हुण्डि कारोबारी र गुण्डाको संरक्षणमा भ्याली एआईजी चन्द !


Wednesday, 11 Oct, 2017 12:00 AM

काठमाण्डौ -काठमाण्डौ उपत्यकाको सुरक्षा कमाण्ड सम्हालेका एआईजी जयबहादुर चन्द पछिल्लो समयमा हुण्डि कारोबारी र गुण्डाको संरक्षणकर्ताका रुपमा देखिएका छन । उनले आफु मातहतका प्रहरी कार्यालयहरुलाई हुण्डि कारोबारी र गुण्डाहरुलाई पक्राउ नगर्न दबाब दिएपछि त्यसको पुष्टि भएको हो । खास गरेर दरबारमार्ग, सोह्रखुट्टे, सिंहदरबार, वौद्ध, वालाजु र जनसेवामा कार्यरत प्रहरीका हाकिमहरुलाई आफै र आफ्ना पिएहरु मार्फत टेलिफोन गरेर गुण्डा र हुण्डि कारोबारीलाई पक्राउ नगर्न र पक्राउ परेकाहरुलाई छोड्न दवाव दिएका छन ।

सोमबार नयां वानेश्वर खरिवोट नजिक नेपाल निर्माण व्यवसायि संघका अध्यक्ष शरद गौचनको हत्यापछि काठमाण्डौ प्रहरीले मातहतका प्रहरी ईकाईहरुलाई शंकास्पद गुण्डाहरुलाई पक्राउ गर्न आदेश दिएकोमा एआईजी चन्दले केहि व्यक्तिहरुलाई पक्राउ नगर्न दवाव दिएको स्रोतको दाबी छ । त्यसैगरि मंगलबार र बुधबार जनसेवा प्रहरीले पक्राउ गरेका हुण्डि कारोबारीलाइृ छोड्न पनि उनले आफ्ना सहयोगी मार्फत दवाव दिएका छन । जनसेवा प्रहरीले मंगलबार न्युरोडबाट हुण्डि व्यवसायी सुवास गौतमलाई १७ लाख तथा बुधबार जनसेवा प्रहरीले नै तीन लाख ७७ हजार सहित शसि मल्ल र एक लाख १९ हजार सहित कृष्णराज बुढालाई पक्राउ गरेका  थियो ।

उनिहरुलाई छुटाउन एआईजी चन्दले आफ्ना चालक मार्फत त्यहांका प्रहरी अधिकृतहरुलाई दवाव दिएको स्रोतको दाबी छ । चन्दका चालकले पक्राउ परेका हुण्डिका कारोबारीलाई कार्वाही नगरि रिहा गर्न र आईन्दा हुण्डि कारोवारीमाथी कार्वाही नगर्न वान सरबाट आदेश भएको भन्दै दवाव दिएको स्रोतले जानकारी दिएको छ । नेपालकै मुख्य हुण्डि कारोबारी गोविन्द सरिया एआईजी चन्दका तालका पार्टनर रहेको र उनकै आग्रहमा हुण्डि कारोबारीलाई संरक्षण गरेको आशंका प्रहरी अधिकृतहरुले गरेका छन । सिंगो उपत्यकाको सुरक्षा कमाण्ड सम्हालेका एआईजी चन्दबाट आएको अनावश्यक दवावका विषयलाई लिएर प्रहरी अधिकृतहरुले गृहमन्त्रालय तथा प्रहरी मुख्यालयमा मौखिक जानकारी गराएको बताइएको छ ।

Related News

बिचार

किन सफल हुँदैनन् गृहमन्त्री ?

