शसस्त्रमा ७७ एसपीको सरूवा , सरूवामा आईजिपीका भतिजाले असुले मोटो रक़म


Monday, 29 Aug, 2016 9:40 AM

काठमाण्डौ- शसस्त्र प्रहरीले ७७ जना एसपीहरूको सरूवा गरेको छ । शसस्त्रको यस पटकको सरूवामा पनि पक्षपात हुनुको साथै पैसाको चलखेल भएको स्रोतको दावी छ । शसस्त्र प्रहरीमा दुई वर्षदेखी कमाण्ड नपाएका एसपीहरू नवराज अर्याल र मधुकृष्ण गड्तौलालाई यसपटक पनि कमाण्ड दिइएको छैन् भने कुनै कुनै एसपीले पाँच पटकसम्म पनि  कमाण्ड पाएका छन् ।

प्राविधिक एसपी विदुर खड्का, भगवान मल्ल र भरत वावु केसीले यसपटक पनि आकर्षक मानिने कमाण्ड पाएका छन् । उनिहरू एसपी पदमा सवैभन्दा वढी अवसर पाउने भाग्यमानी अधिकृतहरू हुन् । खड्काले दक्षिणकाली गण, मल्लले सिमा सुरक्षा कार्यालय रौतहट र केसीले दन्तकाली गणको कमाण्ड पाएका छन् । सरूवाको अन्तिम टुंगो आईतवार राति गृहमन्त्री विमलेन्द्र निधिको सरकारी निवास पुल्चोकमा लागेको थियो । 

 
स्रोतकाअनुसार सरूवामा आईजिपी दुर्जकुमार राईको भतिजा नाता पर्ने लाहुरे पृष्ठभूमि भएका युवाले चलखेल गरेका छन् । आईजिपी राईले उनिमार्फत नै  सरूवामा आर्थिक चलखेल गरेको विश्वस्त स्रोतले मुलधारलाई जानकारी दियो । 
सरूवावारे एआईजीको वैठक राखेपनि कसैलाई दवाव नदिन् राईले चेतावनी दिएको थिए । उनले मापदण्ड वनाएर सरूवा गर्ने वताएपनि अन्तिममा राजनितीक दवाव र आर्थिक प्रलोभनमा परेर सरूवा भएको देखिएको शसस्त्रका एक एआईजीले मुलधारलाई भने । 

Related News

बिचार

उच्च अधिकृतहरूको राजनीतिमा घुन भएर पिसिन लागेका विचरा दुई डिएसपीहरू

हालै दुई जना डिएसपी नवराज सिलवाललाई हराउन खटिए भन्ने समाचार भाइरल भएको छ । मेरो विचारमा यो हुन सक्ला तर त्यसको उद्देश्य ती दुई डिएसपीको महत्वांकाक्षाभन्दा पनि तिनका उच्च प्रहरीका महत्वांकाक्षाले तिनलाई खटाएको हुनुपर्छ । उच्च प्रहरी जो नवराजसँग डराउँछन् वा घृणा गर्छन् वा सिलवालसँग दुश्मनी छ, तिनले आफ्ना स्वार्थका लागि नवराजलाई हराउन खटाएका हुन सक्छन् । तर के ती उच्च प्रहरीको मात्र नवराज हराउने महत्वांकाक्षा होला र रु त्यसमा नवराजको विरोधी दल र नवराज बिगार्न प्रत्यक्ष संलग्न नेता पनि हुन सक्छन् । त्यो नेताका लागि उच्च प्रहरी अधिकृतले डिएसपी खटाएको पनि हुनसक्छ । अझ त्यतिमात्र होइन तस्कर, अपराधी जसका विरुद्ध नवराजले एक्सन गरे तिनीहरू पनि त उनलाई हराउन चाहन्छन् र त्यस्ता अपराधीसँगै उच्च प्रहरीहरूको साँठगाँठ हुन पनि त सक्छ नी । धेरै प्रहरीहरूको पैसा व्यापारीहरूले प्रयोग गरेको र कतिपय अपराधमा संलग्न भई काम गरेको समाचारहरू पनि बाहिर आएकै हुन् । कतिपय समाजमा इमानदार कहलाएका प्रहरी कर्मचारीहरू भित्र–भित्र डरलाग्दो रूपमा पैसा कमाई बसेका छन् भन्ने पनि चर्चा चलेकै छ । अस्पताल, हाउजिङ्ग, बालुवा ठेक्का–पट्टा, शैक्षिक संस्थानलगाएत काममा लगाउने सम्मको कुरा उच्च दर्जाबाट हुने गरेको सुनिएकै हो ।

शेरबहादुर देउवाका प्रतिस्प्रर्धी खगराज भट्टले मतदातालाई लेखे मार्मिक पत्र

म व्याक्तिगत रुपमा कसैलाई गाली र अपमान गर्न चाहान्न् । तर जनताले अब निर्मम निर्णय लिनैपर्छ यसपटक । हो निसन्देह म तेस्रोपटक तपाईको मतका लागि चुनावी मैदानमा छु । मैले डडेल्धुराको विकासका लागि केही योजना सार्वजनिक गर्दा मेरा प्रतिद्धन्द्धी साथीहरुबाट म विरुद्ध नियोजित प्रहार गर्ने,मेरो राजनीतिक जीवनमा दाग लगाउन खोज्ने प्रयास भइरहेकोप्रति म दुख व्यक्त गर्दछु । मैले कहिले पनि पद,पैसा,पावरका लागि कहिल्यै कसैसंग सम्झौता गरिन । बरु यो वा त्यो बाहनामा मलाई निर्वाचन लड्नबाट रोक्ने,पैसालाई खरिद गर्ने र भनेजति पैसा दिने प्रस्ताव कतिपय ठाउँबाट आएकै हो ।
 

महत्वपूर्ण वेबसाइट

Top