भारतिय सेनामा वरियता मिच्दै रावत नया सेना प्रमुख,रअको चिफमा धसमाना


Sunday, 18 Dec, 2016 7:15 AM

काठमाण्डौ– भारतले महत्वपुर्ण चार सुरक्षा ऐजेन्सीका प्रमुख हेरफेर गरेको छ ।  भारत सरकारले शनिवार राति थल सेना प्रमुखमा लेफ्टिनेण्ट जनरल विपिन रावत,वायु सेना प्रमुखमा एयर मार्शल बिरेन्द्र सिंह धन्वा, इन्टेलिजेन्स ब्युरोको प्रमुखमा राजिव जैन र भारतिय गुप्तचर संस्था रअको प्रमुखमा अनिल धसमानालाई नियुक्त गरेको छ ।

भारतका सेनाप्रमुख दलवीर सिंह सुहाग र वायुसेना प्रमुख एयर चीफ मार्सल अरुप राहा डिसेम्वर ३१ मा अवकास पाउदैछन् । हाल भारतिय सेनाको भाइस आर्मी चीफ रहेका रावतले १९७८ मा ११ औ गोरखा राइफलको पाचौ वटालियनबाट आफ्नो करियर सुरुवात गरेका थिए ।

भाजपा नेतृत्वको सरकारले भारतिय सेनामा वरियतालाई मिच्दै सेनाको इतिहासमा करिनष्टलाई सेना प्रमुख बनाएको यो भारतमा पहिलो घटना हो । लेफ्टिनेण्ट जनरलहरु प्रविण वक्सी र पिएम हरिजलाई पाखा लगाउदै मोदी नेतृत्वको सरकारले रावतलाई सेना प्रमुख बनाएपछि त्यसको भारतमा आलोचना भएको छ । विपक्षीहरुले भाजपाले सेनामा राजनिती गरेको आरोप लगाएका छन् ।

प्रधानमन्त्री नरेन्द्र मोदीका राष्ट्रिय सुरक्षा सल्लाहकार अजित डोभाल र नया सेना प्रमुख रावत दुवै उत्तराखण्डका भएकाले रावतलाई सेनाको प्रमुख बनाइएको चर्चा पनि भारतिय संचारमाध्यममा छ । नया सेना प्रमुख रावतसंग कश्मिरमा इन्फ्रेन्टी डिभिजन र वटालियनको कमाण्ड गरेकोे अनुभव समेत छ ।

भारतको बाह्य गुप्तचर संस्था रअको प्रमुखमा पनि उत्तराखण्डकै अनिल धसमानालाई नियुक्त गरीएको छ । रअको प्रमुखमा नियुक्त गरिएका धसमाना वलुचिस्तान माममलाका विज्ञ हुन । १०८१ ब्याजका मध्येप्रदेशवाट आईपिसएस क्याडर रहेका धसमाना प्रतिआतंकवाद र इस्लामिक मामलाका जानकार समेत हुन । उनी पाकिस्तान,अफगानस्तान मामलाका विज्ञ भएकाले नै उनलाई रअको प्रमुख नियुक्त गरिएको वताईन्छ । धसमानाले लण्डन,जर्मनी,युरोप र सार्क डेस्कमा काम गरेको अनुभव छ । धसमाना,रावतको नियुक्तीसंगै भारतको उत्तराखण्डबाट तिन जना सुरक्षा निकायको उच्च पदमा पुगेको यो पटक हो । प्रधानमन्त्री नरेन्द्र मोदीका सुरक्षा सल्लाहकार पनि उत्तराखण्डकै वासिन्दा हुन ।

Related News

बिचार

किन सफल हुँदैनन् गृहमन्त्री ?

यतिवेला ऊर्जा मन्त्रालयमा सफल भएका जनार्दन शर्मा गृहमन्त्री छन् । उनले गृहमा नियुक्त भएको भोलिपल्टै गृह प्रशासन र प्रहरीमा आमूल परिवर्तनको उद्घोष गरे । उनको पहिलो उद्घोष त सरुवा, बढुवामा चलखेल र सिफारिस बन्द गर्ने थियो । बढुवाका लागि नेताको सिफारिस गर्ने प्रहरीको नम्बर नै घटाउनेसम्मका ‘क्रान्तिकारी’ गफ गरे । तर, व्यवहार भने घोषणा अनुसार गरेनन् । प्रहरीको सरुवा–बढुवामा चरम राजनीतिक हस्तक्षेप देखिएको छ । हचुवाका भरमा सुरक्षासँग सम्बन्धित महत्वपूर्ण निर्णयहरू भएका छन् । प्रहरीमा इमानदार र क्षमतावान्भन्दा नेताहरूलाई खुसी बनाउने अधिकृतहरू हाबी भएका छन् । एक नम्बरमा एआइजी बनाइएका बमबहादुर भण्डारीलाई मुख्यालयमा थन्काएका छन् । राम्रा एआइजीहरूलाई मुख्यालयमा राखेर खराब रेडर्क भएका एआइजीलाई प्रदेश इन्चार्ज बनाएर पठाइएको छ । एसएसपीको सरुवामा पनि धेरैजसो बदनामहरूले नै अवसर पाएका छन् । धनुषाजस्तै हरेकजसो जिल्लामा नेताले आफ्ना विश्वासपात्र प्रहरी प्रमुख लैजान थालेका छन् । ऊर्जामै जस्तै गृह प्रशासनमा ‘उज्यालो’ छर्ने अपेक्षा गरिएका शर्माले तीन महिनाको कार्यकालमा प्रहरी संगठनभित्र अपेक्षा अनुसारको काम गर्न सकेनन् ।

सेनालाई सधैँ शंका किन ?

 मनोबलबिनाको फौज भिडसरह हुनेछ। सिपाहीको मनोबल परिवारसँग पनि जोडिएको हुन्छ। सिपाही भनेको दर्जा होइन, यो सैनिक पेसा हो। तसर्थ वर्षको ११ महिना ब्यारेक बस्नुपर्दा र शान्ति सेनामा जाँदा वर्षको १२ महिनै विदेश बस्दा आफ्ना घरपरिवारसँग रेडियोमार्फत सन्देश प्रवाह गर्ने काम हुनु जरुरी छ। सकिन्छ भने निःशुल्क टेलिफोन सेवा प्रदान गरिनैपर्छ। यद्यपि त्यसभन्दा रेडियो सस्तो पर्न जानेछ। अर्को कुरा, हाल सेनामा तलदेखि माथिसम्मका दर्जाहरू शिक्षित भएका र साहित्य सिर्जना, इतिहास लेखन, सैनिक अभ्यासका सम्झनाहरू लेख्न र पढ्न रुचि राख्ने धेरै भएकाले त्यस्ता प्रतिभाहरूबाट लेख–रचना संकलन गरी प्रसारण गर्दा अझै गौरव गर्नेछन्, फौजले। त्यसै गरी संगीत र गायन क्षेत्रमा रुचि राख्ने फौजलाई पनि रेडियोमार्फत आफ्नो प्रतिभा प्रष्फुटन हुन दिनु जरुरी छ।  नेपाली सेना, नेपाल प्रहरी र सशस्त्र प्रहरी ब्यारेक बस्ने राष्ट्र सेवकहरू भएकाले ती अंगहरूमा आ–आफ्नो टेलिभिजन, रेडियो लगायतका सञ्चारमाध्यम हुनु नितान्त ढिलो भइसकेको छ। नेपाल सरकार, आम नेपाली, नेपाली पत्रकार जगत्, प्राज्ञ, विज्ञले सेना–प्रहरीको ब्यारेक जीवनको कष्ट बुझेर यस पक्षलाई सहयोग गर्नुपर्छ।

महत्वपूर्ण वेबसाइट

Top