यतिवेला ऊर्जा मन्त्रालयमा सफल भएका जनार्दन शर्मा गृहमन्त्री छन् । उनले गृहमा नियुक्त भएको भोलिपल्टै गृह प्रशासन र प्रहरीमा आमूल परिवर्तनको उद्घोष गरे । उनको पहिलो उद्घोष त सरुवा, बढुवामा चलखेल र सिफारिस बन्द गर्ने थियो । बढुवाका लागि नेताको सिफारिस गर्ने प्रहरीको नम्बर नै घटाउनेसम्मका ‘क्रान्तिकारी’ गफ गरे । तर, व्यवहार भने घोषणा अनुसार गरेनन् । प्रहरीको सरुवा–बढुवामा चरम राजनीतिक हस्तक्षेप देखिएको छ । हचुवाका भरमा सुरक्षासँग सम्बन्धित महत्वपूर्ण निर्णयहरू भएका छन् । प्रहरीमा इमानदार र क्षमतावान्भन्दा नेताहरूलाई खुसी बनाउने अधिकृतहरू हाबी भएका छन् । एक नम्बरमा एआइजी बनाइएका बमबहादुर भण्डारीलाई मुख्यालयमा थन्काएका छन् । राम्रा एआइजीहरूलाई मुख्यालयमा राखेर खराब रेडर्क भएका एआइजीलाई प्रदेश इन्चार्ज बनाएर पठाइएको छ । एसएसपीको सरुवामा पनि धेरैजसो बदनामहरूले नै अवसर पाएका छन् । धनुषाजस्तै हरेकजसो जिल्लामा नेताले आफ्ना विश्वासपात्र प्रहरी प्रमुख लैजान थालेका छन् । ऊर्जामै जस्तै गृह प्रशासनमा ‘उज्यालो’ छर्ने अपेक्षा गरिएका शर्माले तीन महिनाको कार्यकालमा प्रहरी संगठनभित्र अपेक्षा अनुसारको काम गर्न सकेनन् ।

सेनालाई सधैँ शंका किन ?

 मनोबलबिनाको फौज भिडसरह हुनेछ। सिपाहीको मनोबल परिवारसँग पनि जोडिएको हुन्छ। सिपाही भनेको दर्जा होइन, यो सैनिक पेसा हो। तसर्थ वर्षको ११ महिना ब्यारेक बस्नुपर्दा र शान्ति सेनामा जाँदा वर्षको १२ महिनै विदेश बस्दा आफ्ना घरपरिवारसँग रेडियोमार्फत सन्देश प्रवाह गर्ने काम हुनु जरुरी छ। सकिन्छ भने निःशुल्क टेलिफोन सेवा प्रदान गरिनैपर्छ। यद्यपि त्यसभन्दा रेडियो सस्तो पर्न जानेछ। अर्को कुरा, हाल सेनामा तलदेखि माथिसम्मका दर्जाहरू शिक्षित भएका र साहित्य सिर्जना, इतिहास लेखन, सैनिक अभ्यासका सम्झनाहरू लेख्न र पढ्न रुचि राख्ने धेरै भएकाले त्यस्ता प्रतिभाहरूबाट लेख–रचना संकलन गरी प्रसारण गर्दा अझै गौरव गर्नेछन्, फौजले। त्यसै गरी संगीत र गायन क्षेत्रमा रुचि राख्ने फौजलाई पनि रेडियोमार्फत आफ्नो प्रतिभा प्रष्फुटन हुन दिनु जरुरी छ।  नेपाली सेना, नेपाल प्रहरी र सशस्त्र प्रहरी ब्यारेक बस्ने राष्ट्र सेवकहरू भएकाले ती अंगहरूमा आ–आफ्नो टेलिभिजन, रेडियो लगायतका सञ्चारमाध्यम हुनु नितान्त ढिलो भइसकेको छ। नेपाल सरकार, आम नेपाली, नेपाली पत्रकार जगत्, प्राज्ञ, विज्ञले सेना–प्रहरीको ब्यारेक जीवनको कष्ट बुझेर यस पक्षलाई सहयोग गर्नुपर्छ।

महत्वपूर्ण वेबसाइट

Top