समाचार लेखेको आरोपमा सम्पादक भण्डारी प्रक्राउ,गृहमन्त्री शर्माको भयो चर्कोे आलोचना


Saturday, 17 Jun, 2017 5:07 AM

काठमाडौ – कंचनपुरका पत्रकार खेम भण्डारी र गणेश भट्टलाई समाचार लेखेकै आरोपमा प्रक्राउ गरिएको छ । कंचनपुरवाट प्रकाशित हुने मानसखण्ड दैनिकका प्रकाशक तथा सम्पादक रहेका भण्डारी र कार्यकारी सम्पादक भट्टलाई समाचार लेखेकै भरमा प्रहरीले प्रक्राउ गरेको हो । प्रहरीले उनलाई सार्वजनिक अपराध गरेको आरोपमा अनुसन्धान गर्नुपर्ने भन्दै पत्रिकाको कार्यालयबाटै प्रक्राउ गरेको हो ।

भण्डारीलाई प्रहरी नायव निरिक्षक महेन्द्र पाण्डे नेतृत्वको टोलीले प्रक्राउ गरेको हो । पत्रकार प्रक्राउको चौतर्फी विरोध भएको छ । सामाजिक संजालमा गृहमन्त्री जनादर्न शर्माको चर्को आलोचना समेत भएको छ ।

नेपाल पत्रकार महासंघका महासचिव उजिर मगरले शनिवार एक विज्ञप्ती जारी गर्दै सरकारको रवियाको विरोध गरेका छन् । महासचिव मगरले जारी गरेको विज्ञप्तीमा पत्रिकाको कार्यालयबाटै सम्पादकलाई नियन्त्रणमा लिनु पत्रकारविरुद्धको ज्यादती भएको र यसले प्रेस तथा अभिव्यक्ति स्वतन्त्रता हनन गरेको दावी वित्रप्ती गरीएको छ । उनले प्रक्राउ गरीएका पत्रकार रिहाई नगरे कडा आन्दोलन गर्ने चेतावनी समेत दिएका छन् ।  

यस्तो छ महासंघको विज्ञप्ती
कन्चनपुरबाट प्रकाशित दैनिक मानसखण्डका सम्पादक खेम भण्डारी र कार्यकारी सम्पादक जी भट्टलाई सार्वजनिक अपराध गरेकाले अनुसन्धानको शिलशिला’ भन्दै प्रहरीले पत्रिकाको कार्यालयबाटै नियन्त्रणमा लिनु पत्रकार विरूद्धको ज्यादती, प्रेस तथा अभिव्यक्ति स्वतन्त्रता बिपिरत हो ।
नेपाल पत्रकार महासंघ भण्डारी र भट्टलाई तत्काल रिहा गर्न माग गर्दछौं । पत्रिका नै बन्द गर्ने गरी सम्पादक, कार्यकारी सम्पादकलाई गिरफ्तार गरेर सरकार पूर्ण रूपमा स्वतन्त्र प्रेस नियन्त्रण गरी निरंकुशतातिर उन्मुख भएको छ । सरकारको यो रवैयाप्रति महासंघ घोर भर्त्सना गर्दछ । उहाँहरूको रिहाईप्रति त्यहाँ स्थित प्रहरी प्रमुखसँग पहल गरिएको छ । यदि तत्काल रिहा नगर्दासम्म कन्चनपुरका सम्पूर्ण पत्रकार साथीहरू सम्बन्धित निकायमा तत्काल धर्ना लगायत विरोधका कार्यक्रम गर्न आव्हान गर्दछौं ।
उजिर मगर
महासचिव
नेपाल पत्रकार महासंघ, केन्द्रीय कार्यालय
२०७४ असार ०३

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

प्रशासन View More..

Top