरणमा आफ्ना कर्मचारी संलग्न हुँदा संगठनको विश्वसनीयता र गरिमामा समेत आँच आएको भन्दै सशस्त्र प्रहरी महानिरीक्षक सिंहबहादुर श्रेष्ठले विमानस्थलमा नयाँ टोली पठाएका हुन् । सशस्त्र प्रवक्ता राजु अर्यालले अन्तर्राष्ट्रिय विमानस्थलमा खटिएको टोली परिवर्तन गरिएको बताए । ‘त्यहाँ खटिएका १४ जनाको टोली फिर्ता बोलाएर नयाँ पठाइसकेका छौुं, उनले भने ।

सुन तस्करीमा संलग्न मानन्धरसमेत सुरक्षा महाशाखाअन्तर्गत कार्यरत थिए । सशस्त्र मुख्यालयमा उक्त महाशाखा इन्चार्जका रूपमा डीएसपी गोपी चन्द कार्यरत छन् । चन्दलाई तत्कालीन महानिरीक्षक कोषराज वन्तले इन्चार्ज बनाएका हुन् । लामो समयदेखि एउटै व्यक्तिलाई विमानस्थलमा सुराकीका रूपमा राख्नु नै संगठनको लापरबाही भएको भन्दै संगठनभित्रै आलोचना हुन थालेपछि सशस्त्र प्रहरी महानिरीक्षक श्रेष्ठले विमानस्थलको टोली परिवर्तन गरेका हुन् ।विमानस्थलमा सशस्त्रबाट खटिएका केही प्रहरीको लामो समयदेखि सरुवा भएको थिएन । मानन्धरसमेत लामो समयदेखि विमानस्थलमै थिए।

मलेसियन एयरलाइन्सबाट दुई किलो सुनसहित काठमाडौं आएका पोखराका लेखबहादुर रिजाली र कास्कीकी पार्वती गुरुङ पक्राउ परेपछि उनीहरूकै बयानका आधारमा सशस्त्रका सई मानन्धर पक्राउ परेका हुन् । रिजाली र गुरुङले ल्याएको सुन विमानस्थलबाट बाहिर निकाल्न मानन्धरलाई प्रयोग गरेका थिए । विमानस्थल प्रहरीले सुन आउँदै छ भन्ने गोप्य सूचनाका आधारमा रिजाली र गुरुङलाई ट्र्याकिङ गरेका थिए । अध्यागमनको अराइभल कक्षनजिकैको शौचालयमा सुन लुकाउन लागेपछि प्रहरीले रिजालीलाई दुई किलो सुनसहित पक्राउ गरेको थियो ।

अन्नपूर्ण

Related News

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

राजनीतिView More..

भारतिय प्रधानमन्त्री नरेन्द्र मोदी पत्नि बेन सवार गाडि जयपुरमा दुर्घटना, एकको मृत्यु

वामदेवको टेकोमा वाम एकता ! ओलीले तलमाथि गरे एमाले फुटाउने तयारी

यि खलपात्र जसले कांग्रेसलाई रसातलमा लान भूमिका खेले, अनि देउवाका दश कमजोरी

उम्मेदवारी नै हापेर नवराज सिलवालको प्रचारमा उत्रिए प्रतिद्धन्द्धि उम्मेदवार

आफुलाई सम्हाल्दै बीना मगरले शुरु गरिन कञ्चनपुरमा चुनावि अभियान

कांग्रेस नेता कृष्णप्रसाद सिटौलाको घरमा बम विष्फोट

देशले खोज्नुपर्ने र जनताले रोज्नैपर्ने नेताहरु जो चुनावी मैदानमा छन

डोल्पामा सबै भन्दा धेरै मत खस्यो, रोल्पामा सबै भन्दा कम अरु जिल्लामा कति ? सूचीसहित

प्रशासन View More..

Top