प्रधानमन्त्री प्रचण्डले नारायाणकाजीलाई भने तपाईको अध्यक्ष म कि ओली ?


Wednesday, 4 Jan, 2017 1:42 AM

काठमाण्डौ– एमाओवादी विदेश विभाग प्रमुख तथा पुर्व उपप्रधानमन्त्री नारायणकाजी श्रेष्ठले एमालेसंग मिलेर पार्टीलाई फसाएको भन्दै प्रधानमन्त्री पुष्पकमल दाहाल “प्रचण्ड” उनिसंग आगो भएका छन् । प्रधानमन्त्रीको सरकारी निवास वालुवाटारमा वुधवार प्रधानमन्त्री प्रचण्डले श्रेष्ठलाई पार्टीको हित विपरीत काम नगर्न चेतावनी समेत दिएका छन् ।

प्रधानमन्त्री ताप्लेजुङमा रहेको वेला संसदको कार्यव्यवस्था परामर्श समितीको बैठकमा गिरिराजमणी पोखरेललाई पठाएर एमालेसंग मिलेको आरोप पार्टीमा श्रेष्ठमाथी लागेको  छ । श्रेष्ठले प्रमुख सचेत रहेका पोखरेललाई दवाव दिएर एमालेसंग मिलेको आरोप उनिमाथी छ । प्रधानमन्त्री निकट स्रोतले दिएको जानकारीअनुसार प्रचण्डले वरिष्ठ नेता श्रेष्ठलाई एमालेको ऐजेण्डालाई स्विकार गरेर गम्भिर गल्ती गरेको भन्दै आगामी दिनमा त्यसो नगर्न चेतावनी दिएका छन् ।

“संविधान संसोधन प्रस्तावको विपक्षमा एमाले छ, यो प्रस्तावलाई एमालेले राष्ट्रघाती हो भनेर भनिरहेको वेला प्रक्रिया अघि बढाउनुको सट्टा एमालेकै प्रस्तावमा सहमती जनाउन किन दवाव दिनुभयो ?” प्रचण्डको भनाई उदृत गर्दै स्रोतले भन्यो ।  प्रधानमन्त्रीले श्रेष्ठलाई तपाईको अध्यक्ष केपी ओली की म भन्दै प्रश्न समेत गरेको स्रोतको दावी छ ।

आफ्नै पार्टीका नेता प्रधानमन्त्री रहेको सरकारले लोडसेडिङ मुक्त देश बनाएको,विकासको कामलाई तिव्र रुपमा अगाडी बढाएको,मधेषका मागलाई सम्वोधन गरेर राष्ट्रिय एकतालाई मजवुत बनाउने  कोशिस गरिरहेको वेला उनले सरकारलाई असहयोग गरिरहेको भन्दै एमाओवादी केन्द्रमा उनको आलोचना हुने गरेको छ ।

सभामुखले शिर्ष नेतासहित मंगलवार बोलाएको कार्यव्यवस्था परामर्श समितीको वैठकमा कांग्रेसवाट रामचन्द्र पौडेल,एमालेवाट सुवास नेम्वाङ र माओवादीवाट गिरिराजमणी पोखेरल सहभागी थिए । वैठकमा कानुनमन्त्री अजयशंकर नायकको समेत उपस्थिती रहेको  थियो ।  एमालेको तर्फबाट वैठकमा सहभागी एमाले नेता नेम्वाङले सर्वोच्चले गरेको फैसला स्वागतयोग्य भएको र यसले सहमती निर्मणको लागी पहल गर्न सजिलो हुने भन्दै संसद वैठक केही दिन स्थगित गर्ने प्रस्ताव राखेका थिए ।

उनको प्रस्तावपछि नेम्वाङ,पौडेल र पोखरेलवीच छुट्टै वैठक समेत वसेको थियो । एमाले नेता नेम्वाङको लाइनमा सवैले सहमती गरेपछि सभामुखले शिर्ष नेताहरुका प्रतिनिधीको सहमतीमा वैठक केही दिन सार्ने प्रस्ताव गरेकी थिईन । संसदको कार्यव्यवस्था परामर्श समितीको वैठकको सुझाव र सल्लाहमा नै सभामुखले संसदको वैठक अघि बढाउने प्रचलन छ ।

सरकारको संसद वैठक अवरोधका विचमा पनि सुरु गर्ने,झडप हुने स्थितीमा स्थगित गरेर अर्को दिन वैठकलाई जारी राख्ने तयारी भएपनि आफ्नै पार्टीका नेता एमालेसंग मिलेपछि प्रधानमन्त्री धर्म संकटमा परेका थिए । प्रधानमन्त्री प्रचण्डले यसलाई एमालेको आन्दोलनलाई आफ्नै पार्टीका नेताले नै सहयोग गरेको अर्थमा लिएका छन् ।

सभामुख ओनसरी घर्ती सहितको वैठकमा सवै नेताहरुले पार्टी लाइनअनुसार नै वोलेपनि मिनि वैठकमा भने सवैले वैठक केही दिन सार्ने सहमती गरेका थिए । एमाओवादी केन्द्रका नेता पोखरेल श्रेष्ठ निकट मानिन्छन् । श्रेष्ठले पछिल्लो समय वर्तमान सरकारले एमालेका मागलाई सम्बोधन गर्नुपर्ने बताउदै आएका छन् ।

