संविधान संशोधनको बिपक्षमा राप्रपाका सांसद !


Tuesday, 11 Jul, 2017 12:00 AM

काठमाडौं  -दोस्रो चरणको चुनावअघि हुनै लागेको संविधान संशोधनका क्रममा राष्ट्रिय प्रजातन्त्र पार्टीका १० सांसद हराएका थिए । कतिपयले एमाले अध्यक्ष केपी ओली र राजा ज्ञानेन्द्र शाहले ति सांसदलाई फकाएर गायब बनाएको आरोप लगाए । यतिसम्मकी राप्रपा अध्यक्ष कमल थापासम्मले यस्तो आरोप लगाए । तर, त्यो पुष्टि हुन सकेन । अहिले फेरि संविधान संशोधनको विषयमा चर्चा चल्न थालेपछि राप्रपामा ध्रुविकरण र विभाजनको अवस्था आएको छ । राप्रपाका प्रत्येक सांसदको मतविना संविधान संशोधनमा एमालेबाहेकको दुई तिहाई पुग्न कठिन छ ।

सरकारले संविधान संशोधन विधेयकलाई अघि बढाउने तयारी गरिरहेका बेला राप्रपाका नेताहरूले परिमार्जन नगरिए उक्त विधेयकको पक्षमा भोट नहाली अनुपस्थित हुने चेतावनी दिइसकेका छन् ।

वधेयकलाई मतदानमा लग्ने सरकारको योजना विफल तुल्याइदिएका भनिएका राप्रपाका सांसद अझै उक्त विधेयकको विपक्षमा दृढ देखिएका हुन् । विधेयक पारित गर्न यसअघि नपुग देखिएको केही सांसदको साथ जुटाउने सरकारको प्रयासका माझ राप्रपाभित्रको असन्तुष्टि प्रकट भएको छ । सरकारले चैत्र महिनाको अन्तिम साता दोश्रो पटक दर्ता गराएको संविधान संशोधन विधेयक हालसम्म संसदमै थन्किएको छ ।
प्रमुख प्रतिपक्षी दल नेकपा एमाले उक्त विधेयकलाई साथ नदिने वताई हरेको बेला सिंगो राप्रपाले साथ दियो भने पनि विधेयक पारित गराउन अहिलेसम्मको स्थिति कठिन छ । सरकार केही सांसदको सहयोग खोजीमा रहेका बेला राप्रपाकै केही सांसद विपक्षमा देखिए संविधान संशोधन बिधेयक पारित नहुने निश्चित छ ।

राप्रपा सांसद रामकुमार सुव्वाका अनुसार परिमार्जनसहित विधेयक नआए पार्टीको ह्वीप भनेर नबस्ने चेतावनी दिए । उनले भने,‘परिमार्जन त हुन पर्छ । सवै कुरा हामीलाई पनि कहाँ मान्य छ र ?’

सरकारले दुई महिनाअघि संशोधन विधेयकलाई मतदानमा लग्ने तयारी गरेको थियो । राप्रपाका केही सांसद संसदमा उपस्थित नहुने तयारीमा रहेको थाहा पाए पछि नै उक्त प्रक्रिया रोकिएको बताइएको थियो ।

मुख्यतया संशोधनमा प्रस्ताव गरिएका नागरिकता, भाषा, जनसंख्याका आधारमा प्रतिनिधित्व जस्ता विषयले दीर्घकालसम्म राष्ट्रलाई घाटा पुराउने सांसद विराज विष्टले बताए । उनले भने, ‘परिमार्जन भएन भने हामीले पक्षमा किन मत हाल्ने ? सरकारमा गयौं वा समर्थन गरेका छौं भन्दैमा मुलुक दुर्घटनामा पार्ने तमसुकमा जथाभावी हस्ताक्षर र समर्थन गर्न मिल्दैन ।’

पार्टी अध्यक्ष कमल थापाले राप्रपाको संसदीय दलको बैठकमा संशोधनका विषयमा छलफल गरेरै अघिबढने वचन दिएको अर्का सांसद रमेश कुमार लामाले बताए ।
बुँदागत रूपमा दिल खोलेर छलफल गरेपछि तपाईहरूले जे भन्नुहुन्छ त्यसमा म सहमत छ भनेर अध्यक्षले भनेको उनले सुनाए । सबै सासंद एक ठाँउमा रहने राप्रपा संसदीय दलकी प्रमुख सचेतक कुन्तीकुमारी शाहीको विश्वास छ ।

उनले भनिन्, ‘हामीहरू विधेयकको पक्षमा जाने भन्ने कुरा एक प्रकारले सबै सासंदहरूको समर्थन भएको अवस्था हो यसमा अहिले असन्तुष्टी भएको मैले पाएको छैन ।’ राप्रपाको तीन सदस्यीय वार्ता टोलीले सरकारमा सहभागिता, संविधान संशोधन विधेयक लगायतका विषयमा सत्तापक्षसँग छलफल गरिरहेको बताइएको छ । तर, राप्रपाको आन्तरिक विवादका कारण मधेसको प्रतिनिधित्व गर्ने राजपाले चाहेको संविधान संशोधन सरकारले संसदमा पुराएपनि पारित हुन असम्भव देखिएको छ । जनप्रहार साप्ताहिक

Related News

बिचार

पूर्वराष्ट्रपति डा रामवरण यादवको सनसनीपुर्ण खुलासा :- मैले तीनपल्ट सेना बचाएको छु

