सेनामा २८ महासेनाको एकै पटक सरूवा/ को कहा भए सुचिसहित?


Thursday, 12 Jan, 2017 9:27 AM

रेवती सापकोटा, काठमाडौं स् सरकारले एकै पटक २८ महासेनानीलाई सरुवा गरेको छ । मन्त्रिपरिषद्को बुधवारको बैठकले सैनिक इण्टेलिजेन्स महानिर्देशनालयका महासेनानी कुमार लामालाई सहायक बाहिनीपति बाहिनी अडडामा, एक नम्बर बाहिनी अडडाका महासेनानी आनन्दकुमार अधिकारीलाई सैनिक इण्टिेलिजेन्स महानिर्देशनालयमा, विकास निर्माण महाशाखाका महासेनानी सञ्जय थापालाई सहशिक्षाधिकृत नेपाली सैनिक प्र्रतिष्ठानमा, सैनिक अभिलेखालयका महासेनानी मिनध्वज खडकालाई सहनिर्देशक सैनिक निर्देशनालयमा सरुवा गर्ने निर्णय गरेको हो ।

त्यसैगरी नेपाली सैनिक प्रतिष्ठानका महासेनानी अरुणकुमार पाललाई सैनिक इन्टेलिजेन्स महानिर्देशनालयमा, सैनिक स्टाफ कलेजका महासेनानी सहदेव खड्कालाई सहायक बाहिनीपति चार नम्बर बाहिनी अडडामा, २६ नम्बर बाहिनी अड्डाका महासेनानी हिरालाल जोशीलाई सुदूरपश्चिम पृतना हेडक्वाटरको पृतना सहचिफ अफ स्टाफमा सरुवा गरिएको छ।

सँगै चार नम्बर बाहिनी अड्डाका महासेनानी राम राणालाई शिकायत जाँच निर्देशनालयमा, राष्ट्रिय विकास तथा सुरक्षा महानिर्देशनालयका महासेनानी लवकुमार रायमाझीलाई सहायक बाहिनीपति २४ नम्बर अड्डामा, राष्ट्रिय सुरक्षा परिषद्को सचिवालयका महासेनानी दीपककुमार बानियाँलाई मध्यपृतना हेडक्वाटरको पृतना सह चिफ अफ स्टाफमा, राष्ट्रिय विकास तथा सुरक्षा महानिर्देशनालयका महासेनानी विजय थापालाई सुदूरपश्चिम पृतना हेडक्वाटरको पृतना सहचिफ अफ स्टाफमा, मानवअधिकार निर्देशनालयका महासेनानी शंकरबहादुर पण्डितलाई पूर्वी पृतना हेडक्वाटरको पृतना सहचिफ अफ स्टाफमा सरुवा गरिएको छ ।

शान्ति सेना सञ्चालन निर्देशनालयका महासेनानी सुशीलकुमार भण्डारीलाई अभिलेखपति सैनिक अभिलेखालयमा, सैनिक संगठन निर्देशनालयका महासेनानी बिष्णु राउतलाई दुई नम्बर बाहिनी अड्डाको सहायक बाहिनीपतिमा, सैनिक इण्टेलिजेन्स महानिर्देशनालयका महासेनानी सन्तोष बल्लभ पौडेललाई एक नम्बर बाहिनी अड्डाको सहायक बाहिनीपतिमा, सुदूरपश्चिम पृतना हेडक्वाटरका महासेनानी पवनराज घिमिरेलाई राष्ट्रिय विकास तथा सुरक्षा महानिर्देशनालय, युद्धकार्य निर्देशनालयको बलाधिकृत विभागका महासेनानी चोकबहादुर ढकाललाई सैनिक इण्टेलिजेन्स महानिर्देशनालयमा सरुवा गरिएको छ ।

मध्ये पृतना हेडक्वाटरका महासेनानी सुनिल श्रेष्ठलाई सैनिक इन्टकोर पतिमा, २१ नम्बर बाहिनी अड्डाका महासेनानी विनोद खरेललाई युद्धकार्य निर्देशनालय बलाधिकृत विभागमा, सैनिक उच्च शिखर शिक्षालयका महासेनानी इन्द्रबहादुर रायमाझीलाई २२ नम्बर बाहिनी अड्डाको सहायक बाहिनीपतिमा, २२ नम्बर बाहिनी अड्डाका महासेनानी ध्रुवप्रकाश शाहलाई पिएसओज कार्यालयको सचिवमा, सुदूरपश्चिम पृतना हेडक्वाटरका महासेनानी यामबहादुर सापकोटालाई राष्ट्रिय सुरक्षा परिषदको सचिवालयमा, १८ नम्बर बाहिनी अड्डाका महासेनानी पुरुषोत्तम ढकाललाई सैन्य तालिम केन्द्रको केन्द्रपतिमा, वीरेन्द्र अस्पतालका महासेनानी भगवान खत्रीलाई गुणस्तर नियन्त्रण निर्देशनालयमा सरुवा गरिएको छ ।