उसो त  श्रेष्ठ कहिले राष्ट्रियताको खोक्रो नारा लगाएर त कहिले सेवा सुविधा त्यागेर चर्चामा आउने गरेका छन् । उनि पछिल्लो समय भने अध्यक्ष प्रचण्डको गाडी चढ्ने गरेका छन् । पार्टीका नेताहरु सुविधाभोगी भएको,नाराअनुसार व्यवहार नभएको भन्दै सार्वजनिक यातायात चढ्ने गरेका श्रेष्ठले आफु अस्वस्थ भएकोले गाडी आवश्यक परेको भनेपछि उनलाई प्रधानमन्त्रीले गाडी उपलव्ध गराएका हुन ।

माओवादी प्रवेश गरेपछि प्रायजसो लाभको पद हासिल गरेका श्रेष्ठले सरकारको वचाउ गर्नुको सट्टा उल्टै आलोचना गर्ने गरेको गुनासो पनि माओवादी नेतृत्वको छ । सरकार बढी दक्षिणको इशारामा चलेको,राष्ट्रियता खतरामा रहेको भन्दै श्रेष्ठले आफु निकटकासंग सरकारको आलोचना गर्ने गरेको माओवादी उच्च स्रोतको दावी छ ।

 

Related News

बिचार

संगठन भित्र हस्पक्षेपका कारण जनताको नजरमा प्रहरीको छवि धमिलो !

उत्कृष्ट प्रहरी व्यवहार त्यतिबेला प्रदर्शित हुन्छ, जब प्रहरीले समाजका सम्पूर्ण वर्ग र समुदायलाई समान ठानी निस्वार्थ व्यावसायिक कार्य सम्पादन गरी आफू सबैको साझा व्यक्ति भएको भन्ने कुरा प्रहरी व्यवहारबाटै प्रमाणित गराउँछ । यो अवस्थामा प्रहरी कार्यसँग जनता सन्तुष्ट रहन्छन् । प्रहरी हाम्रै लागि हो भन्ने जनभावना विकसित हुन्छ । प्रहरी र जनताको पारस्परिक सम्बन्ध प्रगाढ बन्दै जान्छ । आवश्यक सहयोग आदान–प्रदान गर्ने परिपाटी बस्छ । जसका कारण प्रहरी कार्य प्रभावकारी हुने भएकोले समाजको नजरमा प्रहरीको छवि सुध्रन्छ । तर यसविपरीत प्रहरीबाट हुने गरेको एकपक्षीय व्यवहारले प्रहरीको छवि धमिलिएको छ । यसको सुधारका निम्ति प्रहरी व्यवहार लोकप्रिय हुन जरुरी छ ।  यसर्थ राजनीतिक प्रभावको कारण प्रहरीमा परेका उपरोक्त नकारात्मक असरले प्रहरी संगठनलाई नै बदनाम गराउँदै आएको हुँदा यसको अन्त्य गरी नेतामुखी बन्दै गएको प्रहरी सेवालाई जनमुखी बनाउन गृह नेतृत्व र प्रहरी नेतृत्व दुवैले ध्यान पु¥याउनु आवश्यक छ ।

डीएसपी हुँदा एसएसपी पक्राउ गर्नुपर्दा

बडाहाकिम अनुहारमा चिटचिट पसिना निकाल्दै हातमा एउटा कागज समातेर आफ्नो कार्यकक्षमा ओहोरदोहोर गरिरहेका थिए । मैले आफू आएको जानकारी गराउनासाथ उनले ‘माथिको आदेश’ भन्दै हड्बडाउँदै र दुवै हात कमाउँदै (आवा) आकाशवाणीका रूपमा प्राप्त गरेको कागजको एउटा टुक्रा मतिर बढाए । तलदेखि माथिसम्म पढेँ । धेरै कुरा केही थिएन । गृह मन्त्रालयबाट जारी गरिएको गोप्य निर्देशन रहेछ । जसमा लेखिएको थियो, ‘विशिष्ट राजनीतिक परिस्थिति सिर्जना हुन पुगेकाले उल्लिखित ६ व्यक्तिलाई तुरुन्त पक्राउ गरी हिरासतमा लिनू र यस कदमविरुद्ध कुनै व्यक्ति वा समूहद्वारा राजनीतिक क्रियाकलाप प्रदर्शन गर्न खोजे उनीहरूलाई पनि यसै आदेशका आधारमा पक्राउ गरी माथि जानकारी गराउनू ।’ पाँच जना व्यक्तिको नाममा मलाई त्यस्तो अप्ठ्यारो लागेन । तर, एक जना व्यक्तिको नामले मलाई भित्रैदेखि झकझक्यायो । मैले ती नाम दोहोर्‍याएर–तेहेर्‍याएर पढेँ । एकपटक झस्किएँ पनि, कतै आफ्नै नाम त छैन भनेर । मेरो नाम त थिएन तर मभन्दा माथिल्लो तहका प्रहरी अफिसर अर्थात् एसएसपीको नाम त्यो पक्राउ गर्नू भन्ने पुर्जामा चौथो नम्बरमा थियो । उनी नेपाली कांग्रेसका नेता सूर्यप्रसाद उपाध्यायका नातेदार थिए ।

महत्वपूर्ण वेबसाइट

Top