सरकारले आफु खुसि गरेपछि डीआईजी बढुवा रोकियो, निर्वाचन आयोगले स्वीकृति दिन मानेन


Sunday, 3 Dec, 2017 12:00 AM

काठमाडौं  -नेपाल प्रहरीमा डीआईजी पदमा बढुवाका लागि सरकारले राखेको प्रस्तावमा निर्वाचन आयोगले स्वीकृति दिन अस्वीकार गरेको छ । राजनीतिक भागबण्डा मिलाउनका लागि सरकारले नेपाल प्रहरीमा डीआईजी दरबन्दी थप्ने मनसायका साथ डीआईजी बढुवाका लागि निर्वाचन आयोगसँग स्वीकृति मागेको थियो । तर, निर्वाचन आचारसंहिता विपरीत हुने जानकारीका साथ आयोगले स्वीकृति नदिएको हो ।


सरकारले राजनीतिक भागबण्डा मिलाउनकै लागि प्रहरीमा ९ डीआईजी दरबन्दी थप्ने तयारी गरेको थियो । यसअघि सरकारले ४ एआईजी दरबन्दी रहेको प्रहरी संगठनमा थप दरबन्दी सृजना गरेर १६ एआईजी बढुवाका लागि सिफारिश गरेको थियो । प्रहरीमा अहिले ५ डीआईजी पद खाली रहेको छ भने सरकारले थप ९ डीआईजी दरबन्दी सृजना गर्न खोजेको स्रोतले बताएको भन्दै आजको सुशासन न्युज साप्ताहिकले समाचार लेखेको छ ।


हाल ५ डीआईजी पदमा १९ जना एसएसपीहरुले बढुवाका लागि दौडधूप सुरु गरेपछि सरकारलाई डीआईजी बढुवा मिलाउन हम्मेहम्मे परेको छ । क्षमतावान् र योग्यलाई छान्नुको सट्टा विवादित र आफ्ना नातागोताका अधिकृतहरुलाई डीआईजीमा बढुवा गर्न दरबन्दी थप्न लागिएको स्रोतको दाबी छ । उच्च स्रोतका अनुसार सातवटै प्रदेशमा सरकारले एआईजी खटाएपछि यसअघिका पाँचवटा क्षेत्रीय कार्यालयका डीआईजीहरु जिम्मेवारीविहीन छन् ।


हाल नेपाल प्रहरीमा प्रशासनतर्फ २६ जना डीआईजीको दरबन्दी छ । कुनै पनि संस्थामा दरबन्दी थप गर्नका लागि ओएनएम सर्भे गर्नुपर्ने हुन्छ । तर, पछिल्लो समय राजनीतिक भागबण्डा मिलाउन हचुवाका भरमा धमाधम माथिल्लो तहको दरबन्द थप्ने परिपाटीले प्रहरी संगठनको भविष्य नै अन्योलमा पर्ने बताउँछन्, पूर्वडीआईजी हेमन्त मल्ल ठकुरी । ‘संगठनको आवश्यकता के हो, कुनकुन पदको दरबन्दी थप्नुपर्ने हो, त्यसबारेमा ओएनएम सर्भे गर्नुपर्ने हुन्छ,’ उनले भने, ‘यसरी जथाभावी दरबन्दी थप्नु संगठनको हितमा हुँदैन ।’


नेपाल प्रहरीमा प्रशासनतर्फ कायम रहेको २६ र थपिन लागिएको ९ समेत गर्दा डीआईजीको संख्या ३५ पुग्ने भएको छ । हाल रिक्त ५ र थपिने ९ गरी १४ डीआईजी पदका लागि १९ जना एसएसपी बढुवाको दौडधूपमा लागेका छन् । आफू निकटका प्रहरी अधिकारीलाई बढुवा गराउन बढुवा समितिका पदाधिकारीहरुलाई विभिन्न शक्तिकेन्द्रबाट दबाब आउन सुरु भइसकेको छ ।


प्रधानमन्त्री कार्यालय स्रोतका अनुसार वरीयताको १६ नम्बरमा रहेका एसएसपी सुशीलकुमार भण्डारीलाई डीआईजीमा बढुवा गर्न प्रधानमन्त्री शेरबहादुर देउवाले गृहसचिव सापकोटालाई निर्देशन दिइसकेका छन् भने वरीयताको ९ नम्बरमा रहेका दिनेश अमात्यलाई बढुवा गर्न प्रधानमन्त्रीपत्नी आरजु देउवाले दबाब दिँदै आएकी छिन् । अमात्य विवादास्पद प्रहरी अधिकारी हुन् । गुण्डानाइकेसँग विशेष साँठगाँठ रहेका उनी अपराध महाशाखामा कार्यरत रहँदा विभिन्न असुली तथा फर्जी इन्काउन्टरको विवादमा तानिएपछि ६ महिनामै त्यहाँबाट सरुवा भएका थिए । बढुवामा पर्नका लागि उनले चुनाव खर्च भन्दै शक्तिकेन्द्रमा बिफ्रकेश बुझाइसकेको प्रहरी मुख्यालयमा चर्चाको विषय बनेको छ ।


त्यस्तै, वरीयताको दोस्रो नम्बरमा रहेका एसएसपी कृष्णप्रसाद गौतमलाई डीआईजीमा बढुवा गर्न प्रधानन्यायाधीश गोपाल पराजुलीको चर्को दबाब रहेको बुझिएको छ । गौतम र पराजुली नाताले ज्वाइँ–जेठान हुन् । नवलपरासीको एसपी हुँदा आर्थिक प्रलोभनमा परी ज्यान मुद्दाका अभियुक्तलाई छाडेको आरोपमा निलम्बनमा परेका गौतम विवादास्पद प्रहरी अधिकृत हुन् ।


यस पटकको बढुवामा तुलनात्मक रुपमा सुभाष चौधरी, रवीन्द्रप्रसाद शर्मा, दीपककुमार थापा, केदार रिजाल, शेरबहादुर बस्नेत, पीताम्बर अधिकारी कमलबहादुर जिटी, दानसिंह बोहोरा, नारायणसिंह खड्का, सुरज केसी र महेशविक्रम शाह बढुवाका बलिया उम्मेदवार हुन् । उनीहरुका अलावा प्रेम चन्द, श्याम खड्का, विष्णुहरि गौतम, रामप्रसाद श्रेष्ठ, महेन्द्रकुमार पोखरेल र मोहनराज जोशी डीआईजी बढुवाका आकांक्षी हुन् ।

बिचार

उच्च प्रहरी साथीहरूले बुझ्नु पर्छ, साथी खुसीका श्रोत हुन्

हामीले यसो गर्दा हाम्रो एउटा साथीको जागिर जान्छ भन्ने संवेदना उनीहरूमा पटक्कै भएन । बिल्कुलै संवेदना शून्य । न माया, न दया, केवल रिस, ईष्र्या, डाहा, छटपटी मानौँ जंगली जनावर झै हिंस्रक । आफ्नै ब्याचको एउटा साथी जो यो समयमा पदोन्नती भएन भने जागिरबाटै बाहिरिन सक्छ, त्यो अवस्था देख्दा हिजो सँगै थालमा खाएका एउटै व्याचका साथीहरूलाई पनि पीडा हुनुपर्ने हो तर यस्तो हुँदो रहेनछ । उल्टो त्यसलाई अवकाश गराई आफु त्यो पदमा जाने होड पो चल्दो रहेछ । मैले आफ्नै आँखाले देखेँ कि मानिस एक तह पदोन्नतिका लागि कतिसम्म निच हुन सक्दा रहेछन् । तर फेरि सोच्छु यी व्यक्ति कुनै बेला मेरा साथी थिए, हामी सँगै हास्थ्यौँ, खेल्थ्यौँ, रमाउथ्यौँ । फेरि आज यिनीहरूनै मलाई जागिरबाट निकाल्न किन यति धेरै उद्दण्ड किन भए ? के यी व्यक्ति नै खराब थिए ? वा म खराब थिएँ ? वा त्यो पद खराब थियो जुन पदले साथीहरूलाई नै दुश्मन बनायो ? अन्तमा म निष्कर्षमा पुग्छु कि वास्तवमा त्यो पद नै खराब थियो र त्यो पदमा पुग्ने चाहनाले नै उनीहरूलाई साथीसँग दुश्मन हुनमात्र तयार पारेन बल्की अनैतिक भएर आत्मसम्मान गिराउनसमेत तयार बनायो । म फेसबुक हेर्दै थिएँ ।

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

महत्वपूर्ण वेबसाइट

राजनीतिView More..

भारतिय प्रधानमन्त्री नरेन्द्र मोदी पत्नि बेन सवार गाडि जयपुरमा दुर्घटना, एकको मृत्यु

वामदेवको टेकोमा वाम एकता ! ओलीले तलमाथि गरे एमाले फुटाउने तयारी

यि खलपात्र जसले कांग्रेसलाई रसातलमा लान भूमिका खेले, अनि देउवाका दश कमजोरी

उम्मेदवारी नै हापेर नवराज सिलवालको प्रचारमा उत्रिए प्रतिद्धन्द्धि उम्मेदवार

आफुलाई सम्हाल्दै बीना मगरले शुरु गरिन कञ्चनपुरमा चुनावि अभियान

कांग्रेस नेता कृष्णप्रसाद सिटौलाको घरमा बम विष्फोट

देशले खोज्नुपर्ने र जनताले रोज्नैपर्ने नेताहरु जो चुनावी मैदानमा छन

डोल्पामा सबै भन्दा धेरै मत खस्यो, रोल्पामा सबै भन्दा कम अरु जिल्लामा कति ? सूचीसहित

प्रशासन View More..

Top