गुण्डा नाइके गोर्खाली फेरी पुगे प्रहरी खोरमा


Monday, 5 Jun, 2017 12:48 PM

काठमाण्डौ- प्रहरीले राजधानीका चर्चित गुण्डा नाइके राजु गोर्खाली भन्ने राजेन्द्र गोर्खालीलाई पक्राउ गरेको छ। महानगरीय प्रहरी परिसर काठमाडौको विशेष टोलिले सोमबार बिहान गोर्खाली र उनका सहयोगी देवेन्द्र केसीलाई पक्राउ गरेको हो।

गुण्डागर्दीको आडमा विभिन्न व्यापारीहरुलाई धम्क्याएर जबर्जस्ति रकम असुली गरेको मौखिक तथा लिखित उजुरीका आधारमा उनिहरुलाई पक्राउ गरिएको काठमाडौ प्रहरी प्रमुख एसएसपी छविलाल जोशीले बताए। एसएसपी जोशीका अनुसार गोर्खालीसंगै पक्राउ परेका केसीले रकम असुलीमा सहयोग गर्ने गरेको खुल्न आएको छ।

काठमाडौ प्रहरीले पक्राउ परेका दुबैजनालाई केही सार्वजनिक अपराध मुद्दामा अनुसन्धानको लागि म्याद लिन जिल्ला प्रशासन कार्यालय काठमाडौमा उपस्थित गराउने तयारी गरेको छ। गुण्डागर्दी विरुद्ध आक्रामक नीति लिएको काठमाडौ प्रहरीले पहिलो चरणको निर्वाचन अगाडि राजधानीकै चर्चित गुण्डा नाइकेहरु दिपक मनाङे, चक्रे मिलन लगायत दर्जनौलाई पक्राउ गरेर कारबाही गरिसकेको छ।
 

Related News

बिचार

समाचार स्रोतको संरक्षण

पत्रकारलाई समाचारको स्रोत खुलाउन नपर्ने उन्मुक्ति किन दिइयो भन्नेतर्फ पहिला चर्चा गरौँ । एउटा कानुन व्यवसायीले आफ्ना सेवाग्राहीलाई दिएको कानुनी परामर्श अदालतमा समेत खुलाउन बाध्य हुँदैन । यस्तो कार्य प्रिभिलेज कम्युनिकेसन हो र यो गोप्य विषय हो । वकिलले के राय दियो भन्ने कुरा न त कानुन व्यवसायीले बताउन पाउँछ न त पक्षले नै । सांसदले संसद्मा बोल्दा कुनै रोकतोक नलाग्ने कारण पनि त्यही हो । संसद्मा बोल्दा कारबाही हुने अवस्था आउने हो भने स्पष्ट रूपमा बोल्न सक्दैन भनेर नै संसद्मा दिएको अभिव्यक्तिका कारण कुनै सजाय गरिनेछैन भन्ने व्यवस्थासहितको विशेषाधिकार राखिएको हो । चिकित्सकले उपचारका क्रममा दिएको स्वास्थ्य सल्लाह र रोगबारे सार्वजनिक गर्न पाउँदैन किनभने एक त ती बिरामी व्यक्तिको गोपनीयताको अधिकार छ भने अर्कातिर डाक्टरको पेसागत आचारसंहिता । त्यस्तो गोपनीयता सार्वजनिक गर्न थाल्ने हो भने चिकित्सकप्रतिको विश्वास धराशयी हुनजान्छ ।

अध्यन खोज विना रातारात जेर्णेलको ५ पदथप गर्ने कुचाल देशको हीतमा छैन

केही दिन यता सशस्त्र प्रहरी वलमा विशिष्ठ श्रेणीको पद ५ वटा थप गर्ने चलखेल भईरहेको खवरले व्यापकता पाएको छ । उक्त संगठनमा ११ वर्ष पुगेका ईन्सपेक्टरहरु डीएस्पीमा र १२ वर्ष पुगेका सिपाही सहायक हवल्दार सम्म हुन पाएका छैनन । देशमा ऐतिहासिक राजनैतिक परिवर्तन भएको दशकौ हुदा सम्म कुनै अध्यन कार्यदल वनेको छैन आवश्यक सुधार विकासका लागि । वर्तमान संविधान २०७२ अनुसार सशस्त्र प्रहरी वल, नेपाल केन्द्रीय शक्तिको रुपमा रहनेछ । यसको आवस्यकता वढेको छ र परिचालन पनि सोही अनुसार केद्रवाट हुने भएकोले अत्यन्तै दूरदृष्टि राखेर निर्णय लिनु उपयुक्त हुनेछ । यसलाई परम्परागतको स्थानीय प्रशासन र जनपद प्रहरीको ढांचामा सुजपुझ विना अल्प सोचका आधारमा कोठे राजनीतिका तरिकामा निर्णय गर्ने हो भने सेतो हात्ति वा सेरोमोनिएल र खर्चिलो हुनेछ । सुरक्षा काम कार्वाहीलाई असरदार र व्यवशायिक वनाउनस मातहतको दरवन्दी विस्तार गरी रेस्पोन्स क्यपासिटी वनाउनु पर्नेमा माथील्लो अहोदाको विशिष्ठ श्रेणीको जर्णेल पद थप गर्ने सोचले हतारको निर्णय फुर्सदको पछुताई हुनेछ । कुनै पनि फौजी संगठनमा स्ट्राटेजीक लेभल, विजेनस वा डिर्पाटमेण्टल लेभल तथा फंगसनल लेभल विचको सन्तुलन मिलेन भने फौज सेरामोनिएल वनाउन खोज्दा उट वने जस्तो नहोस ।

महत्वपूर्ण वेबसाइट

प्रशासन View More..

Top