आईजीपी प्रकाश अर्याल हटाईदै, राजीनामा दिन्छन कि बर्खास्तीमा पर्छन ?

नेपाल प्रहरीमा फेरी राजनितीको फोहरी खेल


Monday, 18 Sep, 2017 12:00 AM

काठमाडौं– प्रधानमन्त्री शेरबहादुर देउवा नेपाल प्रहरीका आईजी प्रकाश अर्याललाई हटाउने अन्तिम तयारीमा पुगेका छन । प्रदेश नम्वर २ मा निर्वाचन भई रहेका बेला वालुवटारमा भने आईजीपी हटाउने फोहरी खेल शुरु भएको छ । सम्भवत सोमबारकै मन्त्रीपरिषदको वैठकबाट यसको छिनोफानो गर्ने तयारी वालुवटारले गरेको छ । त्यसकालागी प्रधानमन्त्री देउवाले माओवादी केन्द्रका अध्यक्ष पुष्पकमल दाहाल ‘प्रचण्ड’ लाई समेत मनाई सकेका छन । अर्याललाई हटाएर वरियतामा दुई नम्वरमा रहेका  एआईजी जयबहादुर चन्दलाई आईजिपी बनाउने तयारी देउवा र दाहालको रहेको छ । आईजीपी फाल्ने खेलमा सहभागी नेताहरु निकट स्रोतका अनुसार त्यसका लागी दुई पार्टीका नेताबीच पटक–पटक छलफल भइसकेको छ । यो विषय छलफलको अन्तिम किनारामा पुगेको छ ।

स्रोतका अनुसार  देउवा एआईजी चन्दलाई महानिरीक्षक बनाउन कम्मर कसेर लागेका छन् । माओवादी केन्द्रका अध्यक्ष प्रचण्ड र गृहमन्त्री जनार्दन शर्मा समेत अर्याललाई हटाउनेमा सहमत भइसकेका छन ।  राजिनामा दिएर मार्ग प्रशस्त गर्न देउवाले महानिरीक्षक अर्याललाई सन्देश पठाइसकेका छन् ।

प्रधानमन्त्री देउवा जसरी पनि चन्दलाई महानिरीक्षक बनाउने अडानमा छन् ।  महानिरीक्षकलाई हटाउने विषयमा सोमबार विहान माओवादी केन्द्रका अध्यक्ष प्रचण्ड र गृहमन्त्री जनार्दन शर्माबीच पनि प्रचण्ड निवास लाजिम्पाटमा छलफल भएको छ ।

माओवादी अध्यक्ष प्रचण्डसहितको आइतबार बालुवाटारमा बसेको बैठकमा अर्याललाई समेत बोलाइएको थियो । देउवाले उनलाई राजिनामा दिन सुझाव दिएका थिए । तर,अर्यालले कुनै प्रतिक्रिया भने दिएका छैनन् । स्रोतकाअनुसार देउवाले अर्याललाई राजनीतिक नियुक्ती दिने आश्वासन दिएका छन् । राजिनामा नदिए मन्त्रिपरिषदको बैठकबाटै उनलाई हटाएर आफ्नो सुरक्षा सल्लाहकारमा सरुवा गर्ने तयारी देउवाले गरेका छन् ।

३० वर्षे सेवा हद नहटेको खण्डमा आईजीपी अर्यालसहित हालका एआईजी चन्द आगामी चैत २९ गतेदेखि अनिवार्य अवकाश पाउदैछन् । देउवाले उनलाई ६ महिनाका लागी भए पनि आईजिपी बनाउन चाहेका छन् । प्रहरीको आयुक्त कार्यालय रानीपोखरीमा कार्यरत एआईजी चन्द वरियतामा दोस्रो नम्बरमा छन् । बरियतामा एक नम्बरमा एआईजी बमबहादुर भण्डारी  रहेका छन् ।

यसअघि तेस्रो नम्बरमा रहेका तत्कालिन डीआईजी चन्दलाई माओवादी केन्द्रका अध्यक्ष प्रचण्ड नेतृत्वको सरकारले आईजीपी नियुक्त गरेको थियो । चन्दलाई आईजीपी नियुक्त गरिएपछि सर्वोच्च अदालतले सरकारलाई सो निर्णय कार्यान्वयन नगराउन आदेश दिएपछि उनको नियुक्ती बदर भएको थियो ।

Related News

बिचार

किन सफल हुँदैनन् गृहमन्त्री ?

