घोडेजात्रामा पहिलोपटक महिला घोडसवार


Monday, 27 Mar, 2017 11:31 AM

दिपक खरेल, काठमाडौं-  नेपाली सेनाले वर्षौदेखि आयोजना गर्दैआएको घोडेजात्राको घोडसवारमा सोमबार पहिलो पटक सैनिक महिलाले सहभागिता जनाएकी छिन्। नेपाली सेनाले घोडेजात्राको अवसरमा प्रर्दशन गरेको शो(जम्पमा महिला सैनिक सिपाही हरीकुमारी गुरुङले सहभागिता जनाएकी हुन्।
घोडेजात्राका अवसरमा वर्षेनी सेनाले अश्वकलाका विविध पक्ष र महत्व झल्कने प्रर्दशनी आयोजना गर्दैआएको छ।

सेनाको क्याभलरी गणमा घुडसवारसम्बन्धी तालिम लिएकी गुरुङको प्रर्दशन आर्कषक तर जोखिमपूर्ण रहेको थियो। सेनामा महिलाको प्रतिधित्व बढाउने प्रधानसेनापतिको तीनवर्षे योजनाअनुसार यसपटक घोडसवारमा महिला सैनिकको प्रतिनिधित्व गराइएको सैनिक जनसम्पर्क निर्देशनालयले जनाएको छ।

घोडेजात्राका अवसरमा वर्षेनी सेनाले अश्वकलाका विविध पक्ष र महत्व झल्कने प्रर्दशनी आयोजना गर्दैआएको छ। यसपटक घोडेजात्राका अवसरमा टुँडिखेलमा राईड पास, ब्यानर डिस्प्ले, टाङ्गन घोडा दौड, नेपाली सेना र नेपाल प्रहरीको चार्जर घोडा दौड, साईकल रेश र डगशोको प्रर्दशनी भएको थियो। यस्तै,  घोडाको विकासक्रम झल्कने प्रदर्शनी कार्यक्रमको आकर्षण बन्यो। नियमित हुने शो–जम्प, क्याभलरी राईड, टेण्ट पेगिङ्ग, क्रस टेण्ट पेगिङ्ग, लान्स एण्ड रिङ्ग, स्वर्ड एण्ड लेमन, लान्स हिट प्याग, लान्स सुईरो र क्रिज, हर्ष बल, भल्टिङ्ग, सिक्स वारररेन फ्रि जम्प, म्युजिकल राइड, ट्रिक राइड, क्रसकन्ट्री र डग अब्स्टे्रकल प्रदर्शन गरिएको थियो।

निर्देशनालयका अनुसार घोडेजात्रामा भएको म्यूजिकल राइड प्रतिस्पर्धामा घोडसवार उपसेनानी सरोज पुडासैनी प्रथम र घोडसवार उपसेनानी पशुराम पाण्डे द्वितिय भएका छन्। शो–जम्पमा घोडसवार हुद्वालाल बहादुर कुँवर प्रथम र घोडसवार करणकुमार चौधरी द्वितिय भएका छन्। पुरस्कृतलाई राष्ट्रपति विद्यादेवी भण्डारीले शिल्ड तथा प्रमाण्पत्र प्रदान गरेकी छिन्।

 प्रधानमन्त्रको सहभागिता नरहेको घोडेजात्रा

नेपाली सेनाले मुख्यअतिथिबिना नै यस वर्षको घोडेजात्रा सम्पन्न गरेको छ। सेनाले वर्षेनी आयोजना गर्ने घोडेजात्राका मुख्यअतिथि प्रधानमन्त्री रहने गर्छन्। प्रधानमन्त्री पुष्पकमल दाहाल ‘प्रचण्ड’ देशबाहिर भएको र कार्यवाहक प्रधानमन्त्री नतोकिएको कारणले घोडेजात्रामा तीनजनामध्ये कोही उपप्रधानमन्त्री सहभागी भएनन्।

सेनाले टँुडिखेलमा रहेको सैनिकमञ्चको अग्रस्थानमा प्रमुख अतिथि सेनाका परमाधिपति राष्ट्रपति, प्रधानमन्त्री, सभामुख र प्रधानन्यायाधीशका लागि स्थान छुट्याएको हुन्छ। यसपटक उक्त स्थानमा राष्ट्रपति भण्डारी,  उपराष्ट्रपति नन्दबहादुर पुन र प्रधानन्यायाधीश सुशिला कार्की मात्र उपस्थित रहे।

घोडेजात्राको इतिहास

प्रत्येक वर्ष गुरुमापा नामको दैत्यबाट मुक्ति पाएको सम्झनामा  टुँडिखेलमा घोडेजात्राको आयोजना हुने गरेको छ।

किम्बदन्तीअनुसार  टुँडिखेलको पूर्व दक्षिणको रुखमा रहेको गुरुमापाले मानव बस्तीमा दुःख दिने तथा बालबालिका खाइदिने गरेकाले सो दैत्यलाई घोडाको टापले कुल्चेर मारिएको सम्झनामा यो पर्व मनाउने गरिन्छ। सेनाले १९०६ मा घोडचढी सैनिक दल स्थापना गरेपछि अश्वकलालाई संस्थागत र व्यवहारिक प्रयासको सुरुवात भएको मानिन्छ।

सैनिक जनसम्पर्क निर्देशनालयका अनुसार तत्कालीन राजा सुरेन्द्रविक्रम शाह तथा प्रधानमन्त्री जंगबहादुर राणाका पालामा रिसल्ला नामबाट घोडचढी सैनिक टुकडी स्थापना गरिएको थियो। नयाँसडकस्थित भूगोलपार्कमा घोडा तबेला स्थापना गरिएको थियो।

Related News

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

प्रशासन View More..

Top