मैना सुनुवार र भैरवनाथ काण्डका दोषी समेत पदकका लागी सिफारीस !

परराष्ट्रसचिवले दुई पटक आफ्नो नाम सिफारीस गरेपनि पदक पाएनन्


Monday, 29 May, 2017 8:50 AM

काठमाण्डौ– गणतन्त्र दिवसको अवसर पारेर राष्ट्रपतिले दिने मानपदवीमा नेपाल सरकारका उच्च पदाधिकारीले आफ्नो नाम आफै सिफारीस गरेको खुलासा भएको छ । विभिन्न क्षेत्रमा उत्कृष्ट काम गरेका व्यक्ति र सरकारी कर्मचारीले सरकारको सिफारीसमा राष्ट्रपतिले पदक दिएर सम्मान दिने चलन छ । राजाको शासनकालमा पनि आफु निकट सरकारी अधिकारी र सेना प्रहरीका उच्च अधिकारीहरुलाई पदक सिफारीस गर्ने प्रचलन रहेको थियो ।
सरकारले यो पटक ५ सय  १४ जनलाई मानपदवी प्रदान गर्न सिफारीस गरेको छ । जसमा अधिकाशं पहुचवाला र पहुचवालाका पिए र उनका निकटस्थहरुको बोलवाला छ । पदक सिफारीसमा पर्नेमा तिनै सुरक्षा निकायका प्रमुखहरु,मुख्यसचिव सोमलाल सुवेदी, गृहसचिव लोकदर्शन रेग्मीदेखी लोकसेवा आयोगका अध्यक्ष उमेश मैनालीसम्म छन् । पदकको सिफारीस गर्नेमा विभिन्न मन्त्रालयका सचिव र विभागीय प्रमुखहरु छन् ।
परराष्ट्रमन्त्रालय पदक विहिन
सरकारले ५ सय १४ जनालाई मानपदवी दिएपनि परराष्ट्रमन्त्रालयबाट भने एक जनाको नाम पनि सुचीमा परेको छैन । मन्त्रालयले पठाएको सिफारीसमा सचिव शंकरदास वैरागीको नाम परेपनि उनलाई समेत पदकमा सिफारीस गरीएको छ्रैन । यो भन्दा पहिलो पनि परराष्ट्रबाट वैरागीले आफ्नो नाम मात्र पदकका लागी सिफारीस गरेका थिए । तत्कालिन परराष्ट्रमन्त्री कमल थापाले उनलाई पदक दिलाउन कोशीस गरेपनि अन्तितमा उनको नाम सुचीवाट हटेको थियो ।

तपाईले पदकका लागी आफ्नो नाम मात्र सिफारीस गर्नुभएछ नी भन्ने मुलधारको प्रश्नमा “वैरागीले भने मैले होईन मन्त्रीज्युले मेरो नाम पठाउनुभएको हो,त्यो पनि अन्तिम समयमा पठाएकाले होला मेरो नाम परेन ।” परराष्ट्रमा पछिल्लो समय राहदानी विभाग, कन्सुलर विभागका साथै विदेशस्थित मिसनमा उत्कृष्ट काम भएपनि त्यहाका कर्मचारीलाई सिफारीस नगर्नु र सचिव वैरागीले आफु एक जनाको नाम मात्र सिफारीस गर्नु गलत भएको परराष्ट्रका एक उच्च अधिकारीको भनाई छ ।
परराष्ट्रसचिव वैरागीले आफ्ना नाम मात्र पदकका लागी सिफारीस गरेको भन्दै मन्त्रालयमा उनको आलोचना भएको छ ।

सेनामा पनि काण्ड लागेकाले पदक पाए
नेपाली सेनामा पनि पदक पाउनेहरु प्रधानसेनापति निकट र विभिन्न अभियोग लागेकाहरुले पदक पाएको खुलासा भएको छ । प्रधानसेनापति राजेन्द्र क्षत्रीले भैरवनाथ काण्डका मुख्य दोषी सहायकरथी राजु बस्नेतको नाम सुप्रवलजनसेवाश्री पुरष्कारका लागी सिफारीस गरिएको छ भने मैना सुनुवार हत्या काण्डमा दोषी भनिएका तत्कालिन मेजर (हाल प्रमुख सेनानी) निरन्जन वस्नेतलाई प्रबल जनसेवाश्री पुरष्कारका लागी सिफारीस गरीएको छ ।

वस्नेतलाई राष्ट्रसंघले सुनुवार हत्याकाण्डमा संलग्न  भन्दै अफ्रिकाको चाडमा रहेको मिसनवाट नेपाल समेत फर्काएको थियो । उनलाई काभ्रे जिल्ला अदालतले निलम्वन गर्न आदेश दिएपनि सैनिक अदालतले भने उनलाई निर्दोष सावित गरेको थियो । सेनाले वस्नेत उक्त घटनामा दोषी नभएको दावी गर्दै आएको छ । तत्कालिन माओवादी नेता वावुराम भट्टराई प्रधानमन्त्री हुदा २०६९ असोज १८ मा सरकारले भैरवनाथ प्रकरणका मुख्य अभियुक्त राजु वस्नेतलाई सहायकरथीमा बढुवा गर्दा चर्को विरोध भएपनि हाल माओवादी नेतृत्वकै सरकारले उनलाई पदकका लागी सिफारीस गरेको छ  ।

वस्नेतमाथी द्धन्द्धकालमा भैरवनाथ गणबाट ४९ जना माओवादी नेता तथा कार्यकर्ता बेपत्ता पारेको अभियोग छ । उनलाई संयुक्त राष्ट्रसंघको उच्चायुक्तको कार्यालयले समेत तत्काल निलम्वन गरेर कार्वाही गर्न भनेपनि सेनालाई अस्विकार गर्दै आएको छ । वस्नेतलाई मानवअधिकारवादी संघसस्थाले पनि कार्र्वाहीका लागी दवाव दिदै आएका छन् ।



 

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

प्रशासन View More..

Top