इन्जिनियर फँसाएर उम्किने नेबिल बैंकको यस्तो छ दाउ ?


Monday, 8 May, 2017 8:36 AM

काठमाडौं - किर्ते कागजात तयार पारेर नेबिल बैंकले योजनाबद्ध तरीकाबाट इन्जिनियर फँसाएको आरोप लागेको छ । ऋण स्वकृती गर्दा जग्गाधनीसँग मिलामतो गरी बैंक आफैले किर्ते डकुमेन्ट तयार पारी उक्त डकुमेन्टको आधारमा मूल्याङकन गर्ने इन्जिनियरलाई मात्र कुनियत राखी फँसाएको आरोप नेपाल भ्यालुयर्स एसोसिएशनले लगाएको हो । बैंकले उपलब्ध गराएको ब्लु प्रिन्ट, टेस पेपर र नक्सा बमोजिम जग्गाको मूल्याङकन गर्दै आएको एसोसिएशनले बैंकले आफूहरूलाई किर्ते कागजात दिएको दाबी गरेको छ ।

१४ वैशाख २०६४ मा चलानी नम्बर ९८० राखेर पठाएको पत्रमा भक्तपुरमा रहेको कित्ता नम्बर ८३१ को एक रोपनी दुई पैसा जग्गाको मूल्याङ्कन गर्दा बैंकले नक्कली कागजात दिएको दाबी एसोसिएशनको छ । उक्त जग्गाको कागजात नक्कली हुँदाहँुदै पनि यथोचित छानबिन नगरी एकतर्फी श्रेष्ठ कन्सलटेन्टलाई कालोसूचीमा राख्ने र श्रेष्ठ कन्सलटेन्टका इन्जिनियरलाई जबरजस्ती मुद्दा चलाएको आरोप एसोसिएशनले लगाएको छ ।
ऋण दिँदा बैंकले सुरक्षण बापत लिने धितो सम्बन्धी कागजातहरू जाँचबुझ गरी वास्ताविक स्थिती बुझि आफ्नै कर्जा शाखा विभागका कर्मचारी खटाई स्थलगत निरक्षण गरीएको प्रतिवेदनका आधारमा उचित ठहराएमा सम्बन्धित कन्सल्ट्यान्ट इन्जिनियरलाई सो कागज धितो मूल्याङकन गर्न दिने हँुदा किर्ते कागतात भए नभएको इन्जिनियरलाई पत्तो नहुने बैंकका कर्मचारी नै बताउने गर्छन् ।

ऋण प्रभाव गर्दा बदमासी बैंककै कर्मचारीबाट हुने गरेको ठहर उनीहरूको छ । नबिल बैंकमा पनि आफू बच्न इन्जिनियरलाई फँसाएको आरोप कर्मचारीको छ । एसोसिएशनले ऋण दिँदा पेश भएको कागजात किर्ते भएको ठहर भईसक्दा पनि त्यसको सत्यतथ्य छानविन नगरी एक तर्फी रूपमा कन्सल्टेन्टलाई मात्र कारवाहीको दायरामा ल्याएपछि यसमा बैंकका निर्देशकहरूको पनि मिलोमतो हुन सक्ने आशंका गरेको छ । किर्ते कागजात कसरी र कसले ल्यायो भन्ने तर्फ अनुसन्धान नगरी एकतर्फी रूपमा इन्जिनियरलाई दोष थुपार्दै फौजदारी मुद्दा लगाएको भन्दै एसोसिएशनले विरोध गरेको छ ।


 

Related News

बिचार

उच्च अधिकृतहरूको राजनीतिमा घुन भएर पिसिन लागेका विचरा दुई डिएसपीहरू

हालै दुई जना डिएसपी नवराज सिलवाललाई हराउन खटिए भन्ने समाचार भाइरल भएको छ । मेरो विचारमा यो हुन सक्ला तर त्यसको उद्देश्य ती दुई डिएसपीको महत्वांकाक्षाभन्दा पनि तिनका उच्च प्रहरीका महत्वांकाक्षाले तिनलाई खटाएको हुनुपर्छ । उच्च प्रहरी जो नवराजसँग डराउँछन् वा घृणा गर्छन् वा सिलवालसँग दुश्मनी छ, तिनले आफ्ना स्वार्थका लागि नवराजलाई हराउन खटाएका हुन सक्छन् । तर के ती उच्च प्रहरीको मात्र नवराज हराउने महत्वांकाक्षा होला र रु त्यसमा नवराजको विरोधी दल र नवराज बिगार्न प्रत्यक्ष संलग्न नेता पनि हुन सक्छन् । त्यो नेताका लागि उच्च प्रहरी अधिकृतले डिएसपी खटाएको पनि हुनसक्छ । अझ त्यतिमात्र होइन तस्कर, अपराधी जसका विरुद्ध नवराजले एक्सन गरे तिनीहरू पनि त उनलाई हराउन चाहन्छन् र त्यस्ता अपराधीसँगै उच्च प्रहरीहरूको साँठगाँठ हुन पनि त सक्छ नी । धेरै प्रहरीहरूको पैसा व्यापारीहरूले प्रयोग गरेको र कतिपय अपराधमा संलग्न भई काम गरेको समाचारहरू पनि बाहिर आएकै हुन् । कतिपय समाजमा इमानदार कहलाएका प्रहरी कर्मचारीहरू भित्र–भित्र डरलाग्दो रूपमा पैसा कमाई बसेका छन् भन्ने पनि चर्चा चलेकै छ । अस्पताल, हाउजिङ्ग, बालुवा ठेक्का–पट्टा, शैक्षिक संस्थानलगाएत काममा लगाउने सम्मको कुरा उच्च दर्जाबाट हुने गरेको सुनिएकै हो ।

शेरबहादुर देउवाका प्रतिस्प्रर्धी खगराज भट्टले मतदातालाई लेखे मार्मिक पत्र

म व्याक्तिगत रुपमा कसैलाई गाली र अपमान गर्न चाहान्न् । तर जनताले अब निर्मम निर्णय लिनैपर्छ यसपटक । हो निसन्देह म तेस्रोपटक तपाईको मतका लागि चुनावी मैदानमा छु । मैले डडेल्धुराको विकासका लागि केही योजना सार्वजनिक गर्दा मेरा प्रतिद्धन्द्धी साथीहरुबाट म विरुद्ध नियोजित प्रहार गर्ने,मेरो राजनीतिक जीवनमा दाग लगाउन खोज्ने प्रयास भइरहेकोप्रति म दुख व्यक्त गर्दछु । मैले कहिले पनि पद,पैसा,पावरका लागि कहिल्यै कसैसंग सम्झौता गरिन । बरु यो वा त्यो बाहनामा मलाई निर्वाचन लड्नबाट रोक्ने,पैसालाई खरिद गर्ने र भनेजति पैसा दिने प्रस्ताव कतिपय ठाउँबाट आएकै हो ।
 

महत्वपूर्ण वेबसाइट

Top