राजपाका नेता कोही बहिस्कार त कोही सक्रिय सहभागि, विभाजको संकेत


Tuesday, 27 Jun, 2017 12:00 AM

काठमाडौं - संविधान संशोधन नभएसम्म स्थानीय तहको निर्वाचनमा भाग नलिने घोषणा गरेको राष्ट्रिय जनता पार्टी नेपाल (राजपा) का नेताहरू कोही बिरोध, बहिस्कार र भण्डाफोरमा त कोही चुनावको सक्रिय सहभागिता जुटेका छन् । असार १४ गते प्रदेश नम्बर १, ५ र ७ मा हने स्थानीय तहको निर्वाचन बहिस्कार गर्ने घोषणा गरेको राजपाका केही नेता गाउँपालिका र नगरपालिकामा स्वतन्त्र उम्मेदवारको पक्षमा भोट माग्न व्यस्त छन् । केही नेता भण्डाफोर र विरोधका कार्यक्रममा संलग्न भएपछि दुई महिनाअघि गठन भएको राजपा बिभाजनको ंसंघारमा पुगेको छ ।

पार्टी एकिकरण हुनुअघिको सवैभन्दा ठूलो दल तराई मधेश लोकतान्त्रिक पार्टी (तमलोपा) का तत्कालिन अध्यक्ष एवम् राजपा अध्यक्ष मण्डलका संयोजक महन्थ ठाकुर र उनी निकटका कोही नेता पनि निर्वाचनको बिरुद्धको कार्यक्रममा सहभागी छैनन् । स्थानीय तहको निर्वाचनमा भाग लिने र नलिने बिषयलाई लिएर राजपा भित्र दुई लाईन संघर्ष चलेकै थियो । पार्टी विभाजन गरेर निर्वाचनमा जाँदा मधेशी जनतामा नराम्रो छाप पर्ने भन्दै विभाजको संघारमा पुगेपनि रोकिएको राजपा तेश्रो चरणको निर्वाचन हुँदा नहुँदै फुट्ने संकेत देखिएको हो । ठाकुर निकटका नेताहरू महामन्त्री सर्वेन्द्रनाथ शुक्ला रुपन्देही, बरिष्ठउपाध्यक्ष हृदयेस त्रिपाठी नवलपरासी र महामन्त्री गुप्ता कपिलबस्तुमा स्थानीय तहमा स्वतन्त्र भएर उम्मेदवारी दिने राजपाका नेताहरूको पक्षमा भोट मागिरहेका छन् ।

महन्थ ठाकुर भने तटस्थ बसेका छन् । उनी निर्वाचन बहिस्कारको पक्षमा छैनन् र निर्वाचनमा भाग लिन पर्छ वा आफू निकटकालाई जिताउनु पर्छ भनेर लागेका छैनन् । तर राजपा अध्यक्ष मण्डलका ५ जना अध्यक्षहरू भने निर्वाचन भण्डाफोर कार्यक्रममा सक्रिय छन् । राजपाको अध्यक्ष मण्डलका संयोजक महन्थ ठाकुर निर्वाचनको पक्ष वा विपक्ष कतै पनि नखुलेको राजपाका एक नेताले बताए । ‘उहाँ पार्टी कार्यालयमा दिउँसो जानु हुन्छ र वेलुकी भक्तपुरस्थित घर फर्कनु हुन्छ’, ठाकुरका सहयोगी सत्येन्द्र मिश्र भन्छन, ‘उहाँ सरकारले घोषणा गरेको स्थानीय तहको निर्वाचनको समयमा कहीँ पनि जाने कार्यक्रम छैन ।’

तत्कालीन तमलोपाका अध्यक्ष ठाकुर भक्तपुरमै छन् भने वरिष्ठ उपाध्यक्ष हृदयेश त्रिपाठी गृह जिल्ला नवलपरासीमा छन् । राजपाकै उपाध्यक्ष तथा तमलोपा संसदीय दलका नेता सर्वेन्द्रनाथ शुक्ल रुपन्देहीको मर्चावारमा र अर्का नेता वृजेशकुमार गुप्ता आफ्ना पुर्खाको बिरासत धान्न कपिलबस्तुमै छन् । तर राजपा अध्यक्ष मण्डलका सदस्यहरू राजेन्द्र महतो, शरतसिंह भण्डारी, महिन्द्र राय यादव, अनिल झा र राजकिशोर झा भने भण्डाफोर कार्यक्रममा भाग लिन सप्तरीमा छन ् । चुनाव बहिस्कारको निणर्य गरेसँगै राजपाका नेताहरू ३ असारमा हुल बाँधेरै भैरहवा गएका थिए । चुनाव बहिस्कारको सन्देश फिँजाउन राजपाले लाठी जुलुस र सभा गर्ने योजना बनाएको थियो तर उसले लाठी जुलुस निकाल्न सकेन र सभा पनि प्रचार गरिएअनुसारको भएन ।

