५२ पछि ५४ को कालो कीर्तिमान, ५१ जन्ती रोक्ने देशमा ५४ मन्त्री नियुक्त


Tuesday, 12 Sep, 2017 12:00 AM

काठमाडौ- नेपाली कांग्रेसका सभापतिसमेत रहेका प्रधानमन्त्री शेरबहादुर देउवाले इतिहासमै सबैभन्दा ठूलो ५४ सदस्यीय मन्त्रिपरिषद् बनाएर आलोचनाको अर्को किर्तिमान कायम गरेका छन् ।  २०५२ साल भदौ २७ गते आफंैले बनाएको ५२ सदस्यीय जम्बो मन्त्रिमण्डलको रेकर्डलाई ब्रेक गर्दै सोमाबर देउवाले ५४ सदस्यीय मन्त्रिमण्डल गठन गरी नयाँ मन्त्रीलाई शपथ गराए । नेपालको कानुनअनुसार ५१ जना भन्दा बढी जन्ति लिएर भोज भतेर गर्न पाइँदैन तर प्रधानमन्त्री देउवाले समाजसुधार सम्बन्धी ऐनलाई समेत चुनौति दिँदै ५४ सदस्य मन्त्रिमण्डल गठन गरी इतिहासमै सवैभन्दा ठूलो मन्त्रिपरिषद्को कीर्तिमानी कायम गरेका हुन् ।

५० सदस्यीय मन्त्रिमण्डलमा चार जनालाई सोमबार थपेर प्रधानमन्त्री देउवाले इतिहासमै सबैभन्दा ठूलो मन्त्रिमण्डल गठन गरेको भनेर सवैतिरबाट आलोचना हुन थालेको छ । मन्त्रिमण्डलमा तीन उपप्रधानमन्त्री, २६ मन्त्री र २४ जनालाई राज्यमन्त्री बनाइएको छ । यसअघि २०५२ साल भदौ २७ गते देउवावाले २७ मन्त्री, १६ राज्यमन्त्री र आठ सहायकमन्त्री गरी ५२ सदस्यीय मन्त्रिमण्डल गठन भएको थियो ।
देउवाले आफ्नो नेतृत्वको सरकारमा यसपटक सहायकमन्त्रीमा एक जनालाई पनि नियुक्त गरेनन भने तीन जना उपप्रधानमन्त्री बनाएका छन् । देउवापछि सवैभन्दा ठूलो जम्बो मन्त्रिमपरिषद् बनाउने श्रेय डा. बाबुराम भट्टराईलाई जान्छ । भट्टराईको नेतृत्वमा २०६८ साल भदौ १२ गते गठन भएको मन्त्रिमण्डलको आकार ४९ सदस्यीय थियो । भट्टराईले दुई उपप्रधानमन्त्री, २४ जना मन्त्री र २२ जना राज्यमन्त्री बनाएका थिए ।

२०७२ साल असोज २४ गते केपी शर्मा ओली नेतृत्वको सरकारले भने इतिहासमा सबैभन्दा बढी उपप्रधानमन्त्रीलाई सरकारी ढिकुटीबाट सुविधा दिइएको थियो । ओलीले आफ्नै पार्टी एमालेबाट पार्टी उपाध्यक्ष भीम रावल, माओवादी संसदीय दलका उपनेता टोपबहादुुर रायामाझी, फोरम लोकतान्त्रिकका अध्यक्ष विजयकुमार गच्छदार, नेकपा मालेका महासचिव सीपी मैनाली, राप्रपा नेपालका तत्कालिन अध्यक्ष कमल थापा र जनमोर्चाका नेता चित्रबहादुर केसीलाई उपप्रधानमन्त्री बनाएका थिए भएका थिए । तथापी ओली नेतत्वको सरकारमा मन्त्रिमण्डल २६ सदस्यीय मात्र थियो ।

नेपालको इतिहासमा सबैभन्दा सानो मन्त्रिपरिषद् भने २०१२ साल बैशाख १ गते गठीत शाही सल्लाहकार सभा नै हो । यसमा एक जना चिफ रोयल एडभाईजर, एकजना डिपुटी प्रिन्सिपल रोयल एडभाइजर र तीन जनालाई रोयल एडभाइजरको रुपमा नियुक्त भएका थिए । यो मन्त्रीपरिषद्को प्रमुख चाहीँ सरकारदार गुञ्जमान सिंह थिए । त्यस्तै २०१२ साल जेठ २ गते सुवर्ण शम्शेर जंगबहादुर राणाको नेतृत्वमा गठित मन्त्रिपरिषद् ६ सदस्य मात्र थियो ।

