मओवादीका कुन नेताल कहाँबाट मतदान गर्दैछन् ?


Wednesday, 28 Jun, 2017 12:00 AM

काठमाडौं - असार १४ गते हुने दोश्रो चरणको स्थानीय तह निर्वाचन आउन अब एक दिन मात्र बाँकी छ । राजनीतिक दलका नेता कार्यकर्तामात्र होइन, सर्वसाधारण समेत मतदान गर्न आफ्नो गाउँ नगर पुगिरहेका छन् । नेकपा माओवादी केन्द्रका अध्यक्ष पुष्पकमल दाहाल प्रचण्ड र वरिष्ठ नेता नारायणकाजी श्रेष्ठ, प्रवक्ता पम्फा भुसाल, हेडक्वार्टर सदस्यहरू अग्निप्रसाद सापकोटा, देव गुरुङ, गिरीराजमणी पोख्रेल लगायतका नेताले बैशाख ३१ गतेको पहिलो चरणको निर्वाचनमा मतदान गरिसकेका छन् ।

दोश्रो चरणको निर्वाचनमा माओवादी केन्द्रका नेता कृष्णबहादुर महरा, वर्षमान पुन अनन्त, जयपुरी घर्ती, मणि थापा, लेखराज भट्ट, गोपाल किराती लगायतका नेताले मतदान गर्नेछन् । देउवा सरकारका उपप्रधान मन्त्री एवं परराष्ट्रमन्त्री कृष्णबहादुर महराले रोल्पाको लिवाङ नगरपालिका वडा नम्बर १ दामरुकमा रहेको श्री तारा माध्यामिक विद्यालयबाट मतदान गर्नेछन् । चुनावी प्रचारका लागि दुई साता अगाडि नै प्रदेश नम्बर ५ का विभिन्न जिल्लाहरूमा पुगेका महरा १४ गते हुने चुनावमा मतदान गर्न शनिबार रोल्पा पुगेका छन् । १० स्थानीय तह रहेको रोल्पा जिल्लाको एक मात्र नगरपालिका लिवाङमा पूर्ण केसी (करेन्ट) र उपप्रमुखमा मनकुमारी घर्ती (कमला) ले उम्मेदवारी दिएका छन् ।

माओवादी केन्द्र रोल्पाका सचिव समेत रहेका केसी नातामा महराका छोरी ज्वाईँ हुन् भने जिल्ला सदस्य रहेकी घर्ती नेता वर्षमान पुन अनन्तकी बहिनी हुन् । चुनावी सभालाई सम्बोधन गर्न प्रदेश नम्बर ५ मा पुगेका रोल्पाली नेता वर्षमान पुन अनन्तले लिवाङकै वडा नम्बर ७ मा रहेको बालोदय माध्यामिक विद्यालय माडिचौरबाट मतदान गर्नेछन् । दाङका चुनावी सभा सकेर बाँकेको नेपालगञ्ज पुगेका नेता पुनले मतदानका लागि असार १३ गतेमात्र रोल्पा पुग्ने बताए । सभामुख ओनसरी घर्तीले पनि सोही केन्द्रबाट मतदान गर्ने्छिन् । माओवादी हेडक्वाटर कमिटीकी सदस्य जयपुरी घर्तीले रोल्पाकै दुईखोली गाउँपालिका वडा नम्बर २ मा रहेको राङसी माध्यामिक विद्यालयबाट मतदान गर्ने्छिन् । घर्ती एक महिनादेखि चुनाव प्रचारका लागि रोल्पामा छन् । दुईखोली गाउँपालिका प्रमुखमा कृष्णबहादुर महराका स्वकीय सचिव जितजङ डाँगीले उम्मेदवारी दिएका छन् ।

माओवादीका अर्का वरिष्ठ नेता टोपबहादुर रायमाझीले अर्घाखाँचीको सन्धीखर्क नगरपालिका वडा नम्बर ९ अर्घा रहिसचौरमा रहेको मतदानकेन्द्रबाट मतदान गर्नेछन् । त्यसको लागि नेता रायमाझी एकसाता अघि नै गृहजिल्ला अर्घाखाँची पुगिसकेका छन् ।

 प्रदेश नम्बर ७ का संयोजक रहेका नेता लेखराज भट्टले कैलाली जिल्लाको गोदावरी नगरपालिका वडा नम्बर १मा रहेको घन्टेश्वर माध्यामिक विद्यालय अत्तरियाबाट मतदान गर्नेछन् । चुनावी प्रचारप्रसारमा जिल्लातिरै व्यस्त रहेको नेता भट्टले जानकारी दिए । प्रदेश नम्बर १ का संयोजक गोपाल किरातीले सोलुखुम्बुको सोताङ गाउँपालिकामा रहेको श्री हुलु निम्न माध्यामिक विद्यालयबाट मतदान गर्नेछन् । पूर्वका विभिन्न जिल्लामा भएका चुनावी सभालाई सम्बोधन गरेर नेता किराती शनिबार नै गृहजिल्ला सोलुखुम्बु पुगेका छन् ।