२ नम्बर बाहिनी अडडाका महासेनानी सन्तोषराज पाण्डेलाई विशेष फौज बाहिनीको सहायक बाहिनीपतिमा, पूर्वी पृतना हेडक्वाटरका महासेनानी सुनिलराज बिष्टलाई सैनिक उच्च शिखर शिक्षालयको प्रमुख शिक्षाधिकृतमा, १८ नम्बर बाहिनी अड्डाका महासेनानी भरतचन्द्र गुरुङलाई १८ नम्बर बाहिनी अड्डाका सहायक बाहिनीपतिमा, पूर्वी पृतना हेडक्वाटरका महासेनानी गंगाराज मुकारुङलाई विरेन्द्र अस्पतालको प्रशासन रजिष्ट्रारमा सरुवा गरिएको छ ।

नेपाली सेनाका महासेनानी दर्जामा कार्यरत अधिकृतलाई सरुवा गर्ने रक्षामन्त्री बालकृष्ण खाँडले पुस १९ गते स्वीकृत गरेको सो प्रस्तावलाई मन्त्रिपरिषद्ले बुधवार निर्णय गरेको हो ।
अन्नपुुर्ण पोष्टवाट

Related News

बिचार

उच्च अधिकृतहरूको राजनीतिमा घुन भएर पिसिन लागेका विचरा दुई डिएसपीहरू

हालै दुई जना डिएसपी नवराज सिलवाललाई हराउन खटिए भन्ने समाचार भाइरल भएको छ । मेरो विचारमा यो हुन सक्ला तर त्यसको उद्देश्य ती दुई डिएसपीको महत्वांकाक्षाभन्दा पनि तिनका उच्च प्रहरीका महत्वांकाक्षाले तिनलाई खटाएको हुनुपर्छ । उच्च प्रहरी जो नवराजसँग डराउँछन् वा घृणा गर्छन् वा सिलवालसँग दुश्मनी छ, तिनले आफ्ना स्वार्थका लागि नवराजलाई हराउन खटाएका हुन सक्छन् । तर के ती उच्च प्रहरीको मात्र नवराज हराउने महत्वांकाक्षा होला र रु त्यसमा नवराजको विरोधी दल र नवराज बिगार्न प्रत्यक्ष संलग्न नेता पनि हुन सक्छन् । त्यो नेताका लागि उच्च प्रहरी अधिकृतले डिएसपी खटाएको पनि हुनसक्छ । अझ त्यतिमात्र होइन तस्कर, अपराधी जसका विरुद्ध नवराजले एक्सन गरे तिनीहरू पनि त उनलाई हराउन चाहन्छन् र त्यस्ता अपराधीसँगै उच्च प्रहरीहरूको साँठगाँठ हुन पनि त सक्छ नी । धेरै प्रहरीहरूको पैसा व्यापारीहरूले प्रयोग गरेको र कतिपय अपराधमा संलग्न भई काम गरेको समाचारहरू पनि बाहिर आएकै हुन् । कतिपय समाजमा इमानदार कहलाएका प्रहरी कर्मचारीहरू भित्र–भित्र डरलाग्दो रूपमा पैसा कमाई बसेका छन् भन्ने पनि चर्चा चलेकै छ । अस्पताल, हाउजिङ्ग, बालुवा ठेक्का–पट्टा, शैक्षिक संस्थानलगाएत काममा लगाउने सम्मको कुरा उच्च दर्जाबाट हुने गरेको सुनिएकै हो ।

शेरबहादुर देउवाका प्रतिस्प्रर्धी खगराज भट्टले मतदातालाई लेखे मार्मिक पत्र

म व्याक्तिगत रुपमा कसैलाई गाली र अपमान गर्न चाहान्न् । तर जनताले अब निर्मम निर्णय लिनैपर्छ यसपटक । हो निसन्देह म तेस्रोपटक तपाईको मतका लागि चुनावी मैदानमा छु । मैले डडेल्धुराको विकासका लागि केही योजना सार्वजनिक गर्दा मेरा प्रतिद्धन्द्धी साथीहरुबाट म विरुद्ध नियोजित प्रहार गर्ने,मेरो राजनीतिक जीवनमा दाग लगाउन खोज्ने प्रयास भइरहेकोप्रति म दुख व्यक्त गर्दछु । मैले कहिले पनि पद,पैसा,पावरका लागि कहिल्यै कसैसंग सम्झौता गरिन । बरु यो वा त्यो बाहनामा मलाई निर्वाचन लड्नबाट रोक्ने,पैसालाई खरिद गर्ने र भनेजति पैसा दिने प्रस्ताव कतिपय ठाउँबाट आएकै हो ।
 

महत्वपूर्ण वेबसाइट

Top