सानो मन्त्रीपरिषद् बनाउने प्रधानमन्त्रीमा मोहन शम्शेर जंगबहादुर राणा र टंकप्रसाद आचार्य हुन् । राणाले २००७ साल फागुुन ७ गते र २००८ साल जेठमा उनकै नेतृत्वमा गठित मन्त्रिमण्डलको संख्या ७ मात्र थियो । त्यस्तै २०१२ साल माघ १३ गते आचार्यको अध्यक्षमतामा गठीत मन्त्रिीपरिषद्को आकार पनि ७ सदस्यीय मात्र थियो ।

पहिलो जननिर्वाचित प्रधानमन्त्री विश्वेश्वरप्रसाद कोइरालाले भने आठ जनालाई मन्त्री र १३ जनालाई उपमन्त्री गरी २१ सदस्यीय मन्त्रिमण्डल गठन गरेका थिए । उनले पछि ११ जनालाई मन्त्री र १० जनालाई सहायक मन्त्री बनाएका थिए । बीपीले नैं पहिलो पटक उपप्रधानमन्त्रमिा सुवर्ण शम्शेर जवरालाई नियुक्त गरेका थिए ।  

 

Related News

बिचार

उच्च अधिकृतहरूको राजनीतिमा घुन भएर पिसिन लागेका विचरा दुई डिएसपीहरू

हालै दुई जना डिएसपी नवराज सिलवाललाई हराउन खटिए भन्ने समाचार भाइरल भएको छ । मेरो विचारमा यो हुन सक्ला तर त्यसको उद्देश्य ती दुई डिएसपीको महत्वांकाक्षाभन्दा पनि तिनका उच्च प्रहरीका महत्वांकाक्षाले तिनलाई खटाएको हुनुपर्छ । उच्च प्रहरी जो नवराजसँग डराउँछन् वा घृणा गर्छन् वा सिलवालसँग दुश्मनी छ, तिनले आफ्ना स्वार्थका लागि नवराजलाई हराउन खटाएका हुन सक्छन् । तर के ती उच्च प्रहरीको मात्र नवराज हराउने महत्वांकाक्षा होला र रु त्यसमा नवराजको विरोधी दल र नवराज बिगार्न प्रत्यक्ष संलग्न नेता पनि हुन सक्छन् । त्यो नेताका लागि उच्च प्रहरी अधिकृतले डिएसपी खटाएको पनि हुनसक्छ । अझ त्यतिमात्र होइन तस्कर, अपराधी जसका विरुद्ध नवराजले एक्सन गरे तिनीहरू पनि त उनलाई हराउन चाहन्छन् र त्यस्ता अपराधीसँगै उच्च प्रहरीहरूको साँठगाँठ हुन पनि त सक्छ नी । धेरै प्रहरीहरूको पैसा व्यापारीहरूले प्रयोग गरेको र कतिपय अपराधमा संलग्न भई काम गरेको समाचारहरू पनि बाहिर आएकै हुन् । कतिपय समाजमा इमानदार कहलाएका प्रहरी कर्मचारीहरू भित्र–भित्र डरलाग्दो रूपमा पैसा कमाई बसेका छन् भन्ने पनि चर्चा चलेकै छ । अस्पताल, हाउजिङ्ग, बालुवा ठेक्का–पट्टा, शैक्षिक संस्थानलगाएत काममा लगाउने सम्मको कुरा उच्च दर्जाबाट हुने गरेको सुनिएकै हो ।

शेरबहादुर देउवाका प्रतिस्प्रर्धी खगराज भट्टले मतदातालाई लेखे मार्मिक पत्र

म व्याक्तिगत रुपमा कसैलाई गाली र अपमान गर्न चाहान्न् । तर जनताले अब निर्मम निर्णय लिनैपर्छ यसपटक । हो निसन्देह म तेस्रोपटक तपाईको मतका लागि चुनावी मैदानमा छु । मैले डडेल्धुराको विकासका लागि केही योजना सार्वजनिक गर्दा मेरा प्रतिद्धन्द्धी साथीहरुबाट म विरुद्ध नियोजित प्रहार गर्ने,मेरो राजनीतिक जीवनमा दाग लगाउन खोज्ने प्रयास भइरहेकोप्रति म दुख व्यक्त गर्दछु । मैले कहिले पनि पद,पैसा,पावरका लागि कहिल्यै कसैसंग सम्झौता गरिन । बरु यो वा त्यो बाहनामा मलाई निर्वाचन लड्नबाट रोक्ने,पैसालाई खरिद गर्ने र भनेजति पैसा दिने प्रस्ताव कतिपय ठाउँबाट आएकै हो ।
 

महत्वपूर्ण वेबसाइट

Top