रेणु दाहाललाई जिताउन देउवा आफै प्रचारमा

रेणुलाई जिताउन कार्यकर्तालाई देउवाको निर्देशन


Thursday, 11 May, 2017 7:40 AM

काठमाण्डौ- नेपाली कांग्रेसका सभापति शेरबहादुर देउवाले भरतपुर महानगरपालिकामा नेकपा माओवादी केन्द्रको उम्मेदवार रेणु दाहाललाई मतदान गर्न आफ्ना कार्यकर्तालाई आग्रह गरेका छन् ।

चितवनको भरतपुरमा बिहीबार आयोजना गरिएको दुई पार्टीको संयुक्त चुनावी सभालाई संबोधन गर्दै उनले माओवादीले पोखरामा कांग्रेसको उम्मेदवारलाई समर्थन गरेकाले चितवनमा माओवादी उम्मेदवारलाई मतदान गर्न आग्रह गरे ।

‘४ नम्बरको राजधानी पोखरा महानगरपालिका पुष्पकमल दाहाल ज्यूको पार्टीले कांग्रेसलाई समर्थन गर्नुभएको छ। यसै उसमा हामीले भरतपुरमा उहाँकी सुपुत्री रेणु दाहाललाई समर्थन गरेका छौं’ उनले भने ।

१२ बुँदे समझदारीदेखि अघि बढेको कांग्रेस र माओवादीको सहकार्य धेरै अगाडिसम्म लैजान आवश्यक रहेको भन्दै देउवाले हिजो को कता थियो भन्ने नसोची भोलिको सुनौलो भविष्य हेर्नुपर्ने बताए ।

‘अब अगाडि बढ्ने हो । भोलिका दिन हेर्ने हो। हिजो को कता थियो होइन भोलिको सुनौलो भविश्य महत्वपूर्ण हो’ उनले भने ‘यो संयुक्त सरकार धेरै अगाडिसम्म लैजाने हो । स्थानीय चुनावमा मात्र होइन । संघीय र प्रान्तीय चुनावभन्दा पछाडिसम्म हो ।’

संविधानलाई स्थायी रुपमा संस्थागत गर्न संविधानको स्वीकार्यता बढाउन पनि कांग्रेस माओवादीको सहकार्य धेरैपछिसम्म गर्नुपर्ने बताए ।

उनले चितवनको महानगर प्रमुखमा माओवादी उम्मेदवारलाई मतदान गर्न अप्ठेरो नमान्न कार्यकर्ताहरुलाई आग्रह गरे।

‘कसैले अप्ठेरो नमान्नुहोला । उहाँहरुले पोखरामा हाम्रो मेयरलाई सहयोग गर्नुभएको छ । यता सहयोग भएन भने उहाँलाई पनि गाह्रो हुन्छ’ देउवाले भने ’जसले जे भने पनि संयक्त प्यानल छ । रेणु दाहाल र पार्वती शाहलाई सहयोग गर्नुहोला ।’
 

Related News

बिचार

किन सफल हुँदैनन् गृहमन्त्री ?

यतिवेला ऊर्जा मन्त्रालयमा सफल भएका जनार्दन शर्मा गृहमन्त्री छन् । उनले गृहमा नियुक्त भएको भोलिपल्टै गृह प्रशासन र प्रहरीमा आमूल परिवर्तनको उद्घोष गरे । उनको पहिलो उद्घोष त सरुवा, बढुवामा चलखेल र सिफारिस बन्द गर्ने थियो । बढुवाका लागि नेताको सिफारिस गर्ने प्रहरीको नम्बर नै घटाउनेसम्मका ‘क्रान्तिकारी’ गफ गरे । तर, व्यवहार भने घोषणा अनुसार गरेनन् । प्रहरीको सरुवा–बढुवामा चरम राजनीतिक हस्तक्षेप देखिएको छ । हचुवाका भरमा सुरक्षासँग सम्बन्धित महत्वपूर्ण निर्णयहरू भएका छन् । प्रहरीमा इमानदार र क्षमतावान्भन्दा नेताहरूलाई खुसी बनाउने अधिकृतहरू हाबी भएका छन् । एक नम्बरमा एआइजी बनाइएका बमबहादुर भण्डारीलाई मुख्यालयमा थन्काएका छन् । राम्रा एआइजीहरूलाई मुख्यालयमा राखेर खराब रेडर्क भएका एआइजीलाई प्रदेश इन्चार्ज बनाएर पठाइएको छ । एसएसपीको सरुवामा पनि धेरैजसो बदनामहरूले नै अवसर पाएका छन् । धनुषाजस्तै हरेकजसो जिल्लामा नेताले आफ्ना विश्वासपात्र प्रहरी प्रमुख लैजान थालेका छन् । ऊर्जामै जस्तै गृह प्रशासनमा ‘उज्यालो’ छर्ने अपेक्षा गरिएका शर्माले तीन महिनाको कार्यकालमा प्रहरी संगठनभित्र अपेक्षा अनुसारको काम गर्न सकेनन् ।

सेनालाई सधैँ शंका किन ?

 मनोबलबिनाको फौज भिडसरह हुनेछ। सिपाहीको मनोबल परिवारसँग पनि जोडिएको हुन्छ। सिपाही भनेको दर्जा होइन, यो सैनिक पेसा हो। तसर्थ वर्षको ११ महिना ब्यारेक बस्नुपर्दा र शान्ति सेनामा जाँदा वर्षको १२ महिनै विदेश बस्दा आफ्ना घरपरिवारसँग रेडियोमार्फत सन्देश प्रवाह गर्ने काम हुनु जरुरी छ। सकिन्छ भने निःशुल्क टेलिफोन सेवा प्रदान गरिनैपर्छ। यद्यपि त्यसभन्दा रेडियो सस्तो पर्न जानेछ। अर्को कुरा, हाल सेनामा तलदेखि माथिसम्मका दर्जाहरू शिक्षित भएका र साहित्य सिर्जना, इतिहास लेखन, सैनिक अभ्यासका सम्झनाहरू लेख्न र पढ्न रुचि राख्ने धेरै भएकाले त्यस्ता प्रतिभाहरूबाट लेख–रचना संकलन गरी प्रसारण गर्दा अझै गौरव गर्नेछन्, फौजले। त्यसै गरी संगीत र गायन क्षेत्रमा रुचि राख्ने फौजलाई पनि रेडियोमार्फत आफ्नो प्रतिभा प्रष्फुटन हुन दिनु जरुरी छ।  नेपाली सेना, नेपाल प्रहरी र सशस्त्र प्रहरी ब्यारेक बस्ने राष्ट्र सेवकहरू भएकाले ती अंगहरूमा आ–आफ्नो टेलिभिजन, रेडियो लगायतका सञ्चारमाध्यम हुनु नितान्त ढिलो भइसकेको छ। नेपाल सरकार, आम नेपाली, नेपाली पत्रकार जगत्, प्राज्ञ, विज्ञले सेना–प्रहरीको ब्यारेक जीवनको कष्ट बुझेर यस पक्षलाई सहयोग गर्नुपर्छ।

महत्वपूर्ण वेबसाइट

Top