अहिले सम्झिँदा– पहिलो संविधानसभामा जुन पार्टीहरूले सेरेमोनियल राष्ट्रपतिको भरपूर उपयोग गरे, दोस्रो सभामा तिनैले अविश्वास गरेजस्तो लाग्दैन रुतपाईंले यो एकदम ठिक भन्नुभयो । उनीहरूले सत्ताको लागि यसो गरेका हुन् । राष्ट्रपति सेरेमोनियल हो । तर, जुन बेला संसद् रहँदैन, त्यसको अख्तियार पनि राष्ट्रपतिकहाँ गइहाल्छ । बुद्धिजीवी, पत्रकारहरूले मलाई त्यसबेला बढी सक्रिय भएको भनी प्रश्न गर्ने पनि गर्छन् । सेनापतिको विषयमा यो प्रश्न उठ्छ । लोकतान्त्रिक गणतन्त्र जोगाउनका लागि सेनाको विषयमा मैले संविधानलाई अलिकति ‘इन्क्रोच’ (हस्तक्षेप) गरेकै हुँ । तर त्यो बुझेर गरिएको निर्णय थियो । किनभने, देशमा दुई वटा सेना थिए । कम्तीमा शिविरका लडाकुको व्यवस्थापन भइसकेपछि कार्यकारी प्रमुखले ‘फुल फङ्सन’ (पूर्ण भूमिका) गर्न सक्थ्यो । नत्र, कहिलेकाहीँ मैले लगाम लगाउनै पथ्र्यो । मैले यो कुरा प्रधानमन्त्री प्रचण्डलाई स्पष्ट भनिदिएको थिएँ, ‘तपाईं विद्रोही प्रधानमन्त्री, रक्षामन्त्रीले दुई वटा सेनाको समस्या समाधान गर्नुस् । त्यसपछि सेनाको इस्युमा हात हाल्नुस् ।’

प्रचण्डजी, बाबुरामजीहरूले एक डेढ महिनादेखि बाहिर आएर बोल्न थाल्नुभएको थियो । मेरो सोच र उहाँको सोचमा फरक हुन थाल्यो । मैले सिधै त सोधिनँ, तर भित्र–भित्रै होमवर्क गर्न थालिसकेको थिएँ । किनकि, मैले अरू पार्टीहरूको फरक विचार छ भन्ने थाहा पाइरहेको थिएँ । रक्षामन्त्री (बादल) ले प्रधानमन्त्रीकहाँ सेनापतिलाई बोलाएर मलाई सहयोग गर्न (राजीनामा दिन) भनेपछि सेनापतिले मलाई फोन गरेका थिए । दोस्रोपल्ट पनि त्यसैगरी बोलाएर सहयोग गर्न भनेको थाहा पाएपछि मैले (कटवाललाई) राजीनामा नगर्न भनें । म त्यसबेला पत्रकारको एउटा कार्यक्रममा थिएँ । बाटोबाटै सेनापतिको फेरि फोन आयो । मैले जवाफ दिएँ, ‘तपाईंले प्रधानमन्त्री र रक्षामन्त्रीलाई भन्नुहोला– संस्थागत प्रक्रियाबाट राजीनामाका लागि कुरा ल्याउन भन्नुस्, (संस्थागत बाटोबाट ल्याउँदा चिठी राष्ट्रपतिकहाँ आइपुग्छ) अहिले राजीनामा नगर्नुहोला ।’
पुलिस र सशस्त्रको नियमावली परिवर्तन नगर्नुस् भनेर मैले प्रधानमन्त्री राखेर उहाँलाई भनेको थिएँ । उहाँले नमान्ने हुँदा आज पुलिस र सशस्त्रको के दशा छ ? आज सशस्त्र भन्सार र एयरपोर्टमा बसिरहेको छ ।
 

संगठन भित्र हस्पक्षेपका कारण जनताको नजरमा प्रहरीको छवि धमिलो !

उत्कृष्ट प्रहरी व्यवहार त्यतिबेला प्रदर्शित हुन्छ, जब प्रहरीले समाजका सम्पूर्ण वर्ग र समुदायलाई समान ठानी निस्वार्थ व्यावसायिक कार्य सम्पादन गरी आफू सबैको साझा व्यक्ति भएको भन्ने कुरा प्रहरी व्यवहारबाटै प्रमाणित गराउँछ । यो अवस्थामा प्रहरी कार्यसँग जनता सन्तुष्ट रहन्छन् । प्रहरी हाम्रै लागि हो भन्ने जनभावना विकसित हुन्छ । प्रहरी र जनताको पारस्परिक सम्बन्ध प्रगाढ बन्दै जान्छ । आवश्यक सहयोग आदान–प्रदान गर्ने परिपाटी बस्छ । जसका कारण प्रहरी कार्य प्रभावकारी हुने भएकोले समाजको नजरमा प्रहरीको छवि सुध्रन्छ । तर यसविपरीत प्रहरीबाट हुने गरेको एकपक्षीय व्यवहारले प्रहरीको छवि धमिलिएको छ । यसको सुधारका निम्ति प्रहरी व्यवहार लोकप्रिय हुन जरुरी छ ।  यसर्थ राजनीतिक प्रभावको कारण प्रहरीमा परेका उपरोक्त नकारात्मक असरले प्रहरी संगठनलाई नै बदनाम गराउँदै आएको हुँदा यसको अन्त्य गरी नेतामुखी बन्दै गएको प्रहरी सेवालाई जनमुखी बनाउन गृह नेतृत्व र प्रहरी नेतृत्व दुवैले ध्यान पु¥याउनु आवश्यक छ ।

महत्वपूर्ण वेबसाइट

Top