ट्राई म्याराथनको उपाधि आर्मी क्लबलाई


Friday, 8 Jul, 2016 7:50 AM

काठमाण्डौ- तेस्रो राष्ट्रिय ट्राई म्याराथनको उपाधि त्रिभुवन आर्मी क्लबको ए टोलीले जितेको छ । शुत्रबार धादिङमा भएको ट्राई म्याराथनमा नेपाल आर्मीको ए टोलीले प्रथम स्थान हासिल गर्दा आर्मीकै टोली डि र टोली बी क्रमश दोस्रो र तेस्रो भए ।

प्रतियोगितामा त्रिभुवन आर्मी क्लब ‘ए’ प्रथम हुँदै एक लाख पुरस्कार प्राप्त गयो । त्यसैगरी दोस्रो र तेस्रो हुने टिमहरु क्रमशः नेपाली सेनाको त्रिभुवन आर्मी क्लब टोली ‘डि’ र टोली ‘बी’ ले क्रमशः ७५ हजार र ५० हजार प्राप्त गरे ।
विजेतालाई प्रधानसेनापति राजेन्द्र क्षत्रीले पुरस्कार तथा प्रमाणपत्र प्रदान गरे ।

उक्त प्रतियोगितामा रनिङ, साईक्लिङ र ¥याफ्टिङ खेल समावेश गरी सञ्चालन गरिएको थियो भने प्रतियोगितामा नेपाली सेनाको त्रिभुवन आर्मी क्लबबाट चार टोली, सशस्त्र प्रहरी बलको एपिएफ क्लबबाट एक टोली र गैर सैनिकको तर्फबाट चार टोली सहभागी थिए ।
प्रतियोगिताको प्रथम चरणमा ६.८ कि.मि.दौड, दोस्रो चरणमा २६.५ कि.मि. साईक्लिङ र तेस्रो चरणमा १० किमी याफ्टिङ गरी जम्मा दुरी ४३.३ किमि रहेको थियो ।

विश्व खेल जगतमा दिन प्रतिदिन नयाँनयाँ साहसिक एवम् रोमाञ्चक खेलप्रति खेल प्रेमीको आर्कषण बढ्दै गएको परिपेक्षमा नेपालको विविधताले भरिपूर्ण भुधरातलको अधिकत्म उपयोग गरी विभिन्न मनोरञ्जनात्मक तथा साहसिक खेलहरु सञ्चालन गर्ने क्रममा उक्त प्रतियोगिता आयोजना गरेको सैनिक जनसम्पर्क निर्देशनालयले जनाएको छ ।
रासस

बिचार

संगठन भित्र हस्पक्षेपका कारण जनताको नजरमा प्रहरीको छवि धमिलो !

उत्कृष्ट प्रहरी व्यवहार त्यतिबेला प्रदर्शित हुन्छ, जब प्रहरीले समाजका सम्पूर्ण वर्ग र समुदायलाई समान ठानी निस्वार्थ व्यावसायिक कार्य सम्पादन गरी आफू सबैको साझा व्यक्ति भएको भन्ने कुरा प्रहरी व्यवहारबाटै प्रमाणित गराउँछ । यो अवस्थामा प्रहरी कार्यसँग जनता सन्तुष्ट रहन्छन् । प्रहरी हाम्रै लागि हो भन्ने जनभावना विकसित हुन्छ । प्रहरी र जनताको पारस्परिक सम्बन्ध प्रगाढ बन्दै जान्छ । आवश्यक सहयोग आदान–प्रदान गर्ने परिपाटी बस्छ । जसका कारण प्रहरी कार्य प्रभावकारी हुने भएकोले समाजको नजरमा प्रहरीको छवि सुध्रन्छ । तर यसविपरीत प्रहरीबाट हुने गरेको एकपक्षीय व्यवहारले प्रहरीको छवि धमिलिएको छ । यसको सुधारका निम्ति प्रहरी व्यवहार लोकप्रिय हुन जरुरी छ ।  यसर्थ राजनीतिक प्रभावको कारण प्रहरीमा परेका उपरोक्त नकारात्मक असरले प्रहरी संगठनलाई नै बदनाम गराउँदै आएको हुँदा यसको अन्त्य गरी नेतामुखी बन्दै गएको प्रहरी सेवालाई जनमुखी बनाउन गृह नेतृत्व र प्रहरी नेतृत्व दुवैले ध्यान पु¥याउनु आवश्यक छ ।

डीएसपी हुँदा एसएसपी पक्राउ गर्नुपर्दा

बडाहाकिम अनुहारमा चिटचिट पसिना निकाल्दै हातमा एउटा कागज समातेर आफ्नो कार्यकक्षमा ओहोरदोहोर गरिरहेका थिए । मैले आफू आएको जानकारी गराउनासाथ उनले ‘माथिको आदेश’ भन्दै हड्बडाउँदै र दुवै हात कमाउँदै (आवा) आकाशवाणीका रूपमा प्राप्त गरेको कागजको एउटा टुक्रा मतिर बढाए । तलदेखि माथिसम्म पढेँ । धेरै कुरा केही थिएन । गृह मन्त्रालयबाट जारी गरिएको गोप्य निर्देशन रहेछ । जसमा लेखिएको थियो, ‘विशिष्ट राजनीतिक परिस्थिति सिर्जना हुन पुगेकाले उल्लिखित ६ व्यक्तिलाई तुरुन्त पक्राउ गरी हिरासतमा लिनू र यस कदमविरुद्ध कुनै व्यक्ति वा समूहद्वारा राजनीतिक क्रियाकलाप प्रदर्शन गर्न खोजे उनीहरूलाई पनि यसै आदेशका आधारमा पक्राउ गरी माथि जानकारी गराउनू ।’ पाँच जना व्यक्तिको नाममा मलाई त्यस्तो अप्ठ्यारो लागेन । तर, एक जना व्यक्तिको नामले मलाई भित्रैदेखि झकझक्यायो । मैले ती नाम दोहोर्‍याएर–तेहेर्‍याएर पढेँ । एकपटक झस्किएँ पनि, कतै आफ्नै नाम त छैन भनेर । मेरो नाम त थिएन तर मभन्दा माथिल्लो तहका प्रहरी अफिसर अर्थात् एसएसपीको नाम त्यो पक्राउ गर्नू भन्ने पुर्जामा चौथो नम्बरमा थियो । उनी नेपाली कांग्रेसका नेता सूर्यप्रसाद उपाध्यायका नातेदार थिए ।

महत्वपूर्ण वेबसाइट

Top