अवार्डमा साम्राज्ञीको कब्जा


Thursday, 18 Aug, 2016 10:04 AM

नव-नायिका साम्राज्ञी राज्यलक्ष्मी शाहका कारण अन्य नयाँ नायिकाहरु यो बर्ष छायामा परे । कारण, गतबर्षको फागुन अन्तिममा रिलिजमा आएको उनी अभिनित चलचित्र ‘ड्रिम्स’ले उनलाई यो बर्ष पनि उस्तै चर्चा दिलाइरहेको छ ।

गतबर्ष चलचित्रमा उनले गरेको कामका कारण चर्चा भएको थियो । यो बर्ष उनलाई अवार्ड थाप्दैमा भ्याई नभ्याई छ । यदि, सधै झै आयोजना भएका अवार्ड समारोह यो बर्ष पनि आयोजना भएको खण्डमा साम्राज्ञीको घरमा अवार्ड नै अवार्ड हुने देखिएको छ ।

श्रोतको भनाइलाई मान्ने हो भने असार १६ गते आयोजना भएको ‘राष्ट्रिय चलचित्र पुरस्कार’मा पनि यी सुन्दरी प्रमुख दावेदार थिइन् । निकै कम अंकले पुरस्कार नायिका नम्रता श्रेष्ठको पोल्टामा गएको थियो ।

यसपछि आयोजना भएका ‘फान र डी सिने अवार्ड’मा अन्य नव(नायिकाले साम्राज्ञीलाई उछिन्न सकेनन् । हरेक अवार्ड समारोहमा आमासँगै पुग्ने गरेकी साम्राज्ञीलाई अर्को बर्ष भने चुनौती छ ।

यो बर्ष नव(नायिकाको रुपमा अवार्ड जितेकी उनलाई अर्को बर्ष नायिका विधामै प्रतिस्पर्धा गर्नुपर्ने हुन्छ । ‘स्केप’ चलचित्रमा काम गर्दा खासै नाम नसुनिएका कलाकार प्रदिप खड्काले ‘प्रेमगीत’बाट खुबै चर्चा पाए । तर, उनको यो डेब्यू चलचित्र थिएन, जसकाकारण उनका लागि अवार्ड टाढा जस्तै बन्यो । यसैले नव(नायिका विधामा प्रतिस्पर्धा गर्नु र नायिका विधामा प्रतिस्पर्धा गर्नु धेरै नै फरक हो ।

यदि, भनेको समयमा छायांकन भएर भनेकै समयमा रिलिज भयो भने चलचित्र ‘ए मेरो हजुर २’ साम्राज्ञीका लागि अर्को बषृअवार्डमा प्रतिस्पर्धा गर्ने अर्को चलचित्र हुनेछ ।

चलचित्र असफल भएपनि कलाकारहरुको कामलाई अवार्डले चर्चामा ल्याइदिएका उदाहरण धेरै छन् । विवादस्पद, बाडिचुडी वितरण नगर्ने हो भने अवार्डले कलाकार र चलचित्र क्षेत्रलाई राम्रै फाइदा दिलाएका हुन्छन् । तर, नेपालमा अवार्डको गरिमा भने घट्दै गएको पाइन्छ ।
अनलाइनखवरवाट

बिचार

किन सफल हुँदैनन् गृहमन्त्री ?

यतिवेला ऊर्जा मन्त्रालयमा सफल भएका जनार्दन शर्मा गृहमन्त्री छन् । उनले गृहमा नियुक्त भएको भोलिपल्टै गृह प्रशासन र प्रहरीमा आमूल परिवर्तनको उद्घोष गरे । उनको पहिलो उद्घोष त सरुवा, बढुवामा चलखेल र सिफारिस बन्द गर्ने थियो । बढुवाका लागि नेताको सिफारिस गर्ने प्रहरीको नम्बर नै घटाउनेसम्मका ‘क्रान्तिकारी’ गफ गरे । तर, व्यवहार भने घोषणा अनुसार गरेनन् । प्रहरीको सरुवा–बढुवामा चरम राजनीतिक हस्तक्षेप देखिएको छ । हचुवाका भरमा सुरक्षासँग सम्बन्धित महत्वपूर्ण निर्णयहरू भएका छन् । प्रहरीमा इमानदार र क्षमतावान्भन्दा नेताहरूलाई खुसी बनाउने अधिकृतहरू हाबी भएका छन् । एक नम्बरमा एआइजी बनाइएका बमबहादुर भण्डारीलाई मुख्यालयमा थन्काएका छन् । राम्रा एआइजीहरूलाई मुख्यालयमा राखेर खराब रेडर्क भएका एआइजीलाई प्रदेश इन्चार्ज बनाएर पठाइएको छ । एसएसपीको सरुवामा पनि धेरैजसो बदनामहरूले नै अवसर पाएका छन् । धनुषाजस्तै हरेकजसो जिल्लामा नेताले आफ्ना विश्वासपात्र प्रहरी प्रमुख लैजान थालेका छन् । ऊर्जामै जस्तै गृह प्रशासनमा ‘उज्यालो’ छर्ने अपेक्षा गरिएका शर्माले तीन महिनाको कार्यकालमा प्रहरी संगठनभित्र अपेक्षा अनुसारको काम गर्न सकेनन् ।

सेनालाई सधैँ शंका किन ?

 मनोबलबिनाको फौज भिडसरह हुनेछ। सिपाहीको मनोबल परिवारसँग पनि जोडिएको हुन्छ। सिपाही भनेको दर्जा होइन, यो सैनिक पेसा हो। तसर्थ वर्षको ११ महिना ब्यारेक बस्नुपर्दा र शान्ति सेनामा जाँदा वर्षको १२ महिनै विदेश बस्दा आफ्ना घरपरिवारसँग रेडियोमार्फत सन्देश प्रवाह गर्ने काम हुनु जरुरी छ। सकिन्छ भने निःशुल्क टेलिफोन सेवा प्रदान गरिनैपर्छ। यद्यपि त्यसभन्दा रेडियो सस्तो पर्न जानेछ। अर्को कुरा, हाल सेनामा तलदेखि माथिसम्मका दर्जाहरू शिक्षित भएका र साहित्य सिर्जना, इतिहास लेखन, सैनिक अभ्यासका सम्झनाहरू लेख्न र पढ्न रुचि राख्ने धेरै भएकाले त्यस्ता प्रतिभाहरूबाट लेख–रचना संकलन गरी प्रसारण गर्दा अझै गौरव गर्नेछन्, फौजले। त्यसै गरी संगीत र गायन क्षेत्रमा रुचि राख्ने फौजलाई पनि रेडियोमार्फत आफ्नो प्रतिभा प्रष्फुटन हुन दिनु जरुरी छ।  नेपाली सेना, नेपाल प्रहरी र सशस्त्र प्रहरी ब्यारेक बस्ने राष्ट्र सेवकहरू भएकाले ती अंगहरूमा आ–आफ्नो टेलिभिजन, रेडियो लगायतका सञ्चारमाध्यम हुनु नितान्त ढिलो भइसकेको छ। नेपाल सरकार, आम नेपाली, नेपाली पत्रकार जगत्, प्राज्ञ, विज्ञले सेना–प्रहरीको ब्यारेक जीवनको कष्ट बुझेर यस पक्षलाई सहयोग गर्नुपर्छ।

महत्वपूर्ण वेबसाइट

Top