गृहमन्त्री निधि विराटनगरवाट फर्केलगत्तै राजीनामा दिने,गोपालमानलाई गृह दिने देउवाको चाहना


Thursday, 1 Jan, 1970 5:30 AM

काठमाण्डौ– उपप्रधानमन्त्री कमल थापासँगको वरियता विवादमा पार्टी सभापति शेरबहादुर देउवाको समेत साथ नपाएपछि उपप्रधान तथा गृहमन्त्री विमलेन्द्र निधि पदबाटै राजीनामा दिने निर्णयमा पुगेका छन् । सरकारमा  दोस्रो  वरियता  नदिए राजीनामा दिने बताउँदै आएका निधिले विराटनगरवाट फर्केलगत्तै राजीनामा दिने करिब निश्चित जस्तै छ । पूर्वाञ्चल क्षेत्रीय सुरक्षा गोष्ठीमा सहभागी हुन निधि शुक्रबार विराटनगर जाँदैछन् ।

सरकारमा काँग्रेसको तर्फबाट  नेतृत्व गरेका निधिले बिहीबार पार्टीका मन्त्रीहरुलाई गृहमन्त्रालय बोलाएर वरियतामा आफूलाई अपमान गरिए राजीनामा दिने बताएका थिए ।  प्रधानमन्त्री पुष्पकमल दाहाल प्रचण्डले कांग्रेसका सभापति शेरबहादुर देउवासँग परामर्श गरी राप्रपा अध्यक्ष कमल थापालाई आफूपछिको दोश्रो वरियतामा राख्ने गरी सरकारमा सहभागी गराएपछि वरियता विवाद हुँदै आएको थियो । वरियता विवादकै कारण लामो समयदेखि मन्त्रिपरिषद वैठक समेत बस्न सकेको छैन ।
गृहमन्त्री निधिका प्रेस सल्लाहकार रामजी दाहालले कमल थापा मातहतमा निधि  सरकारमा नबस्ने स्पष्ट गरे  । ‘उहाँले पहिल्यैदेखि कमल थापाको मातहतमा बस्दिन भन्दै आउनुभएको हो’, दाहालले भने, ‘प्रधानमन्त्रीले थापालाई वरियतामा अघि राखे उहाँ (निधि) सरकारमा बस्नुहुन्न ।’ प्रधानमन्त्री विदेश भ्रमणमा जाँदा निधिले दुईपटकसम्म कार्यबाहक प्रधानमन्त्री चलाइरहेका छन् ।

प्रधानमन्त्री प्रचण्डले बिहीबार माओवादी केन्द्रको पार्टीको हेडक्वार्टर बैठक डाकेर राप्रपा अध्यक्षसेमत रहेका उपप्रधान तथा संघीय मामिला एवं स्थानीय विकासमन्त्री कमल थापालाई दोस्रो वरियतामा राख्ने निर्णय गराएका थिए ।  प्रधानमन्त्रीको उक्त निर्णयप्रति निधि असन्तुष्ट छन्  । नेपाल प्रहरीको महानिरीक्षक नियुक्तिमा मन्त्री निधिले वरियताक्रमअनुसार डिआईजी नवराज सिलवालाई आईजीपी नियुक्त गर्नुपर्ने अडान राखेदेखि नै उनको पार्टी सभापति देउवासँग समेत दूरी बढेको छ ।

निधिले पछिल्लो समय मधेसवादी दलहरुलाई समेटेर स्थानीय तहको निर्वाचन दुई चरणमा गर्नुपर्ने बताउँदै आएका छन् । दुई चरणको चुनावबारे कांग्रेस सभापति देउवाको भने फरक धारणा छ । उनी तोकिएको मितिभित्र नै चुनाव सम्पन्न गरेर प्रचण्डबाट सत्ता लिने मनस्थितिमा छन् । निधिले राजीनामा दिए कांग्रेस नेता गोपालमान श्रेष्ठलाई गृहमन्त्री बनाउने मनस्थितिमा देउवा छन् ।

 

Related News

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

राजनीतिView More..

भारतिय प्रधानमन्त्री नरेन्द्र मोदी पत्नि बेन सवार गाडि जयपुरमा दुर्घटना, एकको मृत्यु

वामदेवको टेकोमा वाम एकता ! ओलीले तलमाथि गरे एमाले फुटाउने तयारी

यि खलपात्र जसले कांग्रेसलाई रसातलमा लान भूमिका खेले, अनि देउवाका दश कमजोरी

उम्मेदवारी नै हापेर नवराज सिलवालको प्रचारमा उत्रिए प्रतिद्धन्द्धि उम्मेदवार

आफुलाई सम्हाल्दै बीना मगरले शुरु गरिन कञ्चनपुरमा चुनावि अभियान

कांग्रेस नेता कृष्णप्रसाद सिटौलाको घरमा बम विष्फोट

देशले खोज्नुपर्ने र जनताले रोज्नैपर्ने नेताहरु जो चुनावी मैदानमा छन

डोल्पामा सबै भन्दा धेरै मत खस्यो, रोल्पामा सबै भन्दा कम अरु जिल्लामा कति ? सूचीसहित

प्रशासन View More..

Top