उम्मेदवारी दर्ताको दिन असार ४ गते उम्मेदवारी दर्ता बिथोल्ने प्रचार राजपाले गरेपनि कोही नेता–कार्यकर्ताले उम्मेदवारी बिथोलेनन् । केन्द्रीय नेता बसेको रुपन्देहीबाट १६ तहमध्ये १० स्थानीय तहमा राजपाआवद्ध नेता–कार्यकर्ताको उम्मेदवारी र्पयो । कपिलवस्तुका ४ तहमा राजपाका नेताहरूले उम्मेदवारी दिए । उम्मेदवारी दिएसँगै राजपाका नेताहरूले प्रचार गरे–उनीहरू हाम्रो पार्टीका हैनन उनीहरूलाई कारबाही हुन्छ तर त्यसो हुन सकेन । बरु राजपाका नेताहरू नै गुपचुप उम्मेदवारलाई जिताउन प्रचारमा हिँडे ।

राजपाका उपाध्यक्ष सर्वेन्द्रनाथ शुक्ल रूपन्देहीको दक्षिणी सीमावर्ती मर्चवार क्षेत्रमा ‘स्वतन्त्र’ उम्मेदवारलाई जिताउन लागिपरेका छन उनले पार्टीले चुनावमा नजाने निर्णय गरेका कारण आधिकारिक रुपमा चुनाव प्रचारमा सहभागी नभएको वताए ।  तर स्थानीय तहमा कार्यकर्ता चुनावमा लागेपछि सहयोग गर्न राजपाका नेतालाई वाध्यता पर्यो । उनीहरूले आफ्नो राजनीतिक भविष्य कायम राख्न रूपन्देहीको मर्चवार क्षेत्रमा कोटहीमाई, सम्मरीमाई र मर्चवारीमाई तीन गाउँपालिकामा नेता सुक्ल सक्रिय भएर लागेका छन् । रूपन्देही क्षेत्र नम्बर ६ मा पर्ने यो भूभागबाट शुक्ल सांसदमा चुनिएका हुन् ।

यी तीनवटै गाउँपालिकामा राष्ट्रिय जनता पार्टी, नेपालले अध्यक्ष, उपाध्यक्ष, वडाध्यक्षसहित सबै पदमा उम्मेदवार उठाएको छ । उनीहरू स्वतन्त्र हैसियतमा रहेपनि प्यानलकै लागि भोट माग्दै हिँडेका छन ् ।

पार्टीका वरिष्ठ उपाध्यक्ष ओमप्रकाश यादव गुल्जारी पनि रुपन्देहीको मर्चवार क्षेत्रमा खटिएका छन् । चुनाव बहिस्कारको लागि सन्देश फैलाउने भन्दै नेताहरूले आफ्ना कार्यकर्ताका लागि भोट मागिरहेका छन । लुम्बिनी सांस्कृतिक नगरपालिकामा राजपाकै नेता (सद्भावना पार्टीका केन्द्रीय सदस्य) मनमोहन चौधरीसहित नगरका अधिकांश पदमा उम्मेदवारी दिएका छन ।

कपिलवस्तुको सदरमुकाम रहेको कपिलवस्तु नगरपालिकामा राजपाका महासचिव वृजेशकुमार गुप्ताका काका रामदास गुप्ता चुनावी मैदानमा छन् । उनलाई जिताउनकै लागि वृजेशले सदरमुकाम छाडेका छैनन । उनले चुनाव बहिस्कार गरेको पार्टीको मान्छे भएपनि काकाजीले जितिहाल्नेमा ढुक्क छन् ।

ठाकुर बाहेकका प्रमुख नेता बहिस्कार र भण्डाफोरमा राजपाको अध्यक्ष मण्डलका संयोजक ठाकुर काठमाडौंमा भए पनि सप्तरीको शम्भुनाथ नगरपालिकास्थित कठौनामा पार्टी अध्यक्ष मण्डलका सदस्यहरू महतो, राय, भण्डारी, झा र यादव निर्वाचन भण्डाफोर कार्यक्रममा सहभागी थिए । उनीहरूले तीन–चार दिनदेखि नै सप्तरीका विभिन्न स्थानमा निर्वाचनको विरुद्धमा भण्डाफोर कार्यक्रममा सहभागिता जनाइरहेका छन् । राजपाका नेताहरूले शनिबार सप्तरीको मलेठमा भण्डाफोर कार्यक्रम गरे । त्यहाँ भने अध्यक्ष मण्डलका सदस्य महतो उपस्थित थिएनन् । उनलाई पितृशोक परेका कारण शनिबार विरोध सभामा सहभागी नभए पनि आइतबारको कार्यक्रममा भने उपस्थित भए । ‘महतोलाई पितृशोक परेपनि उहाँ माईलो छोरा भएकाले दुखमा वसिरहनु परेन’, राजपा महासचिव केशव झाले बताए ।