हेडक्वार्टर सदस्य नारायण शर्माले दाङको तुल्सीपुर उपमहानगरपालिका वडा नम्बर १७मा रहेको जनकल्याण उच्च माध्यामिक विद्यालय दुधरासबाट मतदान गर्नेछन् । शर्मा एकहप्ता अगाडि नै गृहजिल्ला दाङ पुगिसकेका छन् । नेता तिलक परियारले बाँकेको कोहलपुर नगरपालिका वडा नम्बर १२ मा रहेको ज्ञानज्योती माध्यामिक विद्यालयबाट मतदान गर्नेछन् । उनी एक महिनादेखि बाँकेमा चुनावी प्रचारमा छन् । कोहलपुरमा माओवादी केन्द्रका तर्फबाट अखिल क्रान्तिकारीका अध्यक्ष नरेन्द्र न्यौपाने प्रमुखको उम्मेदवार छन् ।

केही महिना अगाडि माओवादी केन्द्र प्रवेश गरी हेडक्वार्टर सदस्यमा बढुवा भएका नेता टंक राईले खोटाङको दिक्तेल नगरपालिकास्थित जाल्पा उच्च माध्यामिक विद्यालयबाट मतदान गर्ने नेता गोपाल किरातीले जानकारी दिए । नेता मणि थापाले प्युठान जिल्लाको प्युठान नगरपालिका वडा नम्बर ८मा रहेको गेजवाङ निम्न माध्यामिक विद्यालयबाट मतदान गर्नेछन् । थापा चुनावी प्रचारको लागि प्युठान पुगिसकेका छन् ।

पूर्व सामान्य प्रशासन मन्त्री रेखा शर्माले प्युठान नगरपालिका वडा नम्बर ७ बिजुवारमा रहेको स्वर्गद्वारी क्याम्पसबाट, पूर्व खेलकुद मन्त्री दलजीत श्रीपाइलीले रुकुमको भुमही गाउँपालिकाको महतबाट र पूर्व कृषिमन्त्री गौरीशंकर चौधरीले कैलालीको कैलारी गाउँपालिकामा रहेको विजयपुर माविबाट मतदान गर्नेछन् ।

Related News

बिचार

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

अध्यन खोज विना रातारात जेर्णेलको ५ पदथप गर्ने कुचाल देशको हीतमा छैन

केही दिन यता सशस्त्र प्रहरी वलमा विशिष्ठ श्रेणीको पद ५ वटा थप गर्ने चलखेल भईरहेको खवरले व्यापकता पाएको छ । उक्त संगठनमा ११ वर्ष पुगेका ईन्सपेक्टरहरु डीएस्पीमा र १२ वर्ष पुगेका सिपाही सहायक हवल्दार सम्म हुन पाएका छैनन । देशमा ऐतिहासिक राजनैतिक परिवर्तन भएको दशकौ हुदा सम्म कुनै अध्यन कार्यदल वनेको छैन आवश्यक सुधार विकासका लागि । वर्तमान संविधान २०७२ अनुसार सशस्त्र प्रहरी वल, नेपाल केन्द्रीय शक्तिको रुपमा रहनेछ । यसको आवस्यकता वढेको छ र परिचालन पनि सोही अनुसार केद्रवाट हुने भएकोले अत्यन्तै दूरदृष्टि राखेर निर्णय लिनु उपयुक्त हुनेछ । यसलाई परम्परागतको स्थानीय प्रशासन र जनपद प्रहरीको ढांचामा सुजपुझ विना अल्प सोचका आधारमा कोठे राजनीतिका तरिकामा निर्णय गर्ने हो भने सेतो हात्ति वा सेरोमोनिएल र खर्चिलो हुनेछ । सुरक्षा काम कार्वाहीलाई असरदार र व्यवशायिक वनाउनस मातहतको दरवन्दी विस्तार गरी रेस्पोन्स क्यपासिटी वनाउनु पर्नेमा माथील्लो अहोदाको विशिष्ठ श्रेणीको जर्णेल पद थप गर्ने सोचले हतारको निर्णय फुर्सदको पछुताई हुनेछ । कुनै पनि फौजी संगठनमा स्ट्राटेजीक लेभल, विजेनस वा डिर्पाटमेण्टल लेभल तथा फंगसनल लेभल विचको सन्तुलन मिलेन भने फौज सेरामोनिएल वनाउन खोज्दा उट वने जस्तो नहोस ।

महत्वपूर्ण वेबसाइट

प्रशासन View More..

Top