सुदुरपश्चिमको भौतिक, आर्थिक र सामाजिक विकास व्यवस्थापन गर्न धनगढीमा मन्थन


Monday, 3 Jul, 2017 12:00 AM

धनगढी- सुदुरपश्चिमको भौतिक, आर्थिक र सामाजिक विकास व्यवस्थापन र मार्ग चित्र तयारी गर्न सोमबारदेखि धनगढीमा शुरु भएको क्षेत्रीय कार्यशाला गोष्ठी शुरु भएको छ । प्रमुख अतिथि प्रधानमन्त्री शेरबहादुर देउवाले  गोष्ठीलाई उद्घाटन गर्दै समष्टीगत चौतर्फी दिगो बिकासका लागि  प्रदेशको सम्भाव्यताका आधारमा प्राप्त अवसरहरुको उपयोग गर्दै कृषि, जलश्रोत, उर्जा, पर्यटन र रणनीतिक पूर्वाधारका क्षेत्रमा लगानी बृध्दि गरी यस प्रदेशका जनताको जीवनस्तर माथि उठाई सम्बृद्धि समेत हासिल गर्नुपर्ने देखिएको बताए ।

उनले यस क्षेत्रमा ब्याप्त मानवीय एवम् आर्थिक पछयौटेपनको दुश्चक्रमा फसेका नागरिकको जीवनस्तर उठाउन लगानी बृध्दि गर्नुका साथै गरिएको लगानीको प्रभावकारी कार्यान्वयनबाट उपयोगीता बढाउनु पर्नेमा उहाले जोड दिएका थिए ।  
पूर्व मन्त्री लेखराज भटट्ले क्षेत्रमा विकासका बाधक तत्वहरुको पहिचानका साथै विकास कार्य संचालन गरी दल गत भावना भन्दा माथि उठी यस क्षेत्रको विकासका लागी एकजुट हुनु पर्ने जरुरी देखीएको बताऐ । त्यस्तै राष्टिय योजना आयोगका  सदस्य तथा सुदुरपश्चीम बिकास आयोगका अध्यक्ष डा. प्रभु बुढाथोकीले क्षेत्रको  बिकासका लागी लगानी बढाउन योजना आयोगका तर्फबाट प्रतिबद्यता जनाए । समारोहमा उर्जा मन्त्रालयका सचिव अनुपराज उपाध्यायले जलश्रोतका परियोजना संचालन गर्न सम्भाव्य देखीयता पनी बिभीन्न कारणले कार्यान्यनमा आउन सकेका छैनन् । छिटै नै यी परियोजना संचालनमा ल्याउन नेपाल सरकार प्राथमीकता दिइ प्रयासरत रहेको छ । त्यस्तै सु .प. सरोकार मञ्चका अध्यक्ष बिष्णु प्रसाद खत्रीले प्रदेश नं ७ का बिभीन्न संभावना प्रस्तुत गर्दै आगामी दिनमा ती संभावनाहरुको उपयोेग बाट यस प्रदेशको सामाजीक आर्थीक बिकास संचालन गरी गरिबी निवारण गर्नुपर्नेमा बिशेष जोड दिए । नेपाल व्यवस्थापन संघका राष्ट्रिय सभापती शुसील भटट्ले यो गोष्टि प्रदेश नं ७ को बिकासको लागी पहिलो खुड्कीला भएको र आगामी दिनमा प्रदेश र स्थानीय तहका निर्वाचीत सस्थाहरुको योजना तर्जुमा संचालन , व्यवस्थापनमा सहजीकरण गर्न व्यवस्थापन संघ नेपालले निरन्तर सहयोग गर्ने प्रतिबद्धता जनाए । कार्यशाला गोष्ठीको उद्देश्य माथि प्रा. डा. हेमराज पन्तले प्रकाश पार्दै यो दुई दिन सम्म संचालन हुने गोष्ठीबाट स्पष्ट रणनितिक मार्ग चित्र कोरिनेका साथै प्रदेश ७ को समष्टिगत विकास हुनेमा विश्वास ब्यक्त गरे ।
 गोष्ठीका सयोजक धर्मानन्द अवस्थीले विशिष्ट अतिथि तथा योगदान कर्ता सबैलाई स्वागत गर्नु हुदै गोष्ठीबाट सामाजिक आर्थिक विकासको मार्ग चित्र तयार गर्नेमा यो गोष्ठी सफल हुने विश्वास ब्यक्त गरे ।  समुद्घाटन समारोहको अन्तमा नेपाल व्यवस्थापन संघ सु. प च्यापटरका अध्यक्ष डा. पदम राज जोशीले सबै लाई धन्यवाद ज्ञापन गर्दै गोष्ठीको सफलताको कामना गर्नु भयो ।

यो कार्यशालामा सुदुरपश्चिममै रहेका  र सुदुरपश्चिमबाट गएर मुलुकभर आफ्नो क्षमता र दक्षता प्रदर्शन गरेका विज्ञ, जानकार एवं विद्वानहरू करिब दुईसय जनाभन्दा बढिले गहन छलफल गर्नेछन् । त्यसका लागि ६ वटा मूल शिर्षक र २० वटा उपशिर्षक तय गरिएका छन् ।
गोष्ठीमा घनिभूत छलफलका लागि वर्तमान स्थितिको विश्लेषण गरि प्रदेश–७ को समग्र संभाव्यताका आधारमा विकासको मार्गचित्र तय गरिनेछ  । र,  त्यसमा राजनीतिक दलहरु, सरकार, गैरसरकारी, निजी क्षेत्र र नागरिक समाजलगायत सबैको प्रतिवद्धता लिएर त्यसलाई सार्वजनिक गरिनेछ । यस क्षेत्रको समग्र सामाजिक, आर्थिक विकासका लागी अवलम्वन गर्नु पर्ने नीति, रणनीति तथा कार्यक्रमहरुको वारेमा व्यापक छलफल गरी सुझाव सहितको विकासको साझा अवधारणा तयार गर्ने र नेपाल सरकार, जनप्रतिनिधि एवं सरोकारवाला निकाय समक्ष प्रस्तुत गर्ने यस कार्यशालाको उद्देश्य रहेको छ  । तत्पश्चात्, घोषित मार्गचित्रका एजेन्डाअनुसारको काम गर्न÷गराउन स्थानीय तह, प्रदेश तह र केन्द्रसम्मै निरन्तर सहजीकरण र सहयोग समेत गरिने छ ।

राज्यको पुनसंरचना, संविधान कार्यान्वयन तथा स्थानीय तहलाई अधिकार सम्पन्न तुल्याउन व्यापक प्रयास भैरहेको वर्तमान अवस्थामा यो कार्यशाला गोष्ठी र यसवाट प्राप्त हुने सुझावहरु अत्यन्त महत्वर्पूण हुने विश्वास छ । यस्तो आयोजन प्रदेश–७ का हकमा त नौलो हुँदै हो, समग्र नेपालमै पनि पहिलो पटक हो ।
 
यो कार्यशाला नेपाल व्यवस्थापन संघको सुदूरपश्चिम च्याप्टर, सुदुर पश्चिम सरोकार मन्च र सुदुरपश्चिम विकास आयोगको संयुक्त आयोजनमा हुँदैछ । यसका साझेदारहरूमा उर्जा मन्त्रालय, सहकारी तथा गरिबी निवारण मन्त्रालय र संयुक्त राष्ट्र संघीय विकास कार्यक्रम (युएनडिपी) नेपाल, नेपाल उद्योग वाणिज्य महासंघ प्रदेश–७ छन् ।

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

प्रशासन View More..

Top