कंगोबाट डेढ सय नेपाली सैनिक फिर्ता प्रकरण :- सेनाले जनायो कडा आपत्ति


Thursday, 12 Oct, 2017 12:00 AM

काठमाडौं–शान्ति स्थापनार्थ अफ्रिकी मुलुक कंगोमा खटिएकामध्ये डेढ सय नेपाली शान्ति सैनिक १० महिना अघि नै स्वदेश फर्किएको घटनाबारे नेपाली सेनाले धारणा सार्वजनिक गरेको छ।

नेपाली सेना नेतृत्वको हेलचेक्र्याइँ र संयुक्त राष्ट्रसंघसँग कमजोर समन्वयका कारण नेपाली सेना स्वदेश फर्किएको खबर सार्वजनिक भइरहेका बेला नेपाली सेनाले भने राष्ट्रसंघको बजेट कटौतीको कारण फर्किएको दाबी गरेको छ।

सैनिक जनसम्पर्क निर्देशनालयले बिहीबार एक विज्ञप्ति जारी गर्दै भनेको छ, ‘संयुक्त राष्ट्रसंघको म्यानडेट भन्दा बढी शान्ति सैनिक मिशनमा पठाएको कारणबाट संयुक्त राष्ट्रसंघले फिर्ता पठाएको नभई राष्ट्रसंघको बजेट कटौतीको कारणबाट विभिन्न मिशनहरुबाट शान्ति सैनिकको संख्या घटाउने हालै भएको निर्णय अनुसार कंगोबाट समेत त्यहाँ तैनाथ अन्य राष्ट्रहरु सहित नेपाली शान्ति सैनिक १५० जना फिर्ता आएको स्पष्ट गर्दछौं।’
राष्ट्रसंघीय शान्ति मिसनअन्तर्गत प्रमुख सेनानी गौतमको नेतृत्वमा आठ सय ५० जना सैनिक अधिकारी गत असार २८ गते र साउन ७ गते कंगो गएको थियो। तर, संयुक्त राष्ट्रसंघले एक सय ५० जना नेपाली सैनिक फिर्ता पठाइदिएको थियो। कंगोमा हाल सात सय नेपाली शान्ति सैनिक कार्यरत छन्।

सेनाले समन्वय बिना नै बढी संख्यामा सैनिक पठाएका कारण फिर्ता पठाएको खबर सार्वजनिक भइरहेका बेला सेनाले भने संयुक्त राष्ट्रसंघ मुख्यालयबाट तोकिएको संख्या अनुसार नै पठाएको जिकिर गरेको छ।

राष्ट्रसंघको बजेट कटौतीको कारणबाट विभिन्न मिशनहरुबाट शान्ति सैनिकको संख्या घटाउने हालै मात्र निर्णय भएपछि डेढ सय नेपाली सेना फर्किएको उसको दाबी छ।

फर्काइएका एक सय ५० जना सैनिकलाई मुख्यालयले माघभित्र सुडान, मालीलगायत देशमा पठाइसक्ने आश्वासन नेपाली सेनाले दिएको छ।
विज्ञप्तिमा भनिएको छ ‘मिशनबाट फिर्ता भएका १५० जना नेपाली शान्ति सैनिकहरुलाई प्राथमिकता दिई निकट भविश्यमा जाने शान्ति सैनिक मिशनमा सहभागी गराउने योजना रहेको समेत जानकारी गराउँदछौं।’

Related News

बिचार

किन सफल हुँदैनन् गृहमन्त्री ?

यतिवेला ऊर्जा मन्त्रालयमा सफल भएका जनार्दन शर्मा गृहमन्त्री छन् । उनले गृहमा नियुक्त भएको भोलिपल्टै गृह प्रशासन र प्रहरीमा आमूल परिवर्तनको उद्घोष गरे । उनको पहिलो उद्घोष त सरुवा, बढुवामा चलखेल र सिफारिस बन्द गर्ने थियो । बढुवाका लागि नेताको सिफारिस गर्ने प्रहरीको नम्बर नै घटाउनेसम्मका ‘क्रान्तिकारी’ गफ गरे । तर, व्यवहार भने घोषणा अनुसार गरेनन् । प्रहरीको सरुवा–बढुवामा चरम राजनीतिक हस्तक्षेप देखिएको छ । हचुवाका भरमा सुरक्षासँग सम्बन्धित महत्वपूर्ण निर्णयहरू भएका छन् । प्रहरीमा इमानदार र क्षमतावान्भन्दा नेताहरूलाई खुसी बनाउने अधिकृतहरू हाबी भएका छन् । एक नम्बरमा एआइजी बनाइएका बमबहादुर भण्डारीलाई मुख्यालयमा थन्काएका छन् । राम्रा एआइजीहरूलाई मुख्यालयमा राखेर खराब रेडर्क भएका एआइजीलाई प्रदेश इन्चार्ज बनाएर पठाइएको छ । एसएसपीको सरुवामा पनि धेरैजसो बदनामहरूले नै अवसर पाएका छन् । धनुषाजस्तै हरेकजसो जिल्लामा नेताले आफ्ना विश्वासपात्र प्रहरी प्रमुख लैजान थालेका छन् । ऊर्जामै जस्तै गृह प्रशासनमा ‘उज्यालो’ छर्ने अपेक्षा गरिएका शर्माले तीन महिनाको कार्यकालमा प्रहरी संगठनभित्र अपेक्षा अनुसारको काम गर्न सकेनन् ।

सेनालाई सधैँ शंका किन ?

 मनोबलबिनाको फौज भिडसरह हुनेछ। सिपाहीको मनोबल परिवारसँग पनि जोडिएको हुन्छ। सिपाही भनेको दर्जा होइन, यो सैनिक पेसा हो। तसर्थ वर्षको ११ महिना ब्यारेक बस्नुपर्दा र शान्ति सेनामा जाँदा वर्षको १२ महिनै विदेश बस्दा आफ्ना घरपरिवारसँग रेडियोमार्फत सन्देश प्रवाह गर्ने काम हुनु जरुरी छ। सकिन्छ भने निःशुल्क टेलिफोन सेवा प्रदान गरिनैपर्छ। यद्यपि त्यसभन्दा रेडियो सस्तो पर्न जानेछ। अर्को कुरा, हाल सेनामा तलदेखि माथिसम्मका दर्जाहरू शिक्षित भएका र साहित्य सिर्जना, इतिहास लेखन, सैनिक अभ्यासका सम्झनाहरू लेख्न र पढ्न रुचि राख्ने धेरै भएकाले त्यस्ता प्रतिभाहरूबाट लेख–रचना संकलन गरी प्रसारण गर्दा अझै गौरव गर्नेछन्, फौजले। त्यसै गरी संगीत र गायन क्षेत्रमा रुचि राख्ने फौजलाई पनि रेडियोमार्फत आफ्नो प्रतिभा प्रष्फुटन हुन दिनु जरुरी छ।  नेपाली सेना, नेपाल प्रहरी र सशस्त्र प्रहरी ब्यारेक बस्ने राष्ट्र सेवकहरू भएकाले ती अंगहरूमा आ–आफ्नो टेलिभिजन, रेडियो लगायतका सञ्चारमाध्यम हुनु नितान्त ढिलो भइसकेको छ। नेपाल सरकार, आम नेपाली, नेपाली पत्रकार जगत्, प्राज्ञ, विज्ञले सेना–प्रहरीको ब्यारेक जीवनको कष्ट बुझेर यस पक्षलाई सहयोग गर्नुपर्छ।

महत्वपूर्ण वेबसाइट

Top