रथीको पदावधि थपसंगै सेनामा यसरी अन्त भयो नेतृत्वको दौड!


Thursday, 18 May, 2017 7:24 AM

काठमाण्डौ– एमाओवादी केन्द्रका अध्यक्ष पुष्पकमल दाहाल नेतृत्वको सरकारको सम्भवत् अन्तिम मन्त्रीपरिषद वैठकले विहिवार सेनाका दुई रथीको पदावधी थप गर्ने निर्णय गरेसंगै नेपाली सेनामा भावी प्रधानसेनापतिको दौड लगभग सकिएको छ । सरकारले रथीद्वय वलदेवराज महत र पुर्णचन्द्र थापाको पदावधि विहिवार थप गरेको थियो ।  नेपाल प्रहरीमा नेतृत्व विकासमा जुन समस्या देखियो सायद त्यसैलाई मध्यनजर गरेर होला सैनिक नेतृत्वले यसपटक वुद्धिमतापूर्ण तरिकाले सेनाका दुवै रथीहरुको पदावधी बढाउने निर्णय गरेको छ ।

यसअघिका प्रधानसेनापति गौरवशमशेर राणाले उमेर हद वाकी भएपनि तत्कालिन रथी नेपाल भुषण चन्दमाथी व्यक्तिगत पूर्वाग्रह राखेर पदावधि थप नगरे पनि क्षत्रीले भने उमेर हद र सेनाको आवश्यकतालाई ध्यान दिएर दुवै रथीको पदावधि थपेर उदाहरणिय काम गरेका हुन ।

सेनामा निकै शक्तिशाली मानिने बलाधिकृतरथी रहेका बलदेवराज महतको तीन महिने पदावधि थपसंगै उनि आगामी आगामी १४ कात्तीकसम्म सो पदमै वहाल हुनेछन् भने त्यसपछि उमेर हदको कारण १५ कात्तिकमा महतले लामो सैनिक जिवनवाट अवकास पाउनेछन् । महतसंगै एकै दिन पदावधि थप भएका थापाले भने हालका प्रधानसेनापति राजेन्द्र क्षत्रीको २३ भदौ ०७५ मा तीन वर्षे पदावधि सकिएलगत्तै नेपाली सेनाको वागडोर सम्हाल्नेछन् ।

इजरायल–प्यालेस्टाइन सिमा क्षेत्र स्थित राष्ट्रसंघीय मिसन, अनडफमा फोर्स कमाण्डरको जिम्मेवारी सम्हालेका थापाले एक वर्षको अवधीमा आफुलाई भावी नेतृत्वका रुपमा कामले नै प्रमाणित गरेर नै होला सैनिक नेतृत्वले उनको पदावधि थप गर्ने निर्णय गरेको । फोर्स कमाण्डरको जिम्मेवारी सफलतापूर्वक पुरा गरेर एक वर्षमै नेपाल फर्केका रथी थापा उच्च व्यवसायीक सैनिक अधिकारी मानिन्छन् ।

थापा सेनामा यस्ता सैनिक अधिकृत हुन जसले सेनाका महत्वपुर्ण विभाग मानिनै सवै ठाउमा काम गरेर आफुलाई प्रमाणित गरिसकेका  छन् ।  उनले स्टाफतर्फ जंगी अड्डामा जनरल स्टाफ अधिकृत, प्रमुख सैन्य सचिवालयमा सम्पर्क अधिकृत, नेपाली सेनाको महत्वपूर्ण नियुक्ती मानिने सैनिक सचिव र कल्याणकारी निर्देशक र उपरथी हुदा कार्यरथी तथा संभाररथीको रुपमा जिम्मेवारी सम्हालेका छन् ।
फोर्स कमाण्डरका रुपमा काम गर्दा उपरथी थापा न्युयोर्कमा

सैनिक ऐनमा ५८ वर्ष पुगिनसकेको अवस्थामा रथीको पदावधि एक वर्ष थप्न सक्ने प्रावधानअनुसार नै महत र थापाको पदावधि प्रधानसेनापतिले थप गरेको देखिन्छ । प्रधानसेनापति क्षत्रीले पनि सैनिक ऐनमा नै टेकेर दुवै रथीको पदावधी थप गर्नको लागी सिफारीस गरेका हुन । यसअघि पनि सेनामा रथी बालानन्द शर्माको पदावधि थपेको इतिहास छ । २०६३ सालपछि रथीको पदावधी थप्ने अधिकार प्रधानसेनापतिमा सिमीत छ । यसअघि त्यो प्रावधान थिएन ।

सेनापति निकट स्रोतकाअनुसार क्षत्रीको चाहना आफ्नो भावी उत्तराधिकारी व्यवसायीक चरित्र भएको र नेतृत्व गर्न सक्ने क्षमता भएको होस भन्ने थियो । त्यसका लागी उनले आफ्नो झण्डै दुई वर्षे कार्यकालमा कसैलाई काखा र कसैलाई पाखा समेत गरेनन् ।   सायद लामो समयको मुल्यांकनपछि प्रधानसेनापति क्षत्री, रथी थापालाई नै आफ्नो उत्तराधिकारी बनाउने निष्कर्शमा पुगेका हुन । त्यसैको परिणामस्वरुप उनको म्याद थप भएको सैनिक वृतमा चर्चा छ ।

सरल स्वभाव र योग्यताका हिसावले पनि अव्वल मानिएका थापा लमजुङ्ग पाखाथोकमा जन्मिएका हुन । २०३६ सालमा सहायक सेनानीमा भर्ना भएका थापाको पल्टन भने गोरख बहादुर गण हो । थापाले सन् २००९ मा भारतको न्यु दिल्लीमा अवस्थित नेशनल डिफेन्स कलेजबाट नेशनल डिफेन्स कोर्ष गरेका हुन ।

सेनामा महतको अवकाससंगै हाल सैनिक गुप्तचर महानिर्देशनालयको प्रमुख रहेका उपरथी हेमन्त कुवर आगामी कात्तिक १५ मा रथीमा बढुवा हुनेछन् ।


 

Related News

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

राजनीतिView More..

भारतिय प्रधानमन्त्री नरेन्द्र मोदी पत्नि बेन सवार गाडि जयपुरमा दुर्घटना, एकको मृत्यु

वामदेवको टेकोमा वाम एकता ! ओलीले तलमाथि गरे एमाले फुटाउने तयारी

यि खलपात्र जसले कांग्रेसलाई रसातलमा लान भूमिका खेले, अनि देउवाका दश कमजोरी

उम्मेदवारी नै हापेर नवराज सिलवालको प्रचारमा उत्रिए प्रतिद्धन्द्धि उम्मेदवार

आफुलाई सम्हाल्दै बीना मगरले शुरु गरिन कञ्चनपुरमा चुनावि अभियान

कांग्रेस नेता कृष्णप्रसाद सिटौलाको घरमा बम विष्फोट

देशले खोज्नुपर्ने र जनताले रोज्नैपर्ने नेताहरु जो चुनावी मैदानमा छन

डोल्पामा सबै भन्दा धेरै मत खस्यो, रोल्पामा सबै भन्दा कम अरु जिल्लामा कति ? सूचीसहित

प्रशासन View More..

Top