यतिवेला ऊर्जा मन्त्रालयमा सफल भएका जनार्दन शर्मा गृहमन्त्री छन् । उनले गृहमा नियुक्त भएको भोलिपल्टै गृह प्रशासन र प्रहरीमा आमूल परिवर्तनको उद्घोष गरे । उनको पहिलो उद्घोष त सरुवा, बढुवामा चलखेल र सिफारिस बन्द गर्ने थियो । बढुवाका लागि नेताको सिफारिस गर्ने प्रहरीको नम्बर नै घटाउनेसम्मका ‘क्रान्तिकारी’ गफ गरे । तर, व्यवहार भने घोषणा अनुसार गरेनन् । प्रहरीको सरुवा–बढुवामा चरम राजनीतिक हस्तक्षेप देखिएको छ । हचुवाका भरमा सुरक्षासँग सम्बन्धित महत्वपूर्ण निर्णयहरू भएका छन् । प्रहरीमा इमानदार र क्षमतावान्भन्दा नेताहरूलाई खुसी बनाउने अधिकृतहरू हाबी भएका छन् । एक नम्बरमा एआइजी बनाइएका बमबहादुर भण्डारीलाई मुख्यालयमा थन्काएका छन् । राम्रा एआइजीहरूलाई मुख्यालयमा राखेर खराब रेडर्क भएका एआइजीलाई प्रदेश इन्चार्ज बनाएर पठाइएको छ । एसएसपीको सरुवामा पनि धेरैजसो बदनामहरूले नै अवसर पाएका छन् । धनुषाजस्तै हरेकजसो जिल्लामा नेताले आफ्ना विश्वासपात्र प्रहरी प्रमुख लैजान थालेका छन् । ऊर्जामै जस्तै गृह प्रशासनमा ‘उज्यालो’ छर्ने अपेक्षा गरिएका शर्माले तीन महिनाको कार्यकालमा प्रहरी संगठनभित्र अपेक्षा अनुसारको काम गर्न सकेनन् ।

सेनालाई सधैँ शंका किन ?

 मनोबलबिनाको फौज भिडसरह हुनेछ। सिपाहीको मनोबल परिवारसँग पनि जोडिएको हुन्छ। सिपाही भनेको दर्जा होइन, यो सैनिक पेसा हो। तसर्थ वर्षको ११ महिना ब्यारेक बस्नुपर्दा र शान्ति सेनामा जाँदा वर्षको १२ महिनै विदेश बस्दा आफ्ना घरपरिवारसँग रेडियोमार्फत सन्देश प्रवाह गर्ने काम हुनु जरुरी छ। सकिन्छ भने निःशुल्क टेलिफोन सेवा प्रदान गरिनैपर्छ। यद्यपि त्यसभन्दा रेडियो सस्तो पर्न जानेछ। अर्को कुरा, हाल सेनामा तलदेखि माथिसम्मका दर्जाहरू शिक्षित भएका र साहित्य सिर्जना, इतिहास लेखन, सैनिक अभ्यासका सम्झनाहरू लेख्न र पढ्न रुचि राख्ने धेरै भएकाले त्यस्ता प्रतिभाहरूबाट लेख–रचना संकलन गरी प्रसारण गर्दा अझै गौरव गर्नेछन्, फौजले। त्यसै गरी संगीत र गायन क्षेत्रमा रुचि राख्ने फौजलाई पनि रेडियोमार्फत आफ्नो प्रतिभा प्रष्फुटन हुन दिनु जरुरी छ।  नेपाली सेना, नेपाल प्रहरी र सशस्त्र प्रहरी ब्यारेक बस्ने राष्ट्र सेवकहरू भएकाले ती अंगहरूमा आ–आफ्नो टेलिभिजन, रेडियो लगायतका सञ्चारमाध्यम हुनु नितान्त ढिलो भइसकेको छ। नेपाल सरकार, आम नेपाली, नेपाली पत्रकार जगत्, प्राज्ञ, विज्ञले सेना–प्रहरीको ब्यारेक जीवनको कष्ट बुझेर यस पक्षलाई सहयोग गर्नुपर्छ।

महत्वपूर्ण वेबसाइट

Top