लायन्स क्लवद्वारा एचआईभी संक्रमित वालवालिकालाई कपडा वितरण


Monday, 5 Dec, 2016 12:00 AM

काठमाण्डौ -विश्व एड्स दिबसको अबसरमा लायन्स क्लव अफ काठमाडौ नेटवर्कले एचआईभि संक्रमित तथा टुहुरा बालबालिकाहरुलाई न्यानो कपडा बितरण गरेको छ । क्लवले सितापाईला स्थित पुर्नवल प्लस होममा एक कार्यक्रम गरी चौतिस जना वालवालिकाहरु लाई न्यानो कपडा वितरण गरेको हो । लायन्स क्लव ईन्टरनेशनल ३२५ बि वान अन्तर्गत लाईन्स क्लव अफ काठमाण्डौं नेटवर्कद्वारा आयोजित कार्यक्रममा लाईन्स क्लब ईन्टरनेशनल एम.डी.३२५ बि वान्को पाष्ट मल्टीपल काउन्सिल प्रमुख (पिएमसिसि) पिएमजेएफ लायन राजन लम्साल, ३२५ बि वानका प्रमुख डिस्ट्रिक सल्लाहकार  एमजेएफ लायन ईन्दु लम्साल, रिजन चियर पर्सन लायन विनय खकुराल, क्लब प्रेसिडेन्ट लायन बलराम पाठक, पुर्नबल होमका प्रमुख महेश श्रेष्ठ, क्लब सेक्रेटरी लायन राजनबाबु श्रेष्ठ, नेटवर्क कोषाध्यक्ष लायन चुडाप्रसाद वस्ताकोटी लगायतको उपस्थिती थियो । 
 
न्यानो कपडा वितरण गर्दै पिएमसिसि लायन राजन लम्सालले लायन्स क्लव समाज सेवामा समर्पित संस्था भएका कारण यसले आफ्ना सम्पूर्ण गतिबिधिलाई लोककल्याणकारी कार्यमा केन्द्रित गरेको वताउनु भयो । लायन्स क्लव अफ काठमाडौ नेटवर्कले असहाय वालवालिकाहरुलाई न्यायो कपडा वितरण गरेकोप्रति धन्यवाद दिँदै लम्सालले सम्पूर्ण लायन सदस्यहरुले सामाजिक हितको कार्यमा आफूलाई क्रियाशील राख्नु पर्ने वताउनु भयो । एमजेएफ लायन ईन्दु लम्सालले लायनको तर्फबाट प्रदान गरिएको सानो सहयोगले बालबालिकाहरुको दैनिकीलाई सहज बनाउने विश्वास ब्यक्त गर्नु भयो । लायन्स क्लव अफ काठमाडौ नेटवर्कका प्रमुख बलराम पाठकले नेटवर्कको तर्फबाट यस्ता सामाजिक सरोकारका कार्यहरु भइरहेका र आगामी दिनमा पनि गरिरहने बताउनु भयो । ३२५ बि वान डिष्ट्रिक रिजन चियर पर्सन लायन विनय खकुरालले विगतका वर्षहरुमा पनि पुर्नबल प्लस होममा क्लवको तर्फबाट न्यानो कपडा वितरण गरेको स्मरण गर्दै आगामी दिनमा पनि यस कार्यलाई निरन्तरता दिने बताउनु भयो । पुनर्बल प्लस होमका प्रमुख महेश श्रेष्ठले लायन्स क्लव अफ काठमाडौ नेटवर्क तथा सम्पूर्ण लायन सदस्यहरुलाई धन्यवाद प्रदान गर्नु भएको थियो ।

Related News

बिचार

संगठन भित्र हस्पक्षेपका कारण जनताको नजरमा प्रहरीको छवि धमिलो !

उत्कृष्ट प्रहरी व्यवहार त्यतिबेला प्रदर्शित हुन्छ, जब प्रहरीले समाजका सम्पूर्ण वर्ग र समुदायलाई समान ठानी निस्वार्थ व्यावसायिक कार्य सम्पादन गरी आफू सबैको साझा व्यक्ति भएको भन्ने कुरा प्रहरी व्यवहारबाटै प्रमाणित गराउँछ । यो अवस्थामा प्रहरी कार्यसँग जनता सन्तुष्ट रहन्छन् । प्रहरी हाम्रै लागि हो भन्ने जनभावना विकसित हुन्छ । प्रहरी र जनताको पारस्परिक सम्बन्ध प्रगाढ बन्दै जान्छ । आवश्यक सहयोग आदान–प्रदान गर्ने परिपाटी बस्छ । जसका कारण प्रहरी कार्य प्रभावकारी हुने भएकोले समाजको नजरमा प्रहरीको छवि सुध्रन्छ । तर यसविपरीत प्रहरीबाट हुने गरेको एकपक्षीय व्यवहारले प्रहरीको छवि धमिलिएको छ । यसको सुधारका निम्ति प्रहरी व्यवहार लोकप्रिय हुन जरुरी छ ।  यसर्थ राजनीतिक प्रभावको कारण प्रहरीमा परेका उपरोक्त नकारात्मक असरले प्रहरी संगठनलाई नै बदनाम गराउँदै आएको हुँदा यसको अन्त्य गरी नेतामुखी बन्दै गएको प्रहरी सेवालाई जनमुखी बनाउन गृह नेतृत्व र प्रहरी नेतृत्व दुवैले ध्यान पु¥याउनु आवश्यक छ ।

डीएसपी हुँदा एसएसपी पक्राउ गर्नुपर्दा

बडाहाकिम अनुहारमा चिटचिट पसिना निकाल्दै हातमा एउटा कागज समातेर आफ्नो कार्यकक्षमा ओहोरदोहोर गरिरहेका थिए । मैले आफू आएको जानकारी गराउनासाथ उनले ‘माथिको आदेश’ भन्दै हड्बडाउँदै र दुवै हात कमाउँदै (आवा) आकाशवाणीका रूपमा प्राप्त गरेको कागजको एउटा टुक्रा मतिर बढाए । तलदेखि माथिसम्म पढेँ । धेरै कुरा केही थिएन । गृह मन्त्रालयबाट जारी गरिएको गोप्य निर्देशन रहेछ । जसमा लेखिएको थियो, ‘विशिष्ट राजनीतिक परिस्थिति सिर्जना हुन पुगेकाले उल्लिखित ६ व्यक्तिलाई तुरुन्त पक्राउ गरी हिरासतमा लिनू र यस कदमविरुद्ध कुनै व्यक्ति वा समूहद्वारा राजनीतिक क्रियाकलाप प्रदर्शन गर्न खोजे उनीहरूलाई पनि यसै आदेशका आधारमा पक्राउ गरी माथि जानकारी गराउनू ।’ पाँच जना व्यक्तिको नाममा मलाई त्यस्तो अप्ठ्यारो लागेन । तर, एक जना व्यक्तिको नामले मलाई भित्रैदेखि झकझक्यायो । मैले ती नाम दोहोर्‍याएर–तेहेर्‍याएर पढेँ । एकपटक झस्किएँ पनि, कतै आफ्नै नाम त छैन भनेर । मेरो नाम त थिएन तर मभन्दा माथिल्लो तहका प्रहरी अफिसर अर्थात् एसएसपीको नाम त्यो पक्राउ गर्नू भन्ने पुर्जामा चौथो नम्बरमा थियो । उनी नेपाली कांग्रेसका नेता सूर्यप्रसाद उपाध्यायका नातेदार थिए ।

महत्वपूर्ण वेबसाइट

Top