सशस्त्र प्रहरी परिवार महिला संघद्वारा बाढी पीडितलाई राहत वितरण


Friday, 8 Sep, 2017 12:00 AM

काठमाण्डौ -सशस्त्र प्रहरी परिवार महिला संघले सप्तरी जिल्लाका बिभिन्न स्थानमा रहेका बाढीपीडितलाई राहत समागी्र बितरण गरेको छ । जिल्लाको हनुमाननगर नगरपालिका वडा नम्बर २ र ३ का बाढी पीडित नागरिकलाई राहत सामाग्रीहरु वितरण गर्नुका साथै निःशुल्क रुपमा स्वास्थ्य सेवा संचालन गरेको छ ।

    त्यस ठाँउका करीव दुई सय घर परिवारको लागि सो संघले खाद्यान्न, लत्ताकपडा लगायतका विभिन्न राहत सामाग्री उपलब्ध गराएको हो । उक्त राहत सामाग्री सो संघकी अध्यक्ष श्रीमती सरिता श्रेष्ठ लगायत संघका पदाधिकारीहरुले सोही ठाँउमा आयोजित एक कार्यक्रमका बीच बाढी तथा डुवानबाट प्रभावित पीडित परिवारहरुलाई वितरण गरेका थिए ।

    संघले सो स्थानका बाढी पीडितहरुका लागि दुई हजार केजी चामल, दुई सय केजी दाल, दुई सुय लिटर खाने तेल, दुई सय केजी नुन, दुई सय केजी चिनी, एक सय केजी सोयाविन, एक हजार दुई सय प्याकेट बिस्कुट र दुई सय थान कम्बल वितरण गरको छ ।    पूर्व क्षेत्रीय सशस्त्र प्रहरी परिवार महिला संघको समन्वय तथा सहयोगमा सम्पन्न उक्त राहत वितरण कार्यक्रमसँगै स्वास्थ्य शिविर समेत संचालन गरिएको थियो ।
    नेपाल एपीएफ अस्पताल बलम्वु काठमाडौंबाट चिकित्सकसहित खटिएका स्वास्थ्यकर्मीहरुले सो ठाँउका करीव तीन सय जनाको स्वास्थ्य परिक्षण गरी निःशुल्क औषधी वितरण गरेका छन् ।

त्यसैगरि पूर्व क्षेत्रीय सशस्त्र प्रहरी परिवार महिला संघ पकली सुनसरीमा संचालित सत्रौं र अठारौं समूहको वेशिक सिलाई कटाई तालिम सम्पन्न भएको छ ।    
    उक्त तालिमको भाद्र २२ गते सशस्त्र प्रहरी परिवार महिला संघकी अध्यक्ष श्रीमती सरिता श्रेष्ठले एक कार्यक्रममा बीच समापन गर्नुका साथै तालिममा सहभागीहरुलाई प्रमाणपत्र प्रदान गर्नुभयो ।  संघद्वारा संचालित १९औं समूहको वेशिक सिलाई कटाई तालिम तथा चौथो समूहको स्पेसल सिलाई कटाई तालिमको समेत त्यसै अवसरमा सो संघकी अध्यक्ष श्रीमती सरिता श्रेष्ठले उद्घाटन गरेकि थिईन ।

Related News

बिचार

उच्च अधिकृतहरूको राजनीतिमा घुन भएर पिसिन लागेका विचरा दुई डिएसपीहरू

हालै दुई जना डिएसपी नवराज सिलवाललाई हराउन खटिए भन्ने समाचार भाइरल भएको छ । मेरो विचारमा यो हुन सक्ला तर त्यसको उद्देश्य ती दुई डिएसपीको महत्वांकाक्षाभन्दा पनि तिनका उच्च प्रहरीका महत्वांकाक्षाले तिनलाई खटाएको हुनुपर्छ । उच्च प्रहरी जो नवराजसँग डराउँछन् वा घृणा गर्छन् वा सिलवालसँग दुश्मनी छ, तिनले आफ्ना स्वार्थका लागि नवराजलाई हराउन खटाएका हुन सक्छन् । तर के ती उच्च प्रहरीको मात्र नवराज हराउने महत्वांकाक्षा होला र रु त्यसमा नवराजको विरोधी दल र नवराज बिगार्न प्रत्यक्ष संलग्न नेता पनि हुन सक्छन् । त्यो नेताका लागि उच्च प्रहरी अधिकृतले डिएसपी खटाएको पनि हुनसक्छ । अझ त्यतिमात्र होइन तस्कर, अपराधी जसका विरुद्ध नवराजले एक्सन गरे तिनीहरू पनि त उनलाई हराउन चाहन्छन् र त्यस्ता अपराधीसँगै उच्च प्रहरीहरूको साँठगाँठ हुन पनि त सक्छ नी । धेरै प्रहरीहरूको पैसा व्यापारीहरूले प्रयोग गरेको र कतिपय अपराधमा संलग्न भई काम गरेको समाचारहरू पनि बाहिर आएकै हुन् । कतिपय समाजमा इमानदार कहलाएका प्रहरी कर्मचारीहरू भित्र–भित्र डरलाग्दो रूपमा पैसा कमाई बसेका छन् भन्ने पनि चर्चा चलेकै छ । अस्पताल, हाउजिङ्ग, बालुवा ठेक्का–पट्टा, शैक्षिक संस्थानलगाएत काममा लगाउने सम्मको कुरा उच्च दर्जाबाट हुने गरेको सुनिएकै हो ।

शेरबहादुर देउवाका प्रतिस्प्रर्धी खगराज भट्टले मतदातालाई लेखे मार्मिक पत्र

म व्याक्तिगत रुपमा कसैलाई गाली र अपमान गर्न चाहान्न् । तर जनताले अब निर्मम निर्णय लिनैपर्छ यसपटक । हो निसन्देह म तेस्रोपटक तपाईको मतका लागि चुनावी मैदानमा छु । मैले डडेल्धुराको विकासका लागि केही योजना सार्वजनिक गर्दा मेरा प्रतिद्धन्द्धी साथीहरुबाट म विरुद्ध नियोजित प्रहार गर्ने,मेरो राजनीतिक जीवनमा दाग लगाउन खोज्ने प्रयास भइरहेकोप्रति म दुख व्यक्त गर्दछु । मैले कहिले पनि पद,पैसा,पावरका लागि कहिल्यै कसैसंग सम्झौता गरिन । बरु यो वा त्यो बाहनामा मलाई निर्वाचन लड्नबाट रोक्ने,पैसालाई खरिद गर्ने र भनेजति पैसा दिने प्रस्ताव कतिपय ठाउँबाट आएकै हो ।
 

महत्वपूर्ण वेबसाइट

Top