राजपाका नेता झाले भण्डाफोर कार्यक्रम सप्तरीमा उपलब्धीमूलक भएको भन्दै मलेठमा एमालेका नेता शम्भु प्रसाद यादव उर्फ लाली यादवसहित एक हजार बढी र कठौनामा भएको भण्डाफोर कार्यक्रममा संघीय समाजावादी फोरम परित्याग गरी चन्द्रकान्त मण्डलसहित एक हजार बढी राजपामा प्रवेश गरेको दाबी गरे । राजपाको भण्डाफोर कार्यक्रमममा पुरानो सद्भावना र राष्ट्रिय मधेस समाजवादी पार्टीका नेताहरूको बाक्लो उपस्थिति छ । तर नेपाल सद्भावना पार्टी र तमलोपाका अन्य नेताहरू भने उपस्थिति छैनन् ।

Related News

बिचार

उच्च अधिकृतहरूको राजनीतिमा घुन भएर पिसिन लागेका विचरा दुई डिएसपीहरू

हालै दुई जना डिएसपी नवराज सिलवाललाई हराउन खटिए भन्ने समाचार भाइरल भएको छ । मेरो विचारमा यो हुन सक्ला तर त्यसको उद्देश्य ती दुई डिएसपीको महत्वांकाक्षाभन्दा पनि तिनका उच्च प्रहरीका महत्वांकाक्षाले तिनलाई खटाएको हुनुपर्छ । उच्च प्रहरी जो नवराजसँग डराउँछन् वा घृणा गर्छन् वा सिलवालसँग दुश्मनी छ, तिनले आफ्ना स्वार्थका लागि नवराजलाई हराउन खटाएका हुन सक्छन् । तर के ती उच्च प्रहरीको मात्र नवराज हराउने महत्वांकाक्षा होला र रु त्यसमा नवराजको विरोधी दल र नवराज बिगार्न प्रत्यक्ष संलग्न नेता पनि हुन सक्छन् । त्यो नेताका लागि उच्च प्रहरी अधिकृतले डिएसपी खटाएको पनि हुनसक्छ । अझ त्यतिमात्र होइन तस्कर, अपराधी जसका विरुद्ध नवराजले एक्सन गरे तिनीहरू पनि त उनलाई हराउन चाहन्छन् र त्यस्ता अपराधीसँगै उच्च प्रहरीहरूको साँठगाँठ हुन पनि त सक्छ नी । धेरै प्रहरीहरूको पैसा व्यापारीहरूले प्रयोग गरेको र कतिपय अपराधमा संलग्न भई काम गरेको समाचारहरू पनि बाहिर आएकै हुन् । कतिपय समाजमा इमानदार कहलाएका प्रहरी कर्मचारीहरू भित्र–भित्र डरलाग्दो रूपमा पैसा कमाई बसेका छन् भन्ने पनि चर्चा चलेकै छ । अस्पताल, हाउजिङ्ग, बालुवा ठेक्का–पट्टा, शैक्षिक संस्थानलगाएत काममा लगाउने सम्मको कुरा उच्च दर्जाबाट हुने गरेको सुनिएकै हो ।

शेरबहादुर देउवाका प्रतिस्प्रर्धी खगराज भट्टले मतदातालाई लेखे मार्मिक पत्र

म व्याक्तिगत रुपमा कसैलाई गाली र अपमान गर्न चाहान्न् । तर जनताले अब निर्मम निर्णय लिनैपर्छ यसपटक । हो निसन्देह म तेस्रोपटक तपाईको मतका लागि चुनावी मैदानमा छु । मैले डडेल्धुराको विकासका लागि केही योजना सार्वजनिक गर्दा मेरा प्रतिद्धन्द्धी साथीहरुबाट म विरुद्ध नियोजित प्रहार गर्ने,मेरो राजनीतिक जीवनमा दाग लगाउन खोज्ने प्रयास भइरहेकोप्रति म दुख व्यक्त गर्दछु । मैले कहिले पनि पद,पैसा,पावरका लागि कहिल्यै कसैसंग सम्झौता गरिन । बरु यो वा त्यो बाहनामा मलाई निर्वाचन लड्नबाट रोक्ने,पैसालाई खरिद गर्ने र भनेजति पैसा दिने प्रस्ताव कतिपय ठाउँबाट आएकै हो ।
 

महत्वपूर्ण वेबसाइट

Top