प्रहरीमा रिक्त बढुवा ब्रिफकेशको लेनादेनाबाट, सूची तयार हुँदैछ


Tuesday, 21 Nov, 2017 12:00 AM

काठमाडौं  -चार डिआईजीलाई एआईजी बढुवा सिफारिससँगै सरकारले रिक्त पाँच पदमा एसएसपी बढुवा गर्ने तयारी गरेको छ । गत साता एआईजीको चार पद सिर्जना गरेर सरकारले डिआईजीहरू हेमन्त पाल, मधु पुडासैनी, माधव नेपाल र पंकज श्रेष्ठलाई एआईजी बढुवामा सिफारीस गरिएको थियो । सिफारिसमा परेका डिआईजीहरू आईजिपी प्रकाश अर्यालका ब्याची हुन् । तीन महिनाअघि नै सरकारले दुई वटा एआइजीको दरबन्दी सिर्जना गरेको थियो । तर, भागबण्डा मिलाउन दुईवटा दरबन्दी थपेर चार पु¥याईएको हो ।

डिआईजी बढुवा सिफारिससँगै एसएसपीबाट डिआईजीमा बढुवाको लागि सरकारले लिस्ट तयार पारेको छ । राम्रो भन्दा पनि हाम्रालाई बढुवा दिने निश्चित भएपछि प्रहरी भित्र फेरि अन्सतुष्टी छाएको छ । सरकारले केदार रिजाल, सुवास चौधरी, दिनेश अमात्य, सुशिल भण्डारी र रवीन्द्र शर्मालाई डिआईजीमा बढुवा गर्ने तयारी गरेको छ । बरिष्ठ र दक्ष भन्दा पनि चाकडी चाप्लुसी र ब्रिफकेश बुझाएकै भरमा बढुवाको तयारी गर्न लागेको स्रोतले बतायो ।

बरिष्ठ क्रम र योग्य अधिकृतका रूपमा चिनिएका दिपक थापा, शेरबहादुर बस्नेत, पिताम्बर अधिकारी, दानसिंह बोहोरा जस्ता काविल अधिकृतलाई पाखा लगाएर बदनाम छवि भएका प्रहरी अधिकृतलाई बढुवाको तयारी गरेको स्रोतको दाबी छ । कांग्रेस सभापति शेरबहादुर देउवा पत्नी आर्जु देउवालाई ब्रिफकेश बुझाएर अधिकृतहरुले फूली लगाउने सपना सजाएका छन् ।

एसएसपीबाट डिआईजीमा बढुवा हुनका लागि कार्य क्षमता र योग्यताको मापदण्ड भन्दा पनि ब्रिफकेशलाई नै प्राथमिकतामा राखिएको छ । प्रहरीको बढुवा तथा सरूवामा प्रधानमन्त्री देउवा पत्नी आरजुले करोडौंको चलखेल गदै आएका समाचार बाहिरीदै आएको छ ।

Related News

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

प्रशासन View More..

Top