नेपाली सेनाका जर्नेल शिवराम खरेल डेपुटी फोर्स कमाण्डर नियुक्त

लेवनानमा बहुराष्ट्रिय सेनाको कमाण्डर वन्ने


Wednesday, 2 Aug, 2017 12:00 AM

काठमाण्डौ – नेपाली सेनाका उपरथी शिवराम खरेल डेपुटी फोर्स कमाण्डर नियुक्त भएका छन् । सैनिक स्रोतले दिएको जानकारीअनुसार खरेल लेवनानस्थित संयुक्त राष्ट्रसंघको शान्ती मिसनमा खटिएको फौजको उपप्रमुखको रुपमा नियुक्त भएका हुन । सैनिक प्रवक्ता सहायकरथी झंकरबहादुर कडायतले उपरथी खरेल डेपुटी फोर्स कमाण्डरका रुपमा नियुक्त भएको पुष्टि गरे ।

नेपाली सेनाको सिफारीसमा खरेललाई संयुक्त राष्ट्रसंघको न्युयोर्कस्थित मुख्यालयले उनलाई लेवनास्थित युनिफल मिसनको उप–प्रमुखमा नियुक्त गरेको हो । नेपाली सेनाले युएन मिसनमा लामो समयदेखी सहभागीता जनाउदै आएको छ । सेनाको तर्फबाट युएनमा महत्वपुर्ण जिम्मेवारी पाउन सफल धेरै कम अधिकृतहरुमध्ये खरेल पनि एक हुन ।

यसअघि नेपाली सेनाको तर्फबाट युएनमा फोर्स कमाण्डरको रुपमा कृष्णनारायण सिंह थापा,भिक्ट्री राणा,बालानन्द शर्मा, पवनजंग थापा र पुर्णचन्द्र थापाले जिम्मेवारी सम्हालिसकेका छन् । डेपुटी फोर्स कमाण्डरको रुपमा उपरथीहरु  हरिबहादुर वस्नेत र रमेश पुनलगायतले उक्त जिम्मेवारी निर्वाह गरिसकेका छन् ।

Related News

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

प्रशासन